news-inner
clock08:45 calendar-gray 06 Aprel 2013 view-gray2558 dəfə oxunub
view-gray2558 dəfə oxunub

Xəzərin dibindəki qızıllar

Bəzi hekayələr var, adam doğulandan bəri onları eşitsə də, inanmağı gəlmir. Görəsən uydurmadır, yoxsa “olmuş işdir” deyib düşüncələrə dalırıq. Axı yalan olsaydı, illər, əsrlər keçəndən sonra bu günümüzə gəlib çıxa bilərdi? Onlardan hansı əfsanədir, hansı həqiqidir? O hadisələrdən, əfsanələrdən bəzilərini təqdim edirik…

Ceyms Din və lənətli “Porşe”si

Amerikan aktyor Ceyms Din 1955-ci ilin 30 sentyabrında “Porşe Spayder” markalı maşını ilə keçirdiyi avtoqəzada həyatını itirib. Əfsanəyə görə, Dinin “Porşe”si qəzadan sonra bir təmirxanaya satılıb. Təmirçi maşını görmək istəyənlərdən 25 sent alaraq, bir müddət onu təmirxanada sərgiləyib. Pərəstişkarların marağı azalanda maşını satıb. Parçalayıb satmaq üçün “Porşe”ni alan Corc Barris “bu parça Ceyms Dinin maşınındandır” deyərək satırmış. Parçalardan birini alan Troy Makhenri ağır bir yol qəzasında dünyasını dəyişib. Maşının başqa bir hissəsini alan insan isə maşınında ölü tapılıb. Son qurban isə “Porşe”nin skeletinin sərgilənməyi üçün Salinasa gedən yük maşınının sürücüsü olub. Onun da yük maşını yoldan çıxaraq uçuruma yuvarlanıb və ölüb.

“Sonanın uşaqları” kimlərdir?

Bakının mərkəzində, kəndlərində uzun müddət yaşayan insanlar tez-tez “Sonanın uşaqları” sözünü işlədirlər. Xüsusən oğlan uşaqları evə davadan çıxmış, üst-başı dağınıq, içkili – bir sözlə, pis vəziyyətdə gəlirsə, ona evdə deyilən ilk söz: “Gedib qoşulmuşdun Sonanın uşaqlarına?”, - olur. Amma bu Sona kimdir, nəçidir, neçə uşağı var, niyə onun uşaqları pisdir, ümumiyyətlə Sona adlı elə bir qadın olubmu, bax bunları heç kim bilmir. Bir şəhər əfsanəsi kimi illərdir dilimizə düşüb.

Versal Sarayının tualeti yoxdur

Yəqin ki “Versal Sarayında bir dənə də tualet yoxdur” sözünü eşitmisiniz. Halbuki, Paris yaxınlığındakı bu sarayın həyətində tualet vardı. Kral və kraliçanın tualet otaqları isə fərqli idi. Tualetlər ortası deşik stol formasında, bir növ uşaq tualetlərini xatırladırdı.

Londonda taksi sürücüsü olmaq işgəncədir

Londonda taksi sürücüsü olmaq istəyənlər bir il şəhərin küçələrini velosipedlə gəzməli imiş. Namizədlərə: “Cacment küçəsindəki ayaqqabı mağazasının adı nədir?”, “Bu küçə hansı küçələrlə kəsişir?” kimi əcaib suallar verirlərmiş.

Ayaqqabı şüşədən deyilmiş

Məşhur “Sindrella” nağılının əsl versiyasında qızın ayaqqabısı taxtadan imiş, amma fransızcadan ingiliscəyə ilk dəfə tərcümə olunanda səhvən şüşə kimi yazılıb və bütün dünya dillərinə bu variantda yayılıb.

Xəzərin dibi qızılla doludur

Xəzər dənizi istənilən su hövzəsi kimi bir çox gəmilərə, təyyarələrə, bərələrə “qəbiristanlıq” olub. Ta XVII-XVIII əsrlərdən Xəzər vasitəsilə Rusiya və İranla ticarət əlaqələri qurulub. Hazırda Xəzərin dibində 450-dən artıq gəmi, 200 kater, 10 bərə, 45 təyyarə, habelə 300 tondan artıq kimyəvi maddə, radioaktiv birləşmələr və yüzlərlə sistern neft, mazut, benzin daşıyan tankerlər var. Yəni Xəzərin dibi indi hər an partlamağa hazır dinamit olmaqla yanaşı, həm də gəmilərdə batan çoxlu sayda qızıl, gümüş əşyaların məkanıdır.

Hamının fərqli dil izi var

Dil izi səhv olma ehtimalı ən aşağı olan fərqləndirmə üsuludur. Hətta barmaq izindən belə daha dəqiqdir. Oranı-buranı yalamaq ədəbsiz və qeyri-sağlam bir şey olmasaydı, barmaq izi əvəzinə dil izindən istifadə edərdilər.

Yanacaqdoldurma məntəqəsində mobil telefon qadağası

“Mobil telefonunuzu söndürün” qadağasını yəqin çox yerlərdə görmüsünüz. Bu yerlərdən biri də yanacaqdoldurma məntəqəsidir. Mobil telefonların siqnalları yanacaqdoldurma məntəqəsindəki tankerlərin partlamağına səbəb ola bilər.

Qulaqlıqlar bakteriyanı çoxaldır

Qulaqlıqla yüksək səsli musiqi dinləməyin zərərli olduğunu bilməyən yoxdur. Ancaq qulaqcığın zərəri təkcə bu deyil. Araşdırmalara görə, bir saat qulaqcıq musiqi dinləyəndə qulaqdakı bakteriyaların miqdarı 11% artır.

Xaş-xaşlı çörək narkotik testini “müsbət” çıxarır

Xaş-xaşlı çörək və ya kökə yedikdən sonra verilən sidik testinin nəticələri qanda narkotik maddənin olduğunu göstərə bilər. Köhnə sistemlə işləyən laboratoriyalarda bu nəticənin çıxması mümkündür. Ancaq texnologiya və laboratoriyalar müasirləşdiyi üçün artıq belə bir ehtimal yoxdur.

Susuz və yeməksiz 28 gün

İnsanın normal şəraitdə susuz yaşaya biləcəyi günlərin sayı maksimum altıdır. Su içib yemək yeməsən, 4-6 həftə yaşamaq olar. Kök insanlar 25 həftə susuzluğa və aclığa dözə bilərlər.

news-inner-user
Rəna Nevzat

298 məqalə

Oxşar xəbərlər

Xəbər lenti

190 manatlıq qarpızı təpikləyən yutuber
19:41 11 İyul 2020
Əruz vəznində yazılmış ən gözəl təbiət şeiri - Mətn
17:01 11 İyul 2020
Kəramət Böyükçöl: "Məşhurluğumun arxasında dura bilmirəm" - Video
16:29 11 İyul 2020
Özgə adam - Xəyyam Rəfilinin hekayəsi
15:42 11 İyul 2020
Polşa fondu Bakıda müsabiqə elan etdi
14:51 11 İyul 2020
İcazə verək, insanlar Allahlarıyla dalaşsın
14:07 11 İyul 2020
Qarajda yaşayan Əməkdar artistin ürək parçalayan son sözü - Maraqlı Faktlar
13:15 11 İyul 2020
Məktublarda gizlədilmiş sevgilər - Malik Atilayın yeni şeirləri
12:08 11 İyul 2020
Sadəcə, Şahin
11:18 11 İyul 2020
Orxan Pamuk Qərbə yarınır - Şəhriyar yazır...
10:21 11 İyul 2020
Tofiq azərbaycanlı qızı ləkələyir, rus qızıyla evlənir – Məşhur filmin pərdəarxası
08:59 11 İyul 2020
"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020