news-inner
clock15:00 calendar-gray 02 Aprel 2013 view-gray2955 dəfə oxunub
view-gray2955 dəfə oxunub

“Hərb və sülh”ü oxumaq çox çətin idi

Tez-tez getdiyim bir kafedi “Travellers coffee”. Demək olar ki, hər gün oranın “ice dream”indən içirəm. Ötən həftə də ordaydım. Sol tərəfimdə sakitliyi pozan iki xanımın qəhqəhəsi məni cəlb elədi. Gözlərimi qıyıb baxanda gördüm ki, xanımlar “Avroviziya-2011”-in qalibi Eldar Qasımovla oturublar. Təbii ki, bir neçə suala cavab almaq üçün Eldar bəyin masasına yaxınlaşdım. Məni süsusi mehribanlıqla qarşıladı, gülərüzlə suallarımı cavabladı.

- Məşhur olduqdan sonra fanat kütləsi, tanınmış sima olmaq həyatınıza necə təsir göstərdi? Birdən-birə bu cür məşhur olmaq sizi qorxutmadı?

- Əslində yox, çünki mən hələ çoxdan özümü bu populyarlığa hazırlayırdım. Mən bilirdim ki, bu peşənin müsbət və mənfi tərəfləri var.

- Məsələn, siz dostlarınızla burda yemək yeyirdiz və mən gəlib sizə mane oldum. Mən əminəm ki, bu cür hallar az baş vermir. Fanat kütləsi də sizi yəqin ki, belə narahat edir.

- Yox, bu şəxsən mənim üçün çox müsbət haldı. Mən ünsiyyəti çox sevirəm və bu mənim peşəmdi. Hə, bəzən əhvalım pis olanda bunu istəmirəm, o vaxtlar mən evə qaçıram.

- Uşaqlıqdan yadınızda qalan, dünya görüşünüzə təsir etmiş bir kitab, ya da müəllif adı çəkə bilərsiz?

- Mən deyə bilmərəm ki, bu təsiri bir nəfərə borcluyam. Uşaqlıqda mən bədii ədəbiyyata daha çox üstünlük verirdim, indi isə elmi ədəbiyyatı daha çox oxuyuram. Məsələn, atçılıqla məşğul oluram və atlar haqqında oxuyuram. Bundan başqa üzgüçülüklə məşğulam və bu haqda çox oxuyuram.

Amma təsir edən bədii əsərlərə “Hərb və sülh”ü misal göstərə bilərəm, onu oxumaq çox çətin idi. Məktəb vaxtı mən bu əsərə bir nöqteyi-

nəzərdən yanaşırdım, indi isə tam başqa aspektdən yanaşıram. Eləcə də Paulo Koelyonun, Frederik Beqbederin əsərlərini yenidən dərk edirəm.

- Beqbeder və Kuelyo dediz. Sizcə “Hərb və sülh”ü oxuyub dərk edə bilən bir oxucunun Beqbederin, ya da Koelyonun əsərlərini bəyənməsi paradoksal deyil? Onlar daha sadə dildə və daha sadə problemlər haqda yazmırlar sizcə?

- Bilirsiz, siz klassikanı da sevə bilərsiz, amma popsanı da dinləyib bəyənə bilərsiz. Bu da elədi. Mən deməzdim ki, Paulo və Beqbeder tam popsadı, amma onlar daha çox xalq dilində yazırlar və millətə, kütləyə daha yaxındırlar.

- Mənə hansı filmi tövsiyə edə bilərsiz?

- Mən bir neçə il bundan əvvəl “Haçiko”ya baxmışam və hələ də təsiri altındayam. Baş rolun ifaçısı Riçard Girdi. Filmdə insanın itlə

dostluq münasibətindən söhbət gedir. Bu olan əhvalat əsasında çəkilmiş filmdi və bu filmə baxanda çox ağlamışam. Film bitəndə mən düşündüm ki, mənə heç bir dost lazım deyil, mənə bircə it lazımdı ki, ömrümün axırınacan dostum olsun.

- Musiqiçilərin nə dinlədiyi mənə həmişə maraqlı gəlib. Nə dinləyir Eldar?

- Əsas popsa dinləməyi sevirəm, amma əhvaldan asılıdı. Hərdən olur ki, klassik musiqi dinləmək istəyirsən. Amma əhvalım yaxşı və ya normal olanda popsa dinləməyi sevirəm. Selion Diona və Robi Viliamsa qulaq asıram və s.

- Sizcə ən böyük bəstəkar kimdi?

- Məncə bu Ferenz Listdi. Daha sonra Şubert. Şopeni də sevirəm.

- Bəs Vaqner?

- Məncə başa düşmək və həzz almaq üçun hələ ona çatmalıyam. Amma yenə də mənim üçün ən böyük bəstəkar Baxdı.

Oxşar xəbərlər

Xəbər lenti

Əruz vəznində yazılmış ən gözəl təbiət şeiri - Mətn
17:01 11 İyul 2020
Kəramət Böyükçöl: "Məşhurluğumun arxasında dura bilmirəm" - Video
16:29 11 İyul 2020
Özgə adam - Xəyyam Rəfilinin hekayəsi
15:42 11 İyul 2020
Polşa fondu Bakıda müsabiqə elan etdi
14:51 11 İyul 2020
İcazə verək, insanlar Allahlarıyla dalaşsın - İlqar Kamil yazır...
14:07 11 İyul 2020
Qarajda yaşayan Əməkdar artistin ürək parçalayan son sözü - Maraqlı Faktlar
13:15 11 İyul 2020
Məktublarda gizlədilmiş sevgilər - Malik Atilayın yeni şeirləri
12:08 11 İyul 2020
Sadəcə, Şahin
11:18 11 İyul 2020
Orxan Pamuk Qərbə yarınır - Şəhriyar yazır...
10:21 11 İyul 2020
Tofiq azərbaycanlı qızı ləkələyir, rus qızıyla evlənir – Məşhur filmin pərdəarxası
08:59 11 İyul 2020
"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020
Süni şöhrətə qaçan gənc şair və Allahın “cangüdənləri” – Sərdar Amin yazır...
12:15 10 İyul 2020