news-inner
clock14:00 calendar-gray 01 Aprel 2018 view-gray3449 dəfə oxunub
view-gray3449 dəfə oxunub

Xristianların müsəlmanları aldatdığı gün - 1 Aprel

1 apreli dünyanın bir çox ölkəsi gülüş və aldatma günü kimi qeyd edir. Heç bu günün tarixçəsi ilə maraqlanmısınızmı? Bu bayramın fərqli adları olduğu kimi yaranma günü ilə bağlı fərqli fərziyyələr də var.

Kulis.az ən məşhur fərziyyələri sizə təqdim edir.

Birinci versiya – “Hiylə günü”

XV əsrin sonlarında səlib ordusu Əndəlüs müsəlmanlarının son qalasını mühasirəyə alır. Qışın soyuq keçməsinə baxmayaraq, müsəlmanlar qalanı qorumaq üçün çox vuruşur. Aylarla davam edən mühasirədən bezən səlib ordusunun komandiri hiyləyə əl atır. 31 mart gecəsi qalanın qarşısına gələrək, bir əlində “Quran”, digər əlində də “İncil” tutub: “Bu iki kitaba and içirəm ki, təslim olsanız, bu axşam sizə heç bir şey etməyəcəyəm”, - deyir. Müsəlmanlar qalanı nəhayət səlib ordusuna təslim edir. Səhəri gün – yəni 1 apreldə komandir müsəlmanların öldürülməsini əmr edir. Təəccüblənən əhali ona verdiyi sözü xatırladanda: “Mən o sözü dünən axşam üçün vermişdim, bu gün üçün yox”, - deyir. O gündən bəri 1 aprel xristian ölkələrində “Hiylə, aldatma günü”, bəzən də “Axmaqlar günü” kimi xatırlanır.

İkinci versiya – “Axmaqlar günü”

1 aprel bəzi ölkələrdə “Axmaqlar günü” kimi qeyd olunur. Aprelin ilk günü zarafat etmək qaydası birinci dəfə Fransada “Yeni il”in gəlişi ilə əlaqədar yaranıb. XVI əsrin ikinci yarısına qədər avropalılar üçün “Yeni il” həftəsi 25 martdan 1 aprelə qədərki müddət hesab edilirmiş. Həmin həftədə insanlar bir-biri ilə zarafatlaşır, hədiyyələr bağışlayır, qonaq gedərmişlər. Həftənin sonuncu günü – yəni 1 aprel isə yeni ilin ilk günü hesab edilirmiş. Lakin 1582–ci ildə Qriqor təqvimi Yulianla dəyişdirilib və 1 aprel 1 yanvarla əvəz edilib. Təqvimin dəyişməsinə baxmayaraq əksər fransızlar “Yeni il”i yenə də 1 apreldə qeyd etməyə davam edib. Bayramı yanvarın ilk günü qeyd etməyə üstünlük verənlər apreldə bayram edənləri “1 aprel axmaqları” adlandırmağa başlayıblar.

Üçüncü versiya – “Zarafat günü”

Bir səhər Peterburq əhalisi yanğın həyəcanı siqnalının səsinə yuxudan oyanır. Ancaq az sonra məlum olur ki, yanğın siqnalı səhvən verilib. Həmin gün aprelin 1-i idi. Bu hadisədən sonra, Rusiyada aprelin ilk günü “Zarafat günü” kimi qeyd olunmağa başlayıb.

Dördüncü versiya – “Gülüş günü”

Bəzi tədqiqatçıların fikrincə, bu ənənə Qədim Hindistanda meydana gəlib, çünki 31 mart onlarda “Gülüş günü” kimi keçirilir. Bir qrup tarixçi “Gülüş günü”nü Avropa karnavallarında nümayiş etdirilən küçə tamaşaları (balaqan) ilə əlaqələndirir. Bu bayramın geniş səviyyədə yayılması XVIII əsrdə baş verib. Hazırda dünya əhalisinin 70%-i 1 apreli məhz “Gülüş günü” kimi qeyd edir və dost-tanışla zarafatlaşır.

news-inner-user
Rəna Nevzat

298 məqalə

Oxşar xəbərlər

Xəbər lenti

Xalq artistinin oğlu vəfat etdi
01:53 10 İyul 2020
Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020
Qadına görə başına bəla gələn məşhurlar: onların arasında Müşfiq də var
15:08 09 İyul 2020
Məşhur sənətçi prezidentliyə namizəd olacaq
14:19 09 İyul 2020
Yaltaqlıq ən perspektivli valyutadır
13:30 09 İyul 2020
Uşaq təbəssümü
12:53 09 İyul 2020
Qorxu və təşviş insanı necə formalaşdırır? – Nazlı Əmirova ekzistensializmdən yazır...
12:30 09 İyul 2020
Bəhram Bağırzadənin həyat yoldaşı: "Hələ danışa bilmir"
11:48 09 İyul 2020
Cinsi yanğısını Facebookda söyüşlə soyudanlar
11:19 09 İyul 2020
Son 200 ilin ən yaxşı qəzəli – Mətn
10:46 09 İyul 2020
Elton Conun şərəfinə sikkə hazırlandı
10:09 09 İyul 2020
Sovet ordusunda üsyan edib almanlar tərəfə keçən azərbaycanlı - Amerikadan yazırlar...
09:01 09 İyul 2020
Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020