2006-cı ildə “ofisdə əlaqə qurmaq üçün” qurulan “Twitter”in bu ay artıq yeddi yaşı olur. 200 milyondan çox istifadəçisi olan bu sosial şəbəkə haqqında nələri bilirik?

1. “Twitter”in ideyası 2006-cı ildə “Odeo” adlı şirkətin iclasında ortaya çıxıb. Yaradılma məqsədi şirkət işçiləri arasında xəbərləşmə, əlaqə yaratmaq olub. Həmin ilin ortalarında ictimailəşməyə başlayan şəbəkə 2007-ci ildə “South by Southwest” festivalında, iştirakçıların göndərdiyi tvitlərin böyük ekranda göstərilməsindən sonra sürətlə istifadə olunmağa başlanıb.

2. “Twitter” Cek, Biz, Noa, Kristal, Ceremi, Adam, Toni, İv, Dom, Rebl, Florian, Tim və Bleyn olan 14 dostun birgə səyi ilə San Fransiskoda qurulub. Cekin şəbəkə haqda ideyası çox sadə idi – insanlar getdiyi klubu, restoranı, etdiyi işi yazacaqdı. Dostların da dəstəyi ilə ideya reallaşıb.

3. İlk qurulduğu dövrlərdə “Twitter”də simvol limiti olmayıb, 2007-ci ildə Cek: “Dünyanı 140 simvolla da dəyişmək olar”, - deyərək tvitlərə limit qoyub.

4. “Twitter” işçilərin də xahişi ilə San Fransiskoda qalmağa və şəhərin ən populyar bölgəsində olan binaya 2012-ci ilin ortalarında köçməyə qərar verib. 18 min kvadrat metr sahəsi olan binada 1200 şəbəkə işçisi işləyir. Hər işçiyə adambaşına təxminən 18 kvadrat metr sahə düşür.

5. Burada ən çox izləyici - 36 milyonla müğənni Castin Biberə aiddir. Ən çox tviti isə @yougakduan_00 adlı yapon bir qız yazıb. İndiyədək 36,402,262 tvit yazan gənc “Twitter” rəhbərliyinin də diqqətini çəkib.

6. “Twitter”in hər yerdə gördüyümüz sevimli mavi quşunun adı Larridir. Bu ad həmin quşa “Boston Celtics” basketbol komandasının əfsanəvi oyunçusu Larri Börddən (bird – ingiliscə quş deməkdir) təsirlənərək verilib.

7. “Twitter” heç vaxt heç kimi retvit etmir, ən böhranlı vaxtlarda belə online cavab yazmır, sosial mediada, yaxud mobil telefonlarda reklam yerləşdirmir.

• Həyat yoldaşına tablolar həsr edən sənətkar - Çarlz Blekmanın məşhur əsərləri
• Cim Kerri təqaüdə çıxmaq qərarından imtina etdi - Səbəb
• Yılmaz Ərdoğan “Vizontele” ilə ekranlara qayıdır