news-inner
clock13:22 calendar-gray 19 Mart 2013 view-gray1870 dəfə oxunub
view-gray1870 dəfə oxunub

Kim nə yazır? - SORĞU

Oxucular sevimli yazarlarına tez-tez belə bir sual ünvanlayırlar: “Təzə kitabınız nə vaxt çıxacaq?”, “Yeni əsər üzərində işləyirsizmi?”

Mütaliə səviyyəsinin aşağı olmasından şikayət etdiyimiz ölkəmizdə belə bəzən yazarların bu suallarla qarşılaşdıqlarının şahidi oluruq.

Kulis.Az oxucuların bu maraqlarını nəzərə alaraq yazıçı və şairlərin yaradıcılığı ilə bağlı sorğunu təqdim edir.

Seyran Səxavət: “Hər halda oxuculara da məlum olar, həyatımdan bəhs edən “Qaçhaqaç” adlı roman yazıram. Müxtəlif vaxtlarda “Azərbaycan” jurnalının dörd nömrəsində çap olunub. Kitab iki hissədən ibarətdir. Birinci kitab artıq işıq üzü görüb. İkinci kitabın ikinci hissəsini tamamlamaq üzryəm”.

Seymur Baycan: “Hal-hazırda hekayələr yazıram. İşin artıq 50 faizindən çoxunu görmüşəm. Söz vermişəm, bir müddət irihəcmli əsərlər yazmayacağam. Hekayə yazmaq da asan deyil, hekayə yazmaq daha ağırdır”.

Şərif Ağayar: “40 hekayədən ibarət kitab çap etdirəcəyəm. Bir də irihəcmli əsər üzərində işləyirəm. Əsərdə bir qəsəbədə baş verən hadisələrdən danışılır. Qəsəbə ümumilikdə Azərbaycanın simvolu kimi götürülüb. Roman bu ilin sonuna kimi roman hazır olmalıdır”.

Qan Turalı: ”2011-ci ilin sonlarından bir roman üzərində işləyirəm. İşçi adı “Xəlvət”dir. Orta əsr sufiləri haqda olan roman azadlıq ideyasından bəhs edir. İnsan bütün situasiyalarda azad ola bilərmi? Romanın qoyduğu sual budur. Heç tələsmirəm, asta-asta yazıram. Xeyli hissəsini yazmışam. Yəqin bu il çap etdirəcəyəm”.

Etimad Başkeçid: “M. Meterlinkin “Seçilmiş əsərləri”ni tərcüməsini təzəlikcə bitirib təhvil vermişəm. Hazırda Kamal Abdulla ilə birlikdə almanların məşhur “Nibelunqlar nəğməsi” eposunun tərcüməsi üzərində işləyirəm. Nəhayət dissertasiyamı yazıb qurtarmağa çalışıram. Yeni romanımın qeydlərini aparmışam. Eposun tərcüməsini bitirər-bitirməz onu yazmağa başlayacağam”.

Salam Sarvan: “Yeni şeirlər kitabım ola bilsin bir ay ərzində çap olunsun. Yeni kitabda əvvəlki kitabda olmayan şeirlər olacaq. Kitabda olacaq şeirlərin bir beş-altısı Kulis.az -da çap olunub”.

Cavid Zeynallı: “Konkret olaraq indi heç nə yazmıram. Amma Əhməd Cavadın həyat yoldaşı Şükriyyə xanım haqqında material toplayıb, yazı yazmaq niyyətim var. Bir xeyli material da toplamışam, oxumuşam. O qadının həyatı o qədər ağrılı olub ki, onu geniş şəkildə işləməyi düşünürəm. Yarımçıq bir hekayəm də var. Təxminən 7-8 aydır, yarısını yazmışam. Onu tamamlamaq fikrim var”.

Mirmehdi Ağaoğlu: “Bir hekayə üzərində işləyirəm. Şərti adı "Kreditə ər"dir. Rayondan dolanışıq üçün Bakıya köçmüş yoxsul bir ailənin taleyindən, şəhərdə ailə ənənələrinin dağılmasından bəhs edir. Hələlik xeyli yazmışam, təqribən 70-80 min işarə həcmində olacaq. Tətildə bitirmək fikrindəyəm. Bu qısamüddətli plandır. Toy haqqında roman yazmağı planlaşdırıram. Ümumi plan, qurğu hazırdır, sadəcə qalır yazmaq. Roman modernizm janrında olacaq”.

Oxşar xəbərlər

Xəbər lenti

Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020
Qarabağda “iki” alıb, sinifdə qaldığım Vətən - Ramiz Qusarçaylıdan şeirlər...
16:23 08 İyul 2020
Kuklada uşaqlar üçün tamaşa
15:37 08 İyul 2020
Məşhur rəssamın əsəri tapılıb
14:59 08 İyul 2020
Azərbaycanda orkestr rəhbəri həbs edildi
14:18 08 İyul 2020
Xəsil adam - İlham Əzizdən yeni hekayə
14:10 08 İyul 2020
Səməd Vurğunun tutdurduğu Xalq yazıçısı: sürgündən qayıdanda arvadı başqası ilə evlənmişdi - İnanılmaz faktlar
13:18 08 İyul 2020
Elzanın başındakı qıjıkimilər - Sərdar Amin yazır
12:36 08 İyul 2020
Türkiyəli aktrisa vəfat etdi
12:01 08 İyul 2020
Bu, Allaha qarşı küfrdür – Gənc şair həmkarını tənqid etdi
11:20 08 İyul 2020
“Üzüklərin hökmdarı” geri qayıdır
10:47 08 İyul 2020
Elzanın yeni şəkli müzakirəyə səbəb oldu - Foto
10:12 08 İyul 2020
Kitabxana maraqlı layihəyə başlayır
09:30 08 İyul 2020
Üzündəki ipəyi qaldıranda oğlum özünü çölə atdı - Bircə atasının ölümündən yazır...
09:00 08 İyul 2020
“Çəkməli pişik” onlayn göstəriləcək
18:44 07 İyul 2020
Əfsanəvi musiqiçi vəfat etdi
18:09 07 İyul 2020
Bizim üçün qızılgül – Cavanşir Yusifli yazır...
17:30 07 İyul 2020