news-inner
clock08:15 calendar-gray 14 Mart 2013 view-gray1994 dəfə oxunub
view-gray1994 dəfə oxunub

Texnologiya milyarderləri kimlərdir?

“Forbes” jurnalı ənənəvi olaraq “Milyarderlərin siyahısı”nı müəyyənləşdirib. 73 milyard dollarlıq sərvəti ilə meksikalı biznesmen Karlos Slim Helu ötən il olduğu kimi siyahıya başçılıq edir. Helunun ardınca Bill Geyts və ispan Amansio Orteqa gəlir. Siyahıda texnologiya sahəsindəki uğurlarına görə milyarder olanlar xüsusən diqqəti cəlb edir. Məsələn, bu il siyahıya “Google” və “Microsoft”dan 3 nəfər daxil olub. Kulis.az sizə “Dünyanın ən varlı 5 texnologiya adamı”nı təqdim edir:

5. Sergey Brin – 22,8 milyard dollar


Hər gün istifadə etdiyimiz “Google” saytının yaradıcılarından biri

olan Sergey Brin Rusiyada doğulub. Yəhudi əsilli atası riyaziyyatçıdır və Sergeyin komyuter proqramlaşdırmasını öyrənməyində əməyi böyük olub. 1990-cı ildə ailəsi Amerikaya köçüb. Brin riyaziyyat və kompüter proqramlaşdırması üzrə təhsilini Merilend və Stendford universitetlərində davam etdirib. Elə “Google” saytını da Stendfordda birlikdə oxuduğu Larri Peyclə qurub. Dəfələrlə “Forbes”un siyahılarına düşən 39 yaşlı biznesmen bu il 22,8 milyard dollarla beşinci yerdədir.



4. Larri Peyc – 23 milyard dollar

Həmyaşıdı Seygey Brin kimi Peyc də riyaziyyatçı və proqramçı ailəsində doğulub. Onun atası da, anası da hazırda Miçiqan Universitetinin kompüter elmləri üzrə professorudur. Özü də həmin universitetdə bakalavr təhsili alıb, Stendford Universitetində magistr dərəcəsini oxuyub. 2007-ci ildə “Forbes” onun sərvətinin 16,6 milyard dollar olduğunu açıqlamışdı. Peyc bu illər ərzində qazancının üstünə 6 milyard da əlavə edərək bu il dördüncü yerdə möhkəmlənib.

3. Ceff Bezos – 25,2 milyard dollar

“Amazon.com” internet-mağazasının qurucusu, 49 yaşlı Bezos e-ticarətin inkişafında misilsiz xidməti olmuş insandır. Prinston Universitetində kompüter elmləri üzrə təhsil alan Bezos 1994-cü ildə Amazon.com-un əsasını qoyub. Cəmi 5 il sonra “Time” jurnalı onu ilin adamı seçib. Arvadı ilə birgə homoseksual evliliklərə icazə qanunun qəbulu üçün 2,5 milyon dollar xərcləyib.

2. Larri Ellison – 43 milyard dollar

68 yaşlı biznes maqnat Ellison “Oracle” proqram təminatı sisteminin yaradıcısıdır. Ellisonun digər həmkarı Stiv Cobs kimi bioloji valideynləri ilə arası yoxdur, əsas ailəsi kimi onu böyüdən Ellisonlara minnətdardır. Bioloji anası Larrinin 9 aylığında pnevmaniyaya yoluxmasını və ona lazımınca baxa bilmədiyini əsas gətirərək onu Ellisonlara verib. 4 dəfə evli olub. İki övladından savayı varisi olmayan biznes maqnatın evlərinin, maşınlarının sayı-hesabı yoxdur. 2012-ci ildə 41 milyard dollarla “Ən zəngin amerikanlar” siyahısında 3-cü yeri tutub və bir ilə 2 milyard qazanmaqla “Forbes”un siyahısına daxil olub.

1. Bill Geyts – 67 milyard dollar

Milyarderlər siyahısının daimi üzvü 57 yaşlı Bill Geytsi tanımayan adam tapılmaz. O, çoxlarımızın hər gün istifadə etdiyi “Microsoft” proqram təminatını hazırlayan şəxsdir. Geyts yerli hakimiyyətin sifarişi ilə küçə hərəkətinin nizamlanması üçün proqram yazanda cəmi 15 yaşı olub, bu layihədən hətta 20 min dollar da qazanıb. Atasının istəyi ilə Harvard Universitetinə daxil olaraq hüquq sahəsi üzrə təhsil almağa başlayıb. Təsadüfən aldığı 397 dollarlıq kompüterə proqram təminatı yazmaq Geytsi gündən-günə varlandıraraq 31 yaşında milyarderlər siyahısına salıb. “Time” jurnalının dəfələrlə ilin adamı seçdiyi Geyts indiyədək xeyriyyə məqsədi ilə 17 milyard dollar xərcləyib.

news-inner-user
Rəna Nevzat

298 məqalə

Oxşar xəbərlər

Xəbər lenti

Jan Pol Sartrın dahiyanə hekayəsi – Mətn
21:00 21 İyun 2021
Nizami Gəncəviyə həsr olunmuş beynəlxalq konqres keçiriləcək
18:56 21 İyun 2021
Mədəniyyə nazirliyi yeni müsabiqə elan etdi
18:22 21 İyun 2021
Məşhur aktyor dünyasını dəyişdi
17:43 21 İyun 2021
Kitab yandıran qonşu qadın – 13 yaşlı Selcanın hekayəsi
17:11 21 İyun 2021
Nizami Gəncəvi yaradıcılığı Ukrayna radiosunda
15:39 21 İyun 2021
Şair, yazıçı, müğənni, bəstəkar…
14:49 21 İyun 2021
Fulya Öztürk: “Film təklifinə çox təəccübləndim” – Video
14:01 21 İyun 2021
Qarbaçovu üzünə söydü, özündən xeyli cavan xanımla evləndi, qızı ona görə intihar etmək istədi – Dövlət katibimizin faciəvi sonu
14:01 21 İyun 2021
“Dünyanın sülh kitabı”nda azərbaycanlı yazıçı da yer aldı
13:35 21 İyun 2021
Dədə Süleyman: "Ayıb olmasın deyə, atam adımı dəyişdi" - Müsahibə
12:52 21 İyun 2021
El Romanın imza günü keçiriləcək
12:49 21 İyun 2021
Fulyadan film çəkən rejissor: “Mənim belə bir öhdəliyim yoxdur” – Müsahibə
12:11 21 İyun 2021
Vahidin bu şeirinin bir misrasını başqa şair yazdı – İlginc fakt
11:30 21 İyun 2021
Aysel Əlizadə yazarlara çağırış etdi: “Bu təklifimə qoşulun”
11:01 21 İyun 2021
Fulya Öztürkdən film çəkilsinmi?
10:22 21 İyun 2021
“Cəfər Cabbarlı Səməd Vurğuna niyə “Mən yazıçı deyiləm” demişdi?” – Nəvəsi 90 illik sirləri açdı - Müsahibə
09:00 21 İyun 2021
Əhli-kef
11:01 20 İyun 2021
Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021