news-inner
clock11:29 calendar-gray 12 Mart 2013 view-gray2982 dəfə oxunub
view-gray2982 dəfə oxunub

Ailəsini yol qəzasında itirən qızın sonrakı taleyi

15 yaşı var Məleykənin. Onunla xəstəxanada tanış olmuşduq. Həkim, bizi onun yanına aparanda - “Allah üzünə baxıb ki, ancaq əl və ayağının sınması ilə qurtula bilib. İndi ölmüş də ola bilərdi”, - deyirdi. Qarabəniz, qıvrım saçları və saçlarına uyğun səsi vardı – sanki həmişə “axı niyə?” deyən.

Üstündə sarı naxışları olan boz paltar geyindirmişdilər. Qolu və ayağı sarğılı, alnında qızartılar vardı. Yavaş-yavaş, bəzən kəkələyərək, ehtiyatla danışırdı. Özünü 5 mərtəbəli uşaq evinin 3-cü mərtəbəsində yerləşən otağının pəncərəsindən atmışdı. Aşağıda kimsə onun yerə sürətlə gəldiyini görüb tutmağa çalışmış, beləcə Məleykənin yerə dəymə sürətini azaldıb, həyatını xilas etmişdi.

Məleykə 3-4 yaşından uşaqlar evində yaşayır. Elə həmin yaşlarında olanda bir gün ailəsi ilə harasa gediblər. Maşını atası sürüb. Sonra necə olubsa atası idarəni itirib və avtomobil qəzası olub. O maşından bircə Məleykə sağ çıxıb. Ölən ata və anasından sonra əmisi ona baxmaq istəməyib və beləcə Məleykənin həyatı elə balaca yaşından körpələr, uşaq evlərində keçib.

Hər gün məktəbə gedib gəlir. Psixoloji durumu çox da yaxşı deyil. O uzandıqca uzanan dəhlizlərdən keçəndə necə davranmalı olduğumu bilmirdim, buna görə də çox həyəcanlı idim. Otağına girdik. Bizimlə salamlaşdı, əlini uzatdı, özünü təqdim edəndən sonra - “Şad oldum”, - dedi. Mən də şad olduğumu bildirdim. Hava haqqında soruşurdu: “Hava istidir, bahar gəlir, hə?”

Bizimlə bir az elə-belə söhbət etdi. Ağrısının azaldığını və yaşadığına görə özünü yaxşı hiss etdiyini dedi. Sonra üzünü ancaq göy üzünün göründüyü pəncərəyə çevirib, eləcə baxırdı. Arada üzünü bizə çevirib, əhvalımızı soruşurdu. Sonra da xəstəxanada sıxıldığını deyirdi.

Rəfiqəm xəstəxanadan çıxandan sonra tez-tez onun güclü olduğunu deyirdi. Mənsə düşünürdüm ki, dünyaya uşaq gətirmək üçün güclü olmalısan. Uşaqdan əvvəl ölsən kim baxacaq balaca Məleykəyə? Biz insanlar çox zalımıq. Dünyaya da özümüz kimi zalımlar gətiririk, onlar da böyüyüb dünyaya zalımlar gətirsin deyə.

Xəstəxanadan çıxandan sonra öyrənəcəkdim ki, 15 yaşlı Məleykə ədəbiyyatçı olmaq istəyir. Ən çox sevdiyi şair isə Orxan Vəlidir. O gün yolboyu Orxan Vəlinin bu şeirini Məleykə üçün xatırlayacaqdım.

Bedava yaşıyoruz, bedava

Hava bedava, bulut bedava

Dere-tepe bedava

Yağmur-çamur bedava

Otomobillerin dışı,

Sinemaların kapısı,

Camekanlar bedava

Peynir ekmek değil ama

Acı su bedava

Şair düz deyib, yaşamaq pulsuzdur deyə onu da verirlər bizə, heç soruşan da olmur, mən bu həyatı sənə verirəm, yaşaya biləcəksən, ya yaşamaq üçün həyat da verim?

Bir az keçəndən sonra həkim görüş vaxtımızın bitdiyini dedi. Rəfiqəm Məleykədən gələn görüş üçün nə istədiyini soruşdu. Məleykə isə dedi: “Kitab gətir mənə. Bir şeir kitabı gətir, bir də roman”.

Oxşar xəbərlər

Xəbər lenti

Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021
Taleh Yüzbəyovdan yeni film gəlir - Fotolar
16:13 27 İyul 2021
7 il nişanlı qaldı, tələbəsi ona aşiq oldu, rus qızına görə oğlunu evdən qovdu – Xalq yazıçısından 10 maraqlı fakt
15:30 27 İyul 2021
Seyran Səxavət “Nizami Gəncəvi” mükafatına layiq görülüb
15:27 27 İyul 2021
Ermənilər yazıçımızın ailəvi fotosunu oğurladılar – Nadir fakt - Foto
14:45 27 İyul 2021
Əməkdar mədəniyyət işçisi vəfat etdi
13:52 27 İyul 2021
Nərimanovun 5 yaşlı oğluna yazdığı o məktubdan sonra… – Çingiz Hüseynov yazır
13:30 27 İyul 2021
Buker mükafatının uzun siyahısı açıqlanıb
12:29 27 İyul 2021
Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021
Yazıçımız beynəlxalq ədəbiyyat müsabiqəsində - İlk dəfə
10:51 27 İyul 2021
Xalq artistinin ölüm xəbəri yayıldı
10:20 27 İyul 2021
Tanınmış yazıçı vəfat etdi
10:06 27 İyul 2021
Əllərində göyüzü – Həmid Piriyevin hekayəsi
09:01 27 İyul 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:00 26 İyul 2021
“Oyaq gözəl” onlayn nümayiş ediləcək
19:00 26 İyul 2021
Ayrılıq qıvrılır canımda - Ələddin Əzimlidən şeirlər
18:22 26 İyul 2021