AFFA-nın ilk prezidenti, Bakı şəhər Partiya Komitəsinin I katibi (1983-1988) Fuad Musayev iyunun 16-da vəfat edib. Kulis.az onun "Mən də yaşamışam" layihəsindəki (2013-cü il) cavablarını təqdim edir.

***

Kulis.Az “Mən də yaşamışam” layihəsini davam etdirir. Layihənin budəfəki qonağı Fuad Musayevdir.

Fuad Ənvər oğlu Musayev 1938-ci ildə Bakı şəhərində anadan olub.

Atası Ənvər Musayev Bakı Dövlət Universitetinin biologiya fakültəsinin dekanı vəzifəsində çalışıb. Politexnik İnstitutunun məzunu olan Fuad Musayev SSRİ Xalq Təsərrüfatı Akademiyasını, Sovet İttifaqı Kommunist partiyası Mərkəzi Komitənin nəzdində İctimai Elmlər Akademiyasını bitirib.

1977-ci ildə Dövlət Planlaşdırma Komitəsində sədrin 1-ci müavini, Kommunist Partiyası Mərkəzi Komitəsinin tikinti üzrə komissiyasının üzvü təyin olunub.

1977-ci ildə Azərbaycan Ali Sovetinin deputatı seçilib və 1995-ci ilə kimi deputat olub. 1981-ci ildə Azərbaycan SSR Nazirlər Sovetinin sədr müavini, Mərkəzi Komitənin tikinti üzrə katib vəzifələrində çalışıb.

1983-cü ildən 1988-ci ilə kimi Bakı şəhər partiya komitəsinin I katibi təyin olunub. 1983-cü ildə SSRİ Ali Sovetinin deputatı olub.

Bakı şəhərinin I katibi olan zaman, 1986-cı ildə Bakının Baş Planı təsdiq olunub.

1990-cı ilin yanvarından Mərkəzi Komitənin iqtisadiyyat, tikinti və təsərrüfat üzrə katib olub.

Azərbaycan Futbol Federasiyaları Assosiasiyalarının (AFFA) ilk prezidenti seçilib.

Hazırda təqaüddədir.

Aşağıda şəkilləri sol və sağa çevirməklə izləyə bilərsiniz.

• Vamiq Məmmədəliyevin 80 illik yubileyi qeyd olundu
• “Melodiyaların palitrası” adlı konsert oldu
• Göyə çıxdı - Cəfər Cabbarlı