news-inner
clock08:30 calendar-gray 27 Fevral 2013 view-gray2053 dəfə oxunub
view-gray2053 dəfə oxunub

Boşananlara məsləhətlər və təsəllilər

Boşanma müddətində vəkil, şahid, məhkəmə, maddi sıxıntılar, evdən köçmək kimi problemlərə başı qarışan dostunuz, sizdən nə gözləyir? Əlbəttə ki mənəvi dəstək, - yəni xoş bir söz, bir təsəlli. “Huffington Post” saytı, bax, bu məşhur təsəlliləri və dostunuzun eşitmək istədiyi 10 sözü toplayıb. Oxuyun, həmin dövrdə çox həssaslaşmış dostunuza nələr deməlisiniz, onları öyrənin...

Bunları eşitməlidir:

Tədbirə mənimlə gedərsən?”: Həyat yoldaşından ayrılan biri üçün ən pis şey hansısa tədbirə tək getməkdir. İllərlə “tək getmək” problemi olmayan “dul” birdən-birə özünü tədbirdə çox tənha hiss edir. Dostunuza edə biləcəyiniz ən yaxşı şey ona tədbirlərdə yoldaş olmaqdır.

“Səni çox istəyirəm”: Boşanma dövründə bir çox qadınlar özlərini günahlandırmağa başlayırlar. Araşdırmalara görə, tərəflər həmin dövrdə keçmişə nəzər yetirib həqiqətən sevilib-sevilmədiklərini analiz edirlər. Və heyif ki, çox vaxt “Sevilməmişəm” qənaətinə gəlirlər. Buna görə də, dostunuza bol-bol sevgi bəxş edin, “səni çox istəyirəm” sözünü təkrarlayın.

Yanındayıq”: Boşanma müddətində dostunuzu dinləyin, dərdini bölüşün, dəstək olun. Bu, sizin ən yaxın dost kimi borcunuzdur.

“Sən pis insan deyilsən”: Evlilik bitəndə çox vaxt ailələr arasında da soyuqluq yaranır. Heç bir ailə güzəştə getmək istəmir. Arada boşanmaqda olan cütlüyün psixoloji vəziyyəti pisləşir. Ona görə də, dostunuza tez-tez günahın onda olmadığını xatırlatmalı və buna inandırmalısınız.

“Çox pis vəziyyətdir”: Vaxtını vəkillə, məhkəmələrdə keçirən dostunuzun yanında vəziyyəti lənətləmək də onun yükünü yüngülləşdirə bilər.

“Maddi vəziyyətinə baxır”: İşıq pulu, su pulu və digər ödəmələrdən ömrü boyu xəbəri olmayan tərəf üçün boşanma daha asan olur. Həmişə ödəmə edən tərəf sizin dostunuzdursa, həm maddi, həm də mənəvi köməyinizi əsirgəməyin.

“Sənə... almışam”: Ayrılığa başı qarışmış birinin çətin ki özünə nəsə almağa vaxtı olsun. Xüsusilə qadınlar bu dövrdə özlərini çirkin, sevilməyən, lazımsız hiss edir. Masaj, yemək, şokolad – istənilən bir hədiyyə dostunuzun üzünü güldürməyə yetər.

“Həyəcanlanma”: Ayrılmağa hazırlaşan dostunuza hər şeyin öhdəsindən gələcəyini, indən belə daha yaxşı günlər görəcəyini tez-tez xatırladın.

“Nəyə ehtiyacın var?”: Vəkillə görüşməkdən evini səliqəyə salmağa, uşaqları əyləndirməyə vaxtı olmayan dostunuza kömək edin. Ehtiyacları ilə maraqlanın.

“Sən tək deyilsən”: Boşanmanın gətirdiyi ən pis hisslərdən biri yalnızlıqdır. Həyatda tək olmadığını ona hiss etdirin.

Digər məşhur təsəllilər:

Bu da keçər, darıxma.

Daha yaxşılarına layiqsən.

Nə istəyirsən, et. Səndən daha vacib nə var ki?!

Bundan sonra hər şey daha yaxşı olacaq.

Bir qapı bağlanırsa, mütləq başqası açılır.

Evdə yaxşı şərabım var, içək?

Evindən çıxma, o ayrılmaq istəyirsə, evdən də özü çıxsın.

Xoşbəxt olmaq sənin də haqqındır, özünü boş yerə günahlandırma.

Heç kim üçün ağlamağa dəyməz.

Yaxşı bir vəkil tap.

Başqalarının nə dediyinə qulaq asma.

Yeni insanlara qəlbini aç.

Kin tutma, belə olmalı imiş. Sən əlindən gələni etdin.

Çalış, səhvlərindən dərs götür.

Ürəyindəkiləri mənə aça bilərsən, nə vaxt desən yanına gələrəm.

İki il sonra bu qədər ağlamağına təəccüblənəcəksən.

Dünyada boşanan yeganə qadın (kişi) sən deyilsən ki?!

Hər şeyin zamana ehtiyacı var.

Arxaya yox, irəliyə bax.

news-inner-user
Rəna Nevzat

298 məqalə

Oxşar xəbərlər

Xəbər lenti

Məktublarda gizlədilmiş sevgilər - Malik Atilayın yeni şeirləri
12:08 11 İyul 2020
Sadəcə, Şahin - Səbuhi Məmmədli yazır...
11:18 11 İyul 2020
Orxan Pamuk Qərbə yarınır - Şəhriyar yazır...
10:21 11 İyul 2020
Tofiq azərbaycanlı qızı ləkələyir, rus qızıyla evlənir – Məşhur filmin pərdəarxası
08:59 11 İyul 2020
"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020
Süni şöhrətə qaçan gənc şair və Allahın “cangüdənləri” – Sərdar Amin yazır...
12:15 10 İyul 2020
Tarık Akanın heç yerdə bilinməyən söhbəti
11:12 10 İyul 2020
Səni sevən öldü, zalım – Səhər Əhməd yazır...
10:35 10 İyul 2020
Notr-Dam kilsəsi yenidən bərpa ediləcək
10:01 10 İyul 2020
Dodağının altında məni söyüb qarğıyırdı - Bircənin romanı
09:00 10 İyul 2020
Xalq artistinin oğlu vəfat etdi
01:53 10 İyul 2020
Azərbaycanlı alimin kitabı Avropa dillərində nəşr olunacaq
18:37 09 İyul 2020