11:57
14 Fevral 2013
2691 dəfə oxunub
2691 dəfə oxunub
Bu gün sevgililər günü,
səninçün darıxıram.
Gözümü dikib tavana
sənə, sənə baxıram.
Burda tənhayam, qorxuram,
bilməm sığınım kimə.
Bir kimsə yanıma gəlmir,
hami gəlir üstümə...
Bəlkə orda həyatımdan
sən də çıxaçıxdasan.
Yaxın gəl, bir görüm məndən
nə qədər uzaqdasan.
Amma axı bir yerdəyik,
ağrı sənsən, dözən mən...
Yatağımız çay yatağı –
axan sənsən, üzən mən.
