news-inner
clock08:30 calendar-gray 04 Fevral 2013 view-gray3568 dəfə oxunub
view-gray3568 dəfə oxunub

Xalq artistinə bığına görə töhmət verdilər

Kulis.az İlham Rəhimlinin “Səhnəsiz gülüş” kitabından iki maraqlı əhvalatı təqdim edir.

Bığ

Akademik Milli Dram Teatrında rejissor Mehdi Məmmədovun quruluşunda Mehdi Hüseynin “Alov” pyesinin tamaşası oynanırmış. Fasilədə aktyorlar bufetdə çay içirlərmiş.

Xalq artisti, Bədəl rolunun ifaçısı Mustafa Mərdanov taxma bığ ona mane olduğu üçün çıxarıb yanına qoyur. İkinci pərdə başlayır. Gedəndə bığı götürməyi unudur.

Xalq artisti Ağahüseyn Cavadov da onunla birgə süfrə arxasında oturubmuş. O, Mustafa Mərdanovun bığı yaddan çıxardığını görür, ancaq bir söz demir.

Onlar səhnəyə çıxhaçıxda Ağahüseyn Cavadov istehza ilə gülərək deyir:

- Mustafa, bığın qaldı bufetdə. Mehdi müəllim səni bığsız görüb alnına yağlı töhmət yapışdıracaq.

Mustafa Mərdanov özünü itirmir. Baxır Ağahüseyn Cavadovun üzünə və qəfildən onun bığını “qoparıb” tez yapışdırır özünün bığ yerinə. Cəld addımlarla səhnəyə gedir.

Ağahüseyn Cavadov çaşbaş qalır. Əvvəlki, epizodlarda onu bığlı görmüş tamaşaçılarda gülüş doğuracağından qorxub səhnəyə də çıxmır.

Səhəri gün teatrın bildiriş və elanlar lövhəsində “Alov” tamaşasının gedişində səhnə etikasını pozduğuna görə xalq artisti Ağahüseyn Cavadova şiddətli töhmət verilsin” elanı asılmışdı.

Sən “Yasin”ivi oxu...

Mikayıl Mirzə ilə Eldəniz Zeynalov restorana gedirlər. Tabaka sifariş verirlər. Eldəniz bir-iki tikə alıb dönür Mikayıla tərəf:

- Qədeşim,”zəhrimarsız” getmir. Bəlkə, ikimizə yarım...

Mikayıl narazılığını bildirir.

- Eldəniz, sənə dedim axı, axşam aktyor dostumuzun atasının birinci cümə axşamıdır, ora getməliyəm. Neçə vaxtdır rayondaydım, getməsəm ayıb olar.

Eldəniz üz-gözünü turşudur. Çox təkid edir. “Allah rəhmət eləsin. Əşi ölən ölüb də, nə deyirsən, indi biz də ölməliyik?...”

Süfrəyə yarım litr araq gətizdirir. Yeyib içəndən sonra Mikayıl Mirzənin maşınına minirlər. Mikayıl Eldənizgilin evinin qabağında saxlayıb onu evə ötürmək istəyir. Lakin Eldəniz razı olmur.

“Mən bəyəm piyan zadam sənin üçün?”

Mikayıl əlacsız qalıb onu özü ilə birgə aparmağa razılaşır. Lakin and verdirir ki, yasda ağzını açıb bir kəlmə də danışmasın. Yas yerinə çatanda ev sahibi olan aktyor onları qarşılayır. Eldəniz şakəri üzrə onu qucaqlayıb öpür. Özündən asılı olmayaraq yasdakıları öpə-öpə yuxarı başa keçib mollanı da öpür. Molla onun içkili olduğunu hiss edir. Molla başlayır spirtli içkinin ziyanı, haram olması barədə öyüd-nəsihət verməyə. Daşın hara atıldığını bilən Eldəniz hər dəfə ayağa qalxır, Mikayıl qolundan dartıb otuzdurur. Molla isə coşduqca coşur:

- Hələ fikir verin Sədi Şirazi arağın zərəri haqda nə deyib.

Eldəniz Zeynalov ilan sancmış kimi yerindən dik atılır və ucadan qışqıraraq mollaya deyir:

- Alə, mollasan nəsən, buna bax bir. Şair olub mənim üçün. Şeir lazım olsa ( əli ilə Mikayıl Mirzəni işarə edir) tanımış sənətkar budey, burdadı. Sən qələtüvü elə, “Yasin”ivi oxu...

news-inner-user

16772 məqalə

Oxşar xəbərlər

Xəbər lenti

“Oyaq gözəl” tamaşası onlayn göstəriləcək
19:17 21 Oktyabr 2020
Azərbaycanda yeni müsabiqə elan olundu - Şərtlər
18:36 21 Oktyabr 2020
Atamın Zəngilandakı məzarını tapa biləcəyəmmi? - Gülşən yazır...
18:15 21 Oktyabr 2020
Tamaşaçılar şarın içinə girdi - Qeyri-adi konsert
17:57 21 Oktyabr 2020
O gün uzaqda deyil - Gənc yazarın əsgərə məktubu
17:12 21 Oktyabr 2020
Torpağın dadı - Aydın Talıbzadə yazır...
16:30 21 Oktyabr 2020
Ən çox qorxu yaradan film müəyyənləşib
15:47 21 Oktyabr 2020
Həbsə atdılar, başını dibdən qırxdılar, dəlixanaya salıb Müşfiqi unutdurdular – Dilbərin məşəqqətli həyatı
15:05 21 Oktyabr 2020
Fransız səyyahın İrəvan təəssüratları yayımlanacaq
14:02 21 Oktyabr 2020
Qarabağa görə başına yaylıq bağlayan şair
13:23 21 Oktyabr 2020
Özbək şair qarabağlı qızdan poema yazdı
12:41 21 Oktyabr 2020
“Üç dəqiqə nəfəs ala bilmədim” – Zəngilanlı yazarlar qələbə sevincini bölüşür
12:00 21 Oktyabr 2020
Koronavirusa tutulan yazıçı: “Bu mövzuda on hekayə, bir roman yazmışam”
11:14 21 Oktyabr 2020
Ləpə satan qadını ağladan bayraq
10:42 21 Oktyabr 2020
Polşalı aktyor vəfat etdi
10:15 21 Oktyabr 2020
Füzulidən olan 82 yaşlı şair: “Evim dağılıbsa, kolun dibində yaşayaram” – Müsahibə
09:00 21 Oktyabr 2020
Kinematoqrafçılar İttifaqı Silahlı Qüvvələrə Yardım Fonduna ianə edib
18:44 20 Oktyabr 2020
Mahnı bitənəcən qayıdacam - Cavanşir Yusifli yazır...
18:02 20 Oktyabr 2020
Gecə yarısı bir qız məktub yazır səngərə... - Cəbhədə olan zabitdən şeirlər
17:21 20 Oktyabr 2020
Zəngilanlı aktyor: "İlk dəfədir var olduğumu hiss edirəm"
16:33 20 Oktyabr 2020