Ukrayna və Rusiyanın opera müğənnisi, SSRİ Xalq artisti Bela Rudenko dünyasını dəyişib.
Kulis.az xəbər verir ki, bu barədə rusiyalı tənqidçi Andrey Plaxov feysbukda yazıb.
Sənətkar 88 yaşında Moskvada vəfat edib.
Qeyd edək ki, B. Rudenko 1933-cü il avqustun 18-də Ukrayna SSR-in Luqansk vilayətinin Bokovo-Antratsit qəsəbəsində (indki Antratsit şəhəri-red.) anadan olub. Dünyanın bir çox ölkələrində çıxış edən opera müğənnisi 1992-ci ildə karyerasına son qoyub. 1995-1999-cu illərdə Moskva Böyük Teatrının opera truppasının bədii rəhbəri olub. 1977-2017-ci illərdə Moskva Dövlət Konservatoriyasında dərs deyib, 1989-cu ildə təhsil müəssisəsinin professoru olub. 1960-cı ildə “SSRİ Xalq artisti” fəxri adına layiq görülüb.
İki dəfə ailəli olub. Rudenkonun birinci həyat yoldaşı Ukrayna SSR mədəniyyət nazirinin müavini Vladimir Yefremenko, ikinci həyat yoldaşı isə Azərbaycan SSR Xalq artisti, Azərbaycanın Rusiyadakı səfiri Polad Bülbüloğlu olub. Opera müğənnisinin birinci nikahından Yekaterina adlı qızı, ikinci nikahından isə Teymur adlı oğlu var. Sonuncu Rusiyanın Əməkdar artistidir, hazırda bizneslə məşğul olur./qafqazinfo.az/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər