news-inner
clock14:39 calendar-gray 29 Yanvar 2013 view-gray2141 dəfə oxunub
view-gray2141 dəfə oxunub

"Qırışmış xatirələrimi ütüləmişəm"

Azərbaycanın istedadlı şairi Aqşin Yenisey bir neçə yeni şeirini “Qafqazinfo”ya təqdim edib. Həmin şeirləri oxucuların ixtiyarına veririk:


Göz yaşı

Sənin uzaqlığından başqa bir yaxınlığın qoxusu gəlir.
Sənin olmadığın hər yerdə
Mənim sevgimin yuxusu gəlir.
Az qalıb yenidən tək qalmağıma
Ömrümün növbəti "yoxu”su gəlir.
İndi mən elə lal-dinməz gedirəm ki, ustad,
Sağ qalmış canımın sol tərəfinə,
Tanrının yox olmaq ağrısı gəlir.
Sən ki ağlamırsan, ustad
Sənin gözündən
Dünyanın "niyə"si, "nədən"i, "axı"sı gəlir...

Sevginin əcəli

ağlaya da bilmirəm daha.
gözlərim buz bağlayıb.
bədənimin buzlaşma dövrü başlayıb.
mən indi, sadəcə, bütün unudulmuş insanların dostuyam.
o insanların ki
hətta indi özüm də onları xatırlamıram.

Soyuq şeir

mənə səndən soyuq dəyib
ağrılarım üşüyür.
qov məni, çıxar özümdən
qoy desinlər, bir kişi var
neçə ildir
öz qəlbində kirayədə yaşayır.
ancaq elə bil, yaşamır,
onun ömrü... belə deyək:
yaşamağa oxşayır.

Ev şeri

Həyat mənə ağlamağı öyrətdi,
mən ona gülməyi.
mən ona yaşamağı öyrətdim,
o, mənə... ölməyi.

İnsan köhnəliyi

evdar olub getmişəm
gün boyunca qırışmış xatirələrimi ütüləmişəm.
və indi bilmişəm:
mənim sevgimin köynəyi
sənin ürəyinin əyninə dar imiş.

Qafqazinfo.az

Oxşar xəbərlər

Xəbər lenti

Pənahəli xanın dağıdılmış imarəti
18:37 26 Noyabr 2020
Müvəqqəti komendantlıqlar üzrə iclas keçirildi
17:49 26 Noyabr 2020
Nə yaxşı görüşdük, nə yaxşı yenə - Ən gözəl Kəlbəcər şeirləri
17:01 26 Noyabr 2020
Döyüşçü oğlunu ağladan səbəb - Hekayə
16:17 26 Noyabr 2020
“Qarabağ”ın Qarabağ qələbəsi – Ulucay yazır...
15:34 26 Noyabr 2020
İstedadı ilə hamını heyrətləndirən, iki dəqiqəyə qızların sevimlisinə çevrilən, gənc yaşında “yüksək doza”dan ölən azərbaycanlı şair – Maraqlı faktlar
14:53 26 Noyabr 2020
"Can Azərbaycan" adlı müsabiqə elan olundu
14:10 26 Noyabr 2020
Qəriblik - Əli Şirindən şeir-esse
13:32 26 Noyabr 2020
Xalq artistindən sürpriz Şuşa açıqlaması
12:53 26 Noyabr 2020
Cavanşir Quliyev: "Bakıda lazım olduğuma əmin deyiləm" - Müsahibə
12:11 26 Noyabr 2020
Əməkdar artist vəfat etdi
11:39 26 Noyabr 2020
Aqşindən Seymur Baycana reaksiya: "Onu oxumuram"
11:09 26 Noyabr 2020
Xəlil Rza Ulutürkün bacısı dünyasını dəyişdi
10:17 26 Noyabr 2020
Maradonanın ən böyük peşmanlığı - Ayxan Ayvaz yazır...
10:00 26 Noyabr 2020
Bombardmandan Azərbaycan bayrağını çıxaran gəncəli Xəyyam: “Gördüm, qızımın başından qan axır”
09:00 26 Noyabr 2020
İşğaldan azad olunan 700 yaşlı abidəmiz
18:52 25 Noyabr 2020
“Can Qarabağ” deyən uşaqlar
18:10 25 Noyabr 2020
Erməniyə zorla ərə verilən qızın Xocalıdan qaçış planı - Yeni hekayə
17:29 25 Noyabr 2020
Azərbaycanlı yazarın pyesi Batumidə tamaşaya qoyulacaq
16:49 25 Noyabr 2020
Azərbaycanlı yazıçı dünyasını dəyişdi
16:04 25 Noyabr 2020