Prezident İlham Əliyev məşhur tarzən, Xalq artisti Vamiq Məmmədəliyevə 75 illik yubileyi münasibəti ilə ev hədiyyə edib.

Kulis.az xəbər verir ki, bu barədə Xalq artisti özünün “facebook” səhifəsində yazıb:

“Sabah ölkəmizdə Milli Musiqi Günü qeyd olunacaq. Zəfər gününün ildönümünə də sayılı günlər qalır. Ötən il Vətən Müharibəsindən qalib çıxmış, eyni zamanda şəhidlər də vermiş bir ölkənin prezidenti, Ali Baş Komandan Cənab İlham Əliyev nə qədər həssas və erudisiyalı bir insandır ki, Şəhid və Qazilərimizin problemlərinin həll edilməsi ilə bərabər, yüksək səviyyəli siyasi müstəvidə haqq işimizin sübut edilməsi ilə bərabər, ölkənin ictimai-mədəni həyatını da unutmur və Birinci Vitse-prezident Mehriban xanım Əliyeva ilə birlikdə daim diqqət və qayğısını əsirgəmir. Bu il mənim 75 illik yubileyim münasibəti ilə mənzil şəraitimin yaxşılaşdırılması üçün Bakı Şəhər İcra Hakimiyyətinə verdiyi tapşırığa əsasən mənə verilən ev hədiyyəsi ailəmizdə böyük sevinclə qarşılandı. Qarabağda bu qədər quruculuq işlərinin getdiyi məqamda, müxtəlif tədbirlərin keçirildiyi dövrdə mənə verilən qiyməti böyük diqqəti dərin minnətdarlıq hissi ilə sizinlə bölüşürəm. 75 illik həyatıma nəzər salanda əbəs yerə yaşamadığım üçün Millətimə, Xalqıma və doğma Azərbaycanıma borcluyam. Dövlət başçımızın insanpərvər və qayğıkeş addımlarına görə bir daha dərin minnətdarlığımı bildirirəm. Bu həm də musiqimizə, muğam sənətinə verilən misilsiz dəyərdir”.

• Yeni “Hörümçək adam” filminin treyleri yayımlandı
• Astarada Əlişa qalasında qazıntılar zamanı qədim memarlıq elementləri aşkarlandı
• Haluk Leventin dərnəyi ilə bağlı 22 nəfər saxlanlıdı