news-inner
clock10:58 calendar-gray 25 Avqust 2021 view-gray621 dəfə oxunub
view-gray621 dəfə oxunub

Yüz min manat pul yığan "İmam Mehdi"

Təzə xəbər çıxıb: 12-ci İmam Mehdi zühur edibmiş. Bu İmam Mehdi sadə və avam camaatdan istifadə edərək 100 mindən çox pul toplayıb. Günahlarından qorxan, o biri dünyada cəzalanacağını düşünən insanlar öz səhvlərini təmizləmək adıyla imamın dediklərini yerinə yetiriblər. Nəticədə qardaşımız kalan pul yığıb və yağlı əppək olub göyə sovrulub.

Başına yığışan avam camaata deyirmiş ki, qazandığınız pulun bir hissəsini kasıblara, kimsəsizlərə, şəhidlərə ayırmaq lazımdır. Camaat da imamın dünyasına inandıqları üçün onun dedikləri ilə həmfikir olublar. Özləri də bilmədən tələyə giriblər. Hələ zərərçəkənlərin dediyinə görə, bu şəxs pulu gecikdirənləri, ya sözünə əməl eləməyənləri şallaqlayırmış da.

Mən ən çox camaatın avamlığına yanıb-töküldüm. Yəni bu qədərmi cahil olmaq olar? Bir adam çıxır, özünü İmam Mehdi adlandırır və başlayır pul toplamağa. Elə bil Mirzə Cəlilin "Ölülər" əsəri yeni tərzdə işlənib qarşımıza çıxıb. Şeyx Nəsrullah da var, avam camaat da. Bircə bütün bunları görən və ona qarşı gedən Kefli İsgəndər yoxdu. Yəni fırıldaq İmam Mehdi bu mənada Şeyx Nəsrullahdan da üstün imiş.

Camaat 30 min, 50 min, 60 min manatı əlbəəl verib imamdan xeyir-dua alıblar. Az-maz ayılanlar da olub ki, bəs bu imam bu pulları hara xərcləyib. Soruşublar. İmam da deyib ki, bəs öz problemlərimə xərcləmişəm, qalanı evdədir, üstünü düzəldib xeyir işlərə, kasıblara xərcləyəcəm. Hələ vəd eləyibmiş ki, şəhid ailələri üçün ev də tikəcək. Ay tikdi ha! Nə ev, nə kasıblara yardım! Özü də düz 2011-ci ildən camaatı dolamağa başlayıbmış.

Yavaş-yavaş "ölülər" dirilib və...

Axırı, zühur eləmiş saxta İmam Mehdini tutublar, dələduzluqda təqsirkar bilib həbs ediblər. Düzü, üstündən bu qədər il keçəndən sonra bu hadisənin üstünün açılması mənə sirli və qaranlıq gəldi. Bundan əvvələ qədər nə oldu ki, heç kim bu fırıldaqçını ifşa eləmədi. Hələ təqsirləndirilən şəxsin qardaşı da çıxıb deyib ki, bu imam söhbəti filan yalandır, uydurmadır.

İndi kimə inanacağını da bilmirsən. Güvən hissi getdikcə solğunlaşmağa başlayır. Lakin nə qədər yalan, nə qədər gerçək olduğu bir yana, şübhəsiz ki, zühur etmiş İmam Mehdi günün adamıdır. O, iki əsr əvvəlki söhbəti təzədən dirildib camaatı aldada və pul qoparda bilib. Mən ən çox o pullara yanıram. Bu camaata xeyirli bir iş üçün, kitab-dəftər üçün ağız açsan, min bir bəhanə gətirəcək ki, pulum-param yoxdur. Ancaq tanımadıqları və özünü İmam Mehdi adlandıran birinə rahatlıqla küllü miqdarda pul verirlər. Cahilliyin bu yeni mərhələsi məni bir xeyli məyus etdi və gün ərzində özümə gələ bilmədim. İndi bu yazını bitirərkən belə anlayıram ki, bu hadisənin qarşısında deməyə söz tapmıram. Mirzə Cəlilin yazdıqlarını 200 il sonra yaşacağımızı desələr, buna gülərdim. Mən bizim bu qədər avam olacağımıza heç vaxt inanmazdım. Biz yazarlar bu hadisəni qələmə alsaq, deyərlər ki, uydurub. Absurd indi bizim öz yaşadığımız reallıqdır. Heç nə demək olmur buna. Nöqtə, nöqtə və nöqtə...

news-inner-user
Ayxan Ayvaz

555 məqalə

Oxşar xəbərlər

Xəbər lenti

Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021