news-inner
clock15:34 calendar-gray 14 Avqust 2021 view-gray1391 dəfə oxunub
view-gray1391 dəfə oxunub

Kitabını almayan tələbələrin qiymətini kəsən müəllim - Yeni hekayə

Kulis.az Furqanın "Xoş arzular" hekayəsini təqdim edir.

Nihat Pir üçün

- O gələni görürsən? - dedi Əli.
- Görürəm! - dedim.
- Qıvrımsaç olan...
- Ahaa...
- Şairdi!
- Doğrudan? - təəccübləndim.
- Hə! Hər semestr bir kitab çıxarıb tələbələrə satır.
- Sən almısan?
- Almışam. Birinci kursda dərs deyirdi bizə. Kitablarını on beş manata satırdı. Almaq istəmirdim, sonra gördüm qiymətimi kəsir, məcbur qalıb aldım.
- Almasaydın, kəsərdi imtahandan? - mənim təəccübüm getdikcə artırdı.
- Kəsərdi, üstəlik canımı da alardı.
Artıq gəlib bizim yanımızdan keçmiş qıvrımsaç müəllimə çevrilib qorxu ilə baxırdım.
- Bizə də dərs deyəcək? - soruşdum.
- Həə... - dedi Əli əminliklə.

Əli üçüncü kursda oxuyurdu, mən isə universitetə təzə girmişdim. Əli qohumum idi və ixtisaslarımız da eyni idi. Eyni evdə qalırdıq. Neçə gün idi ki, Əli mənə universitet haqqında məlumat verirdi. Mühazirə nədi, seminar nədi, kollekvium nədi, hansı müəllim yaxşıdı, hansı müəllim pis, hansı müəllim imtahanda pul verməsən qiymət yazmaz, hansı müəllimə rüşvət təklif etsən əsəbiləşər, nə bilirdisə, bir ucdan danışırdı. Həm yorulurdum Əlinin çox danışmağına, həm də sevinirdim ki, tək deyiləm, yanımda qohumum var.

Həmin gündən bir gün sonra Əlinin “şair” dediyi müəllim bizim qrupa dərsə girdi. Mən artıq ondan qorxurdum və düşünürdüm ki, görəsən o, yaxşı şeirlər yaza bilirmi?

Və bir həftə sonra bizim qrupun nümayəndəsi tənəffüslərdən birində “şair” müəllimimizin təzə çapdan çıxmış kitabını almalı olduğumuzu bildirdi.

- Böyük kurslar deyir ki, kim onun kitabını almasa, qiymətini az yazır, imtahana elə balla göndərir ki, həmin tələbə imtahandan kəsilir.
- Mənim şeirdən zəhləm gedir axı! - qrup yoldaşımız olan qızlardan biri dedi.
- Guya kimin xoşu gəlir ki?! - qrup nümayəndəsi onun cavabını anındaca verdi.
- Qiyməti nə qədərdi?
- On beş manat!
- Ohaaaa... on beş manat mənim bir aylıq yolpulumdu e...
- Mən də piyada gəlmirəm! - qrup nümayəndəsi yenə həmin qızın cavabını verdi və söhbət bununla bitdi. Sonra elə özü də son nöqtəni qoydu:
- Sabah hamı pulu gətirsin, kitabları alaq.

Pullar yığıldıqdan iki gün sonra qrup nümayəndəsi kitabları gətirmək üçün iki oğlan çağırdı. Kitablar gəldi və hər kəsə paylandı. Hər kitabda müəllif oxucuya ürək sözlərini yazıb imza çəkmişdi. Mənim kitabımdakı ürək sözləri nəyə desən, dəyərdi:

“Şeirə, sənətə yüksək qiymət verən dəyərli tələbəm İslama xoş arzularla!”

news-inner-user

19962 məqalə

Oxşar xəbərlər

Xəbər lenti

Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021