Hər şey bir yana, zəifi əzmək, lağlağı hədəfinə çevirmək hünər deyil!
Hamıya bəllidir ki, müğənnilərin əksəriyyəti, o cümlədən də Damla intellektual şəxs deyil. Bunların çoxu vurma cədvəlini belə bilməyən toyxana adamlarıdır.
Damlanın o suallara elə cavab verəcəyi də bəlli idi. Bunu Kəramət də yaxşı bilirdi. Amma bilə-bilə Damlanı gülünc duruma salmağa çalışdı və saldı.
Nə dəyişdi?
Guya bilmirdik ki, Damla hansı səviyyədə müğənnidir?
Savadı, intellekti zəif adamı əzmək, lağ hədəfinə çevirmək və onun fonunda daha ağıllı görünmək Damlanın səviyyəsindən də aşağı düşməkdir.
Müsahibənin əvvəlində Damlanın həyəcanlı olduğu, çətin suallarla qarşılaşmaqdan qorxduğu aydın hiss olunur. Hətta bunu özü də deyir. Ehtimal ki, bu qədər çəkindiyi müsahibəni vermək də istəməzdi. Hər halda Kəramət bir şəkildə ikna etməyi bacarıb.
Müsahibə üçün güvənini qazandığın birini altından qalxa bilməyəcək suallarla sınağa çəkmək, gülünc duruma salmaq nəyə lazımdır?
Məşhur birini yerlə-yeksan edə biləcəyini nümayiş etdirmək üçün?
Etdi, nə nə oldu?
Damlanı lağ hədəfinə çevirməkdən başqa nə qazandı?
Bütün halda kimliyindən asılı olmayaraq müsahib sənə etibar edib, qarşında əyləşibsə, onu bu duruma salmaq etik deyil. Xüsusən də Damlanın prodüserinin söylədiyinə görə, əvvəlcədən siyasi mövzular olmayacaq deyib, müsahibə vaxtı o mövzuda suallar vermək müsahibi aldatmaq deməkdir.
Hər şey bir yana, insanların güvəni ilə belə oyun oynamaq olmaz!
Bunu etmək peşəkarlıq deyil, qəhrəmanlıq isə heç deyil.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər