writer1

Eldəniz Vəliyev

Məqalə sayı

6
clock13:47 calendar-gray 23 Yanvar 2013 view-gray2902 dəfə oxunub
view-gray2902 dəfə oxunub

Mənim sarışınım

Universitetdə oxuyanda bir qız sevirdim. Amma bu bir sözünün az sonra mübahisə predmeti olacağını düşünüb izahata ehtiyac duyuram...Bu “bir”lərin cəmindən kənarda qalan qızların sayı, bir əlimin beş barmağı qədər ola, ya olmayaydı. Ac adamlar kimi özümü tutmuşdum sevgi yağışına. Deyirlər, hər şeyin siftəsi çətin olur, mən siftəmi çoxdan unutmuşdum....

Bəzən konkret obyekt olmayanda, hansısa bir qızı ürəyimə salıb sevdiyimə özümü inandırırdım ki, günüm boş keçməsin. Xoş və ya bixoşun fərqi olmurdu. Təki ürək sıxılmasın, qəhərdən ölə bilərdi axı. Getsəydi məni də özüylə xoşlamadığım yerə apara bilərdi, ondan nə desən gözləmək olar.... Məndəki fironlar kimi o qədər də bəxtəvər deyildim ki, sevdiklərimlə bir yerdə dəfn edilib məkanın fərqində olmayaydım....

Ürəyimə alternativ ad qoymuşdum- qızlar pansionatı... Ancaq qapısı gecə-gündüz açıq olurdu. Pansionatda bürokratiya yox idi. Adamlar vaxtından və məkanından asılı olmayaraq vahid pəncərə sistemi ilə asanlıqla ürəyimin qəbuluna düşür, rüşvətsiz-filansız sevgisini rəsmiləşdirirdi. Bəzən qızlara belə asan təslim olduğumdan doğacaq maraqsızlığımdan qorxuban, şərtləri bir balaca ağırlaşdırırdım. Hicranın uzunluğundan doğacaq şirinliyin dadı bir müddət damaqlarda qalsın deyə...

Universitetdə bir qız sevirdim. Kənd uşağına mütləq ideal görünəcək sarışın, ağ bənizində parıldayan qara gözləriylə həyatımı qaraldan bir qızı...O mənim gördüyüm ilk sarışın deyildi. Kənddə də həvəskar sarışınlar peyda olmuşdu. Toylarda bir sarışına görə mağardan yüz deşik açılırdı. Bir evin üç oğlunun toyunda cəmi bir sarışını olurdu. O vaxt kənd yerində saçları saraltmaq az qala inqilaba bərabər tutulurdu. Saçlarını saraltmış qızın qardaşı dəqiq bilirdi ki, onun bacısına baxırlar, çünki, özü də sarışına baxırdı. Hətta gündəliklərdə sevdiyiniz rəng sualına oğlanlar sarı yox, sarışın deyə cavab verirdi, sarı dəbdən düşmüşdü. Necə ki çox keçməyəcək, Koroğlunun qılıncı kimi mənim də məktubum dəbdən düşüb əlimdə qalacaqdı...

Universitetdə bir qız sevirdim, ona qədər sevdiklərim itirilmiş vaxt kimi məni təəssüfləndirirdi, sevgimi etiraf edə bilmədiyim kimi... Hərdən qarşısını kəsib “səni sevirəm” deyə bağırmaq istəyirdim. Amma qorxurdum, çünki ona qədər yuxuda dəfələrlə çığırmağa çalışsam da alınmamışdı.

Sevmədiyim “alınmayacaq” qorxusu ilə yoldaşlıq eləyirdim...Bir gün qərara gəldim ki, məktub yazım, yazdım da. Yoldaşımın sayı artmışdı-qorxu və məktub... Yazılmış məktub yükümü yaman artırmışdı, daşıya bilmirdim, sahibinə vermək qərarına gəldim. Daha doğrusu qərar mənə gəldi, məndə o güc hardaydı... Kaş ki o an mənim sifətimi görərdiniz...

Gözlərimin içinə baxırdı... Elə bil deyirdi ki, səndə mənə aid nəsə var, ver onu mənə. Mənsə lal olmuşdum, onun nə zaman getdiyini görmədiyimə görə, kor da olduğumu düşünsəniz, incimərəm. Sonralar lalların nələr çəkdiyi məni maraqlandırmadı, çünki mən bir dəfə lal olmuşdum. Korların neçə görmədiyini də “görmüşdüm”...

Beləcə, çatdıra bilmədiyim məktubu, hər gün birinci dəfə oxuyurmuş kimi oxuyub qoyurdum yastığımın altına. Səhər də özümlə universitetə aparırdım, tələbəlik yoldaşım olmuşdu. Kar və kor olan, günlərin bir günü eşitdi və gördü ki, mobil telefon çıxıb. Amma gec idi, kimsə məndən cəmisi bir gün qabağa düşmüşdü.

Məktubumdakı sözlərin oxşarını kimsə mənim sarışınıma yazmışdı...

Məktub əlimdə qaldı...

REKLAM

Yazarın digər yazıları

Xəbər lenti

Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021
Qələbədən yazmaq çox çətindir
11:01 03 Avqust 2021
“Orxan Pamukun evi inanılmaz dərəcədə geniş idi” – Söhbət
10:30 03 Avqust 2021
Deyirsən, anamın yerində ayrı arvadla mazaqlaşsın? – Yeni hekayə
09:01 03 Avqust 2021
Açıq havada Kino Günü keçirildi - Fotolar
08:49 03 Avqust 2021
Azərbaycanlı şair vəfat etdi
08:08 03 Avqust 2021
"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021