news-inner
clock11:30 calendar-gray 07 Avqust 2021 view-gray737 dəfə oxunub
view-gray737 dəfə oxunub

Futbolun Motsartından ayrılıq sonatası - Leo, Leo, Leo...

Həyatda heç nəyin mümkünsüz olmadığı deyilsə də, insanların belə gördüyü şeylər də var. Məsələn, bir gün Messinin “Barselona”dan ayrılması kimi...

Yəqin yer üzündəki heç bir futbolsevər Messinin nə vaxtsa “Barselona”dan ayrılacağını ağlına belə gətirməzdi.

Bu ayrılığın maddi məsələ ilə bağlı olacağına isə, ümumiyyətlə, heç kim inanmazdı.

Amma belə də olurmuş...

Messi...

Futbol meydanına daxil olanda ayaqları sehrli çubuğa dönən, sol ayağı ilə topun qulağına hara və necə getməli olduğunu pıçıldayan sehrbaz.

Azarkeşi olduğum “Fenerbahçe” klubunun da əfsanəvi bir futbolçusu var idi: Aleks De Souza.

Yadıma düşür ki, onun komandadan göndərildiyini öyrənəndə, səhərə qədər ağlamaqdan halbahal olmuşdum. Onda futbola daha aludə olduğum vaxtlar idi və əsl fanat idim.

İndi “Barselona” azarkeşlərinin necə hüsran içində olduğunu təxmin edə bilirəm.

Həmişə azarkeşlərin sevinc göz yaşlarına səbəb olan Messi, bu dəfə yüzminlərlə, bəlkə də milyonlarla insanı kədər göz yaşlarına səbəb oldu.

Futbol dühalarının Messi haqqında dediyi, aforizmə çevrilmiş fikirlər də var.

Onu futbolun Motsartı adlandıranlar, bu dünyadan olmadığını, yad planetli olduğunu deyənlər, vurduğu qolları sənət əsərinə bənzədənlər...

Dahilik yəqin ki, belə olur.

Futbolçu olsan da, vurduğun qol hansısa bir rəsm əsəri, ya musiqi ilə müqayisə edilirsə, deməli, sən dahisən!

“Messinin meydanda etdikləri çox sadə görünür, amma onları təkrarlamaq imkansızdı”. Bunu indi məşqçilik edən, keçmiş futbolçu Xordi Roura deyir.

Yəqin biz də ən gözəl şeirlər, əsərlər, rəsmlər, musiqilər haqqında bunu düşünürük həmişə.

Əslində, illərdir davam edən Messi və Ronaldo mübarizəsində həmişə Ronaldonun tərəfdarı olmuşam, amma vicdanım həmişə qulağıma pıçıldayıb ki, Messi bir addım irəlidədir.

Bəlkə də Ronaldonun zəhmətinin daha çox olduğunu düşündüyüm üçün Messinin ilahi vergisini, bəli, məhz ilahi vergisini həmişə görməzdən gəlməyə çalışmışam. Hətta, buna əsəbiləşmişəm də.

Biri əziyyəti, zəhməti hesabına uğur qazanmağa çalışır, birində isə ilahi vergi var.

Tanrı Messini sadəcə və sadəcə futbol oynaması üçün yaradıb. Bəlkə də, Tanrının özü də Messininin oyunlarını maraq və həyəcanla izləyir.

Şübhəsiz, Tanrı Messini yaradıb ki, futboldan təkcə insanlar yox, elə özü də zövq alsın.

Onun qəfil üç-dörd futbolçunun arasından su kimi çıxması, küləklə, havayla sövdələşmiş kimi topu sol ayağının içiylə doqquzluğa göndərməsi, topun havada rəqs edərcəsinə fırlanması...

Leo! Leoo! Leooo!

Sən bir əfsanəsən, Leo Messi!

Messi üçün təşəkkürlər, Tanrım!

news-inner-user
Ulucay Akif

118 məqalə

Oxşar xəbərlər

Xəbər lenti

Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021