Azərbaycanlı şair Türkiyədəki yanğına şeir yazdı – Mətn

Azərbaycanlı şair Türkiyədəki yanğına şeir yazdı – Mətn
4 avqust 2021
# 11:12

Kulis.az “Günün şeiri” layihəsindən şair Rafiq Yusifoğlunun Türkiyədəki yanğınlara həsr etdiyi “Dünya od tutub yanır” şeirini təqdim edir.

Qara-qara buludlar pərdə çəkib günəşə
Ağaclar kömür olub, göynəyir yerim, göyüm
Dünya od tutub yanır, tüstü dirənib ərşə
Anamız yer kürəsi göynəyir göyüm-göyüm

Burnundan o tərəfi görə bilməyən xəbis
Cəhənnəmə döndərib bizim yer kürəsini
Dünyaya, insanlığa qənim kəsilən iblis
Yamyaşıl ormanların qaraldıb nəfəsini

Qırx gün də bəs eləmir bəzən heç qudurana
Külək kimi dörd yana əsənə nə deyəsən?
Su içdiyi çeşmənin gözünü batırana
Oturduğu budağı kəsənə nə deyəsən?

Yer bezib nadanların fitnəsindən, felindən
Yanğınlar bir yazığın qaçırıb yuxusunu
Qoynunda yer verdiyi naxələflər əlindən
Bilmir ki, necə çəkib qurtarsın yaxasını

Arzular zoqquldayır könlümün yarasında
Dost sandım düşmənimi – günahkaram, nə danım?
Öz evi kül olmazmı alovlar arasında
Özgənin komasına kibrit çəkən nadanın?

İçim od tutub yanır, ürəyim qaynar ocaq
Dincliyim olmayacaq alov sönənə qədər
Deyəsən, bu iblislər rahatlıq tapmayacaq
Anamız yer kürəsi külə dönənə qədər

Günəş cazibəsində qolları bağlı dünya
Qırıb zəncirlərini uçmağa məqam gəzir
Naxələf insanların əlindən dağlı dünya
Öz başını götürüb qaçmağa məqam gəzir

Vicdanlar su içində mürgüləyir rahatca
Niyə qənim kəsilib bu nadanlar bəşərə
Cəhənnəm alovundan günahkar çətin qaça
Dünya od tutub yanır, nə qaldı ki, Məhşərə?

# 4851 dəfə oxunub

Oxşar xəbərlər

“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

10:00 17 noyabr 2026
Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

16:00 15 noyabr 2026
"Amerika modernizminin anası"nın səhrada tapdığı sirr - "Qarğalı kanyon"

"Amerika modernizminin anası"nın səhrada tapdığı sirr - "Qarğalı kanyon"

13:45 15 noyabr 2026
Kağızlar, möhürlər və insan həyatını məhv edən sistem - İşgəncə otaqlarında nələr baş verir?

Kağızlar, möhürlər və insan həyatını məhv edən sistem - İşgəncə otaqlarında nələr baş verir?

16:00 13 noyabr 2026
Bağırov onu kabinetinə çağırıb dedi ki... - Məşədi İbadı oynayan Əliağa Ağayev niyə Fəxri Xiyabanda dəfn olunmadı?

Bağırov onu kabinetinə çağırıb dedi ki... - Məşədi İbadı oynayan Əliağa Ağayev niyə Fəxri Xiyabanda dəfn olunmadı?

10:00 13 noyabr 2026
Kino tarixinin unudulmaz performansları -  Bədən dili və mimikayla rol oynayan ən yaxşı sənətkarlar

Kino tarixinin unudulmaz performansları - Bədən dili və mimikayla rol oynayan ən yaxşı sənətkarlar

15:00 12 noyabr 2026
#
#
Ana səhifə Reels Yazarlar Xəbərlər