news-inner
clock16:01 calendar-gray 23 İyul 2021 view-gray738 dəfə oxunub
view-gray738 dəfə oxunub

Burda ölə bilməyənlər basdırılıb – Orxan Yaşarın şeirləri

Ulduzlar

Siz ey sayrışan ulduzlar,
Daim yarışan ulduzlar,
Nədir sizdəki bəhsə-bəhs,
Bəhsə girişən ulduzlar?

Kiminin yeri gözəldi,
Kiminin nuru gözəldi,
Kimisi elə xırdaca,
Kimisi iri gözəldi!

Bax o yaman dumanlıdı,
Bu biri duru gözəldi,
Bunun o pərişan halı,
Onun qüruru gözəldi!

Yarışmağa davam edin,
Bəhsinizi müdam edin,
Uyun siz şöhrətə, şana,
Səpələnin kəhkəşana!

Bixəbər hallarınızla
Sanmayın çilçıraqsınız,
Siz nə qədər gur işıqlı,
Siz nə qədər sıcaqsınız?

Kimi isindirmisiniz,
Kim dedi ki, ocaqsınız?
Bir azdan günəş doğacaq,
Bəhsiniz yarım qalacaq
və siz qeyb olacaqsınız!

Əncir ağacı

Çiçək açmamısan ətirdən yana,
Kölgən bizə yetdi çətirdən yana,
Orxan söz deməz ki, sətirdən yana,
Kimi sözlə çəkdim dara, bilmədim...

Sən məni bağışla, əncir ağacı,
Mən sənin haqqını verə bilmədim,
Çürüdü nübarın, zay oldu barın,
Dərmək istəsəm də, dərə bilmədim!

Ətrafım yan-yörən kimi hasarlı,
Ömrüm budaqların kimi qubarlı,
Ruhum bəhərintək olsa da barlı,
Xiridar əlinə vara bilmədim!

Olanlar boş yerə olmur, şəcərəm,
Kökü olmayanı çətin becərəm!
Yazılan yazıdan hara qaçaram?
Həyat kağız deyil – cıra bilmədim!

Bu nəyin sevdası, bu nəyin dəmi,
Ağacdan olarmı könül həmdəmi?
Yuxuma gəl söylə, günah məndəmi -
Ayıq gözlərimlə görə bilmədim!

Haqq məni imtahan etdi ağacla,
Tək necə bacarım yeddi ağacla,
Kəsdim, haqq-hesabım bitdi ağacla -
Məhəbbəti başa vura bilmədim!

Bəlkə də bu məşum sənələr bitər,
Kökündən yep-yeni pöhrələr bitər,
Ah, nələr yaşanar, ah, nələr bitər,
Deməzsən yaramı sara bilmədim!!!

Məzarlıq

Bir məzarlığa gəlmişəm,
Burda həzin yas qurulub,
Burda ölənlər yox,
Ölə bilməyənlər basdırılıb...

İçimdədir bu məzarlıq,
Bura könül məzarlığı,
Neçə gizli məqamların
Sübut, dəlil məzarlığı!

Öz ürəyimə gəlmişəm,
Bir amansız cəllad kimi,
Cəllad kimə rəhm edər ki,
Bağışlayar cəllad kimi?

İndi bura gəlmişəm ki,
Burda qətliam eliyəm,
O ölə bilməyənləri
Səssizcə edam eliyəm!

Buranın sinsi sakini
O ölə bilməyən kini,
O həsədi, o nifrəti,
Kibri, həm ənaniyyəti,
O itirmək qorxusunu,
Bəyənilmək mərəzini,
Bulub bir-bir hərəsini
Mərqadında boğa biləm,
Geri dönməmək adına
Məzarlıqdan çıxa biləm...

Bir tək ölməyən sevgiyə
Gücüm yetməz burda mənim -
Qoy yaşasın, nə etməli,
Gül mənimsə, xar da mənim!

news-inner-user

20009 məqalə

Oxşar xəbərlər

Xəbər lenti

Bir gəncin anormal istəkləri – Orxan Bahadırsoydan 18+ hekayə
21:00 23 Sentyabr 2021
Bakıda simfonik musiqi axşamı keçirilib
19:01 23 Sentyabr 2021
Rejissorumuzun filmi Batumidə nümayiş olunub
18:21 23 Sentyabr 2021
Kəramət Böyükçöl: "İstedadımla taksavatlıq edirəm" - Video
17:36 23 Sentyabr 2021
Falçı yetişdirən məktəblərimiz – Aqşin Yenisey yazır...
16:50 23 Sentyabr 2021
Saitlər əsasdır, yoxsa samitlər?
16:14 23 Sentyabr 2021
Yazıçı Səfər Alışarlı: “Azərbaycan sərvət aşiqlərinin ölkəsidir” - Müsahibə
15:33 23 Sentyabr 2021
Məşhur yazıçının əsərindən film çəkildi
14:46 23 Sentyabr 2021
Səyyad Əlizadə sağalır
14:03 23 Sentyabr 2021
Şeyx və şirin quyruğu
13:20 23 Sentyabr 2021
İbrahim Tatlısəsə həbs cəzası verildi
12:41 23 Sentyabr 2021
Dörd dəfə evləndi, ona görə filmə yataq səhnəsi salındı, Xalq artisti onunla öpüşməkdən imtina etdi – Kinomuzun Leyla Şıxlinskayası
12:01 23 Sentyabr 2021
Məni oğurluqda ittiham edən əmim qızları – Sevinc yazır...
11:30 23 Sentyabr 2021
Şuşada görüşdük! - Zülfiyyə Xanbabayeva yazır - Fotolar
10:50 23 Sentyabr 2021
"O ses Türkiye" başladı - Yeni münsiflər
10:23 23 Sentyabr 2021
Bu millətə zaval yoxdur – Zamin Hacı yazır...
09:01 23 Sentyabr 2021
"Aysel adını Azərbaycanda ilk dəfə mən qızıma qoymuşam" - Zahid Xəlillə müsahibə
21:01 22 Sentyabr 2021
Kitab və film eyni anda: “Rəngləri danışdıran adam”
18:59 22 Sentyabr 2021
Dünya şöhrətli rejissor komadan çıxdı
18:28 22 Sentyabr 2021
“Soyuq Günəş”in ssenaristi: “Yeni filmin çəkilişini başa çatdırdıq”
17:52 22 Sentyabr 2021