Yunus Əmrə simpoziumu işə başladı

Türk dünyasının iftixarı, böyük filosof Yunus Əmrənin vəfatının 700 illiyi ilə əlaqədar Ankarada “Beynəlxalq türk dilinin Anadoluda yazı dilinə çevrilməsi” mövzusunda simpozium təşkil olunub.

Əvvəlcə “Yunus Əmrə-gəl gör məni” rəsm sərgisinin açılışı olub.

Simpoziumun rəsmi açılışında Türkiyənin mədəniyyət və turizm nazirinin müavini Nadir Alparslan, Beynəlxalq Türk Mədəniyyəti Təşkilatının (TÜRKSOY) Baş katibi Düsen Kaseinov Türk dili qurumunun rəhbəri Gürer Gülsevin, Yunus Əmrə İnsititutunun başqanı Şərəf Atəş, Atatürk Kültür, Dil və Tarix ali qurumunun başqanı Muhammət Həkimoğlunun çıxışları dinlənilib.

Üç gün davam edəcək simpoziumda görkəmli alimlər böyük filosofun həyat və fəaliyyətinə dair müzakirələr aparacaqlar.

azertag.az