Əkrəm Əylislinin ürəyində problem yaranıb.
Bu barədə Kulis.az-a yazıçı özü açıqlama verib. O, bildirib ki, 2016-cı ildə gizli infarkt keçirib:
"Həmin vaxtdan ürəyimdə narahatlıqlar var. Ürəkdi də, bəzən imkan verir nəfəs alaq, bəzən sıxıntı verir. Bəzən insana elə gəlir ki, hər şey keçib, birdən də ağırlaşır. Ürəyin belə xasiyyətləri var".
Yazıçı səhhəti ilə bağlı həkimə müraciət etmədiyini deyib:
"Mən həkim nəzarətinə o qədər də güvənmirəm. 2002-ci ildə ürəyimdə çox ağır sıxıntılar yaranmışdı. O vaxt Mərkəzi Klinik Xəstəxanada müalicə almışam. Sonra ürəyimi xəstəlikdən yayındırmaq üçün getdim Əylisdə qaldım. Dediyim kimi, 2016-cı ildə də infarkt oldum".
Əkrəm Əylisli fürsətdən istifadə edib onunla bağlı yayılan xəbərlərdə jurnalistlərin yol verdiyi nöqsana da toxunub. O, bildirib ki, mətbuat onun "Daş yuxular" romanından sonra bütün titullarından məhrum edildiyini yazır. Lakin Ə. Əylisli qeyd edir ki, Xalq yazıçısı titulu ləğəv olunsa da, jurnalistlərin qeyd etdiyi kimi ordenləri ləğv edilməyib.
"Mənim 1984-cü ildə aldığım Əməkdar incəsənət xadimi adım yerində qalır. Jurnalistlərdən xahiş edirəm, belə informasiyaları yayımlayanda bir qədər məsuliyyətli olsunlar".
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər