“Qan Turalının telefonuna düşmək mümkün deyil”

“Qan Turalının telefonuna düşmək mümkün deyil”
14 yanvar 2013
# 17:10

Ötən həftə Şairə Sevinc el Sevər və yazıçı Qan Turalı Azad Yazarlar Ocağını (AYO) tərk etdilər.

Yazarlar bəyanatlarında fərqli səbəblər göstərsələr də, nəticədə AYO iki tanınan üzvünü itirdi.

Sevinc El Sevər oxuzali.az-a göndərdiyi bəyanat mətnində səbəb kimi bunları göstərib: “Azad Yazarlar Ocağının həyatımda əhəmiyyətli yeri var, nəinki yazılarımda. Uzun müddətdi ki, AYO-nun heç bir tədbirinin iştirakçısı deyiləm, müzakirələrə qoşulmuram, birgə qərar qəbul etdiklərində heç bir fikir irəli sürmək imkanım yoxdu. AYO ilə mən bir-birimizə heç nə vermir, heç nə almırıq”.

Qan Turalı “Qafqazinfo”ya AYO-nu tərk etməsini təşkilata ondan xəbərsiz sədr seçilməsi ilə izah edib.

Məsələ ilə bağlı Azad Yazarlar Ocağının yaradıcılarından biri, təşkilatın keçmiş rəhbəri Rasim Qaraca Oxu zalı”na danışıb. Yazarın sözlərinə görə azad yazar olmaqdan ötrü yüksək fərdi keyfiyyətlərə sahib olmaq lazımdır:

“Mən əvvəlki müsahibələrimdə də bir dəfə demişəm: AYO-nun energetikası yüksəkdir, mən heç kəsi qınamaq istəmirəm, amma bu təşkilatda duruş gətirmək həqiqətən çətindir. AYO-çular ailədən tutmuş iş yerlərinə, hakimiyyət orqanlarına qədər hər kəsdən basqı görürlər. Azad Yazar olmaqdan ötrü çox yüksək fərdi keyfiyyətlərə və yaradıcılıq vizyonuna, kollektiv təfəkkürə sahib olmalısan. AYO-da neqativlər yox deyil, ancaq əsas prinsiplərin xatirinə biz heç zaman bunlara əhəmiyyət vermirik. Müstəqil Azərbaycanda yeganə müstəqil ədəbi təşkilat olaraq fəaliyyətimizi sürdürürük, maddi resurslar sıfır həddindədir, olmayan idealları gerçəkləşdirməyə çalışırıq".

İki yazarın təşkilatı tərk etməsinə gəldikdə isə, Rasim Qaraca onların hansısa səbəbdən bəyanat verməsini etik saymır:

“Sevinc El Sevərin və Qan Turalının dəstəyinə ehtiyacımız olduğu halda, onların hansısa inciklik səbəblərindən ictimaiyyətə (qələm dostlarına deyil) bəyanat verməsi ən azından etik deyil. İstər-istəməz adamın ağlına gəlir, dostlarımız hansısa basqıyla üzləşiblər və bu addımı atmaqdan ötrü ilk fürsəti gözləyirmişlər. O ki Qan Turalının toplantıya dəvət edilməməsinə, bu sadə texniki səbəblə bağlıdır: Qan Turalının telefonuna düşmək mümkün deyil, bilmirəm nə üçün belədir. O özü də son iki ildə bir dəfə də olsun mənə zəng vurmayıb. Yazdığım e-maillərəsə bəzən heç cavab verməyib... Hər iki dostumuza uğurlar arzulayıram”.

Oxuzali.az

# 2734 dəfə oxunub

Oxşar xəbərlər

"Bu, mənəvi korluğun, özündən uzağı görə bilməməyin etirafıdır" - Plagiat qalmaqalı böyüyür!..

"Bu, mənəvi korluğun, özündən uzağı görə bilməməyin etirafıdır" - Plagiat qalmaqalı böyüyür!..

15:00 15 iyul 2025
"Məmləkətdə ən böyük soyğunçu elə qibleyi-aləmin özüdür" - SSRİ-yə meydan oxuyan yazıçı

"Məmləkətdə ən böyük soyğunçu elə qibleyi-aləmin özüdür" - SSRİ-yə meydan oxuyan yazıçı

09:00 15 iyul 2025
“Allah yoxdur, amma Hz. Abbas başqa aləmdir” - Sekulyarizmi tənqid edənlərin məqsədi nədir?

“Allah yoxdur, amma Hz. Abbas başqa aləmdir” - Sekulyarizmi tənqid edənlərin məqsədi nədir?

15:00 14 iyul 2025
"Şpaqat" vəziyyəti - Mübariz Örənin hekayəsi

"Şpaqat" vəziyyəti - Mübariz Örənin hekayəsi

12:00 13 iyul 2025
"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

11:50 8 iyul 2025
Məni dostlarım öldürdü - Akif Səmədin şeirləri

Məni dostlarım öldürdü - Akif Səmədin şeirləri

12:00 6 iyul 2025
# # #