news-inner
clock17:01 calendar-gray 21 Aprel 2021 view-gray915 dəfə oxunub
view-gray915 dəfə oxunub

Mənim qadınım, sən varsan deyə... - Çağdaş ərəb şeiri

Kulis.az ərəb poeziyasının ən istedadlı nümayəndələrindən biri olan fələstinli şair Mahmud Dərvişin şeirlərini təqdim edir.

Mahmud Dərviş Fələstin əsilli çağdaş inqilab şairlərindəndir. Beş oğlan və üç qızdan ibarət olan ailənin üçüncü övladıdır. 1942-ci ildə dünyaya göz açıb. Mahmud Dərviş müasir ərəb şeirində mühüm rol oynayan bir şair hesab olunur. Ərəb şeirinə ilk olaraq simvolizm anlayışı gətirib. Mahmud Dərvişin şeirlərində qadına olan sevgi ilə vətən sevgisi bir-biri ilə çox gözəl ahəng təşkil edir.

Mahmud Dərviş 2008-ci ildə ABŞ-da vəfat edib

Heç nə könlümü oxşamır

“Heç nə könlümü oxşamır” - deyir avtobusda sərnişin,
Nə radio, nə sabah qəzetləri,
nə təpələrdə qalalar.
Ağlamaq istəyirəm, bəlkə dərdim azalar.

Sürücü cavab verir: gözlə, ey dərdli adam,
az qaldı duracağa,
Hələ çox vaxtın olar,
doyunca ağlamağa.

“Heç nə könlümü oxşamır” - bir başqa qadın söyləyir:
Mən özüm öz qəbrimi,
verdim oğluma nişan.
Qəbrim xoşuna gəldi,
yuxuya getdi, yatdı mənlə vidalaşmadan.

“Heç nə könlümü oxşamır” – bir tələbə dillənir:
arxeologiya oxudum, amma çata bilmədim daşdakı həqiqətə.
Anlamıram düzü mən
Mən görəsən özüməm?

Bir əsgər dillənir, mən də,
“Heç nə könlümü oxşamır”
Üstümə çökən kabusu
Hər dəfə bürüyəndə.

Əsəbi sürücü çağırır:
Budur son duracağımıza
lap azacıq vaxt qalır.
Enişə hazırlaşın!

Qışqırır hamı yerindən:
Dayanma sür! Tezdir hələ, bir stansiya daha...

Mən isə...
Onlar kimiyəm mən də,
“Heç nə könlümü oxşamır”.
Sanki bu qışqırıqda,
özümü unutmuşam...
Amma düşür məni burda!
Səfərdən yorulmuşam...

Kaş ki daş olum

Kaş ki mən bir daş olum
Bilməyim nədir həsrət
Nə dünənim getsin
Nə bu günüm olsun
Nə də sabahım gəlsin
Heç bir şey baş verməsin

Kaş ki bir daş olum,
dedim ki, mən kaş...
Suyun parıldatdığı bir daş...
Yaşıl olum, saralım.
Heykəl və ya heykəltəraşlıq işi olub,
bir otağa qoyulum.
Lazımsız boşluqlardan zərurəti doğurum.

Kaş ki mən bir daş olum
Həzin, incə daş olum...

Bu dünyada yaşamağa dəyər

Bu dünyada yaşamağa dəyər şeylər var,
Qeyri-sabit aprel ayı,
Səhər çağı isti çörəyin ətirli qoxusu,
Bir qadının kişilər haqqında düşüncələri,
Esxilin yazıları,
Sevginin ilki, əvvəli
Daş üzərində bitən otlar
Ney səsinə düzülən analar,
İşğalçıların xatirələri...

Bu dünyada yaşamağa dəyər şeylər var
Sentyabrın sonu
Bütün gözəlliyi ilə qırxını tərk edən qadın
Həbsxanada günəş saatı
Varlıqlardan şəkil biçən bulud
Ölülərinə yasəmən aparan xalqın hayqırtısı
Zalımların mahnılardan qorxusu

Bu dünyada yaşamağa dəyər şeylər var,
Yer kürəsində yerin qadını
Başlanğıcların anası
Sonluqların anası
Fələstin adlanır adı
Mənim qadınım
Sən varsan deyə mən,
yaşamağı haqq edirəm

Ərəbcədən çevirdi: Kamil Miriyev

May be an image of Kamil Miriyev

news-inner-user

19996 məqalə

Oxşar xəbərlər

Xəbər lenti

"Aysel adını Azərbaycanda ilk dəfə mən qızıma qoymuşam" - Zahid Xəlillə müsahibə
21:01 22 Sentyabr 2021
Kitab və film eyni anda: “Rəngləri danışdıran adam”
18:59 22 Sentyabr 2021
Dünya şöhrətli rejissor komadan çıxdı
18:28 22 Sentyabr 2021
“Soyuq Günəş”in ssenaristi: “Yeni filmin çəkilişini başa çatdırdıq”
17:52 22 Sentyabr 2021
Fırlanmalısan - Hekayə-esse
17:22 22 Sentyabr 2021
İlk dərs günü məktəbdə necə biabır oldum?
16:36 22 Sentyabr 2021
Kiçik mətnə "böyük hesabla" uduzmaq - Kəramətin yeni romanını tənqid etdilər
16:01 22 Sentyabr 2021
Seymur Baycandan zəif olan gürcü yazarın dünya şöhrəti
15:10 22 Sentyabr 2021
Yeni poeziya almanaxı çap ediləcək - Əsər qəbulu başladı
14:25 22 Sentyabr 2021
Anamı ağlatdığım gün – Sərdar Amin yazır...
13:30 22 Sentyabr 2021
Məktəbə gəlməyə peşman olan əkiztayı, müəllimləri üçün darıxmayan uşaq, nəvəsindən bezmiş nənə – İlk dərs günündən reportaj
12:40 22 Sentyabr 2021
“Son günlər işdən qanıqara gəlirdi” - Qızı Fikrət Qocanın ölüm səbəbindən danışdı
11:49 22 Sentyabr 2021
Oğul, oğul, amandır! - Günün şeiri
11:14 22 Sentyabr 2021
Dərsin ortasında fıştırıq çalan şagird: Distant təhsildən reallığa
10:38 22 Sentyabr 2021
Məşhur aktyor vəfat etdi
10:18 22 Sentyabr 2021
Aktyor Elcan Rəsulov: “Afaq Bəşirqızı mənə dedi, çıx get burdan” – Müsahibə
09:00 22 Sentyabr 2021
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021
Aqşin Yenisey: “Bu, milli biabırçılıqdır” – Müsahibə
17:47 21 Sentyabr 2021