Xalq yazıçısı Kamal Abdullanın “Adaşlar” hekayəsi “Ədəbi Gürcüstan” qəzetində çap olunub.

Kulis.az xəbər verir ki, bu barədə məlumatı Tbilisi Dövlət Universitetinin professoru David Qoçeridze verib.

O bildirib ki, qəzet Kamal Abdulla haqqında qısa məlumatı da oxuculara təqdim edib. Məlumatda deyilir ki, Kamal Abdulla Azərbaycanın Xalq yazıçısı, elm və mədəniyyət xadimidir. O, ölkənin ictimai, ədəbi və mədəni məkanında böyük nüfuza malikdir:

“Kamal Abdulla görkəmli yazıçıdır, Azərbaycanda pyesləri, hekayələri, romanları, esseləri və şeirləri nəşr olunub, əsərləri türk, rus, gürcü, alman, fransız, ingilis, ispan, polyak, portuqal, ukrain, fin, italyan, ərəb, yapon, çernoqor, bolqar, qazax, qırğız və bir çox dillərə tərcümə olunub. Pyesləri Azərbaycan, Gürcüstan, Estoniya teatrlarının səhnəsində tamaşaya qoyulub.

Kamal Abdullanın romanları “Yarımçıq əlyazma” (bir çox mükafatlara layiq görülüb, Umberto Eko əsərə yüksək qiymət verib), “Sehrbazlar dərəsi”, “Tarixsiz gündəlik”, “Unutmağa kimsə yox” və Sirlərin sərgüzəşti” romanları və hekayələri ədəbi aləmin diqqətini çəkib, haqqında saysız-hesabsız sanballı məqalələr yazılıb. Kamal Abdullanın ən yaxşı əsərlərindən biri olan “Adaşlar” hekayəsi modern məsrin gözəl nümunələrindəndir”.

“Adaşlar” gürcü ədəbi ictimaiyyəti tərəfindən böyük maraqla qarşılanıb.

Hekayənin tərcüməçisi Tbilisi Dövlət Universitetinin professoru Tamara Şarabidzedir.

• Stiven Spilberq fəxri mükafatla təltif ediləcək
• Ortaq ruhun iki zirvəsi: Azərbaycan və Özbəkistanın ədəbi-mədəni bütövlük platforması
• Məhkumlar teatr səhnəsinə çıxdılar – Həbsxananın həyətində