Bu il Müsəlman incəsənət və mədəniyyət festivalı ilk dəfə beynəlxalq miqyasda təşkil olunub və ölkəmiz Azərbaycan Diasporuna Dəstək Fondunun maliyyə dəstəyi ilə həmin tədbirdə təmsil olunub.
Kulis.az xəbər verir ki, festival islamofobiya ilə mübarizə, həmçinin müsəlman və qeyri-müsəlman icmaların bir araya gətirilməsi məqsədilə keçirilir. MACFEST-in qurucusu və icraçı direktoru Qaisra Şahrazın ev sahibliyi ilə baş tutan festivalda BBC-nin məşhur jurnalistləri, keçmiş diplomatlar iştirak ediblər. Bu mötəbər tədbirdə ölkəmizi müxtəlif sahələr və qurumlardan səlahiyyətli şəxslər, tanınmış mədəniyyət və incəsənət xadimləri təmsil ediblər.
Videoformatda baş tutan tədbir iştirakçılarına ölkəmizdəki xristian (Alban) və müsəlman tarixi abidələrinə aid videoçarx təqdim edilib, dini abidələrin tarixi ilə bağlı ətraflı məlumat verilib. Festivalda, həmçinin Azərbaycanın mədəniyyət paytaxtı olan Şuşa şəhəri haqqında geniş informasiya çatdırılıb, milli mətbəximiz, milli geyimlərimiz, Qarabağ atları haqqında videomateriallar nümayiş olunub, milli mədəniyyətimizin tarixində özünəməxsus yeri olan xalçaçılığımız barədə ətraflı məlumat verilib.
Beynəlxalq festivalda Azərbaycanın təbii və tarixi gözəlliklərini əks etdirən videoçarxlar da nümayiş olunub.
Tədbirin sonunda Azərbaycanın milli musiqi nümunələri səsləndirilib.
Festivalda Azərbaycanın iştirak layihəsinin müəllifi Mançester Universitetinin məzunu Leyla Qasımova olub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər