news-inner
clock16:39 calendar-gray 19 Mart 2021 view-gray12471 dəfə oxunub
view-gray12471 dəfə oxunub

Əfv olunan Alyona ilə söhbət - Onu zorlamaq istəyən qardaşını öldürmüşdü

Kulis.az Səlcuq Elçinin aministiyaya düşmüş Alyona Baxışovaya aid yazısını təqdim edir.

..Bu gün o qızı gördüm.

6 il sonra.

Son dəfə 2015-ci ildə görmüşdüm.

Tez-tez məhkəməsində iştirak edirdim.

Sonuncu məhkəmədə hakim ona 10 il azadlıqdan məhrumetmə cəzası kəsmişdi.

Qardaşını öldürmüşdü.

Onu zorlamaq istəyən qardaşını...

Prezident İlham Əliyevin ötən gün “Məhkum edilmiş bir sıra şəxslərin əfv olunması haqqında” Sərəncam imzaladı. Bu gün həmin əfv sərəncamının icrası üçün cəzaçəkmə müəssisələrinə getmişdim.

İlk baş çəkdiyimiz həbsxanalardan biri Bakıda qadın məhkumların saxlandığı 4 saylı cəzaçəkmə müəssisəsi oldu.

Ombudsman, Penitensiar Xidmətin rəis müavini, Ədliyyə Nazirliyinin idarə rəisi əfvə düşən məhkumlarına bir-bir adlarını çəkir, sonra arayışlarını təqdim edirdi.

Birdən Səbinə Əliyeva Alyona Baxışova adını çəkdi. Ad tanış gəldi. Uzun illərdir məhkəmələrdən yazdığım üçün səs-küylü işlərin iştirakçılarının adları yadımda qalır.

Qız kürsüyə gələndə onun məhkəmə işi yadıma düşdü: 2014-ci ildə Qusarda bu qız qardaşını öldürmüşdü.

Həmin işlə bağlı məhkəmə reportajlarım olmuşdu. A.Baxışova məhkəmədəki ifadələri zamanı qardaşının zoofil olduğunu demişdi. Anası Bacıxanım Baxışova da bu faktı qismən etiraf etmişdi.

17 yaşlı Alyona deyirdi ki, hadisə günü qardaşı onun otağına girib, zorlamaq istəyib. Alyona həyətə qaçıb, qardaşı da arxasınca gəlib. Bu zaman tövlədən baltanı götürüb onu vurub. Sonra isə...

Həyətdə yer qazaraq qardaşını basdırıb.

7 ay hadisəni gizlədə bilib. Lakin 7 aydan sonra qardaşının basdırıldığı yerdən iy gəlməyə başlayıb. Beləcə cinayətin üstü açılıb və Alyona şübhəli şəxs kimi saxlanılıb.

Məhkəmədə anası və digər qardaşı yeniyetmə Alyonanı günahkar bildilər. Və ondan imtina etdilər.

Qız isə durmadan ağlayırdı.

...Bu gün Alyonanın əfvə düşdüyünü eşidəndə çox sevindim. Açıqlama almaq üçün Alyonaya yaxınlaşanda, dedi sizi tanıdım. Tutulub qaldım...

Dedi, siz mənim məhkəmə dövründə iştirak edirdiniz.

Zarafata saldım ki, yaxşı hafizəniz var.

Dedi, yox, mənim sizə borcum var.

Doğrusu, əvvəlcə nə dediyini başa düşmədim.

“Ailəm məndən imtina etmişdi. Heç kimim qalmamışdı. Məhkəmədən çıxanda siz mənə 30 manat pul verdiz”, - Alyona əlavə elədi.

İstər-istəməz kövrəldim. Doğrusu unutmuşdum.

Dedim, Alyona, sənin mənə borcun yoxdur, narahat olma.

Gülümsədi.

O vaxt vəkili Səbirə xanım onu pulsuz müdafiə etməklə yanaşı pul, yeri gələndə şirniyyat verirdi.

Səbirə xanımı da tapacağını, ona da təşəkkürünü çatdıracağını bildirdi.

Sağollaşanda ailəsi ilə barışıb-barışmadığını soruşdum. Münasibətlərin yaxşılaşdığını və ailəsinin yanına qayıdacağını dedi.

Ümid edirəm gənc yaşda həyatı yarıda qalmış Alyona özündən yenidən güc tapacaq.

Və üzündəki gülüş bundan sonra heç zaman onun çöhrəsini tərk etməyəcək.

lent.az

news-inner-user

18683 məqalə

Oxşar xəbərlər

Xəbər lenti

Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021
Müharibə futbol kimidir - Cəbrayıl Dövlətzadə haqqında roman
09:00 07 May 2021
Arif Quliyev vəfat etdi
01:53 07 May 2021
“Karlson” tamaşası onlayn göstəriləcək
19:00 06 May 2021
“Səhnədə” adlı müsabiqə elan olunub
18:35 06 May 2021
Yoldaşı ilə 55 il nikahsız yaşadı, qızının dəfninə getmədi – İslam Rzayev Zeynəblə oxumaqdan niyə imtina etmişdi? - Video
18:10 06 May 2021