news-inner
clock13:01 calendar-gray 18 Mart 2021 view-gray1895 dəfə oxunub
view-gray1895 dəfə oxunub

“Azərbaycanın Tarkanı”nı əsəbiləşdirən səbəb

Bir dövr meyxana janrı nüfuzdan düşmüşdü. Bu durğunluq təxminən sovet dövrünə təsadüf edirdi ki, həmin illərdə ciddi məkanlarda meyxanaçılara şərait yaradılmırdı.

90-cı illərin əvvəllərindən etibarən isə meyxana sovet rejiminin gizlətdiyi künc-bucaqdan çıxarılıb geniş kütləyə çatdırılması yolunda xeyli müsbət işlər görüldü.

Məsələn, 1991-ci ildə Qorxmaz Əlilli ilk dəfə Respublika üzrə meyxana müsabiqəsini keçirilməsinə nail olmuşdu. 2000-ci illərdə isə toyların əksəriyyətini meyxanasız təsəvvür etmək mümkün deyildi. Daha sonra meyxana efirə ayaq açdı və meydana çox istedadlı meyxanaçılar çıxdı. Lakin o yarışma xarakterli meyxana proqramları vasitəsilə məşhurlaşan bir neçə meyxanaçılar zamanla yollarını, istiqamətlərini dəyişdi. İlk açılışı Namiq Qaraçuxurlu etdi. Pərviz Bülbülə də bir müddət sonra yanına bir xanım ifaçı alıb “indeyski” mahnılara söz yazıb meyxana janrı ilə vidalaşdı. Daha sonra Vasif Əzim və başqa meyxanaçılar müğənniliyə meyl etdilər. Necə deyərlər meyxana sürətlə yuvarlandı çıxarıldığı quyunun dibinə.
Özləri bunu etiraf etmək istəməsələr də, daha çox pul qazanmaq həvəsi ən yaxşı meyxana deyənləri nüfuzdan saldı.

Aqşin Fateh isə özünü sıxıb saxlasa da uzun müddət tab gətirə bilmədi. Amma o, həmkarlarından fərqli olaraq birbaşa mahnı oxumağa keçmədi. Əvvəlcə serial çəkdi, sonra çəkdiyi serialda aktyorluq etdi. Ardınca da bir xanımla duet yazdırıb meydana çıxdı.

Məsələ burasındadır ki, Namiq Qaraçuxurlunun, Pərviz Bülbülənin yaxaladığı şöhrəti mahnı oxumaqla Aqşin Fateh yaxalaya bilmədi. Əksinə ortaya çıxartdığı mahnılarla daima tənqid, lağ hədəfinə çevrildi. Bir sözlə onda bu janr alınmadı.

Amma adam davam etməkdə israrlıdır. Aqşin Fatehin davranışından tutmuş, ifa etdiyi mahnılara qədər xeyli tənqidlik məqamlar olsa da bəy əfəndi tənqidlərə son dərəcə dözümsüz və qapalıdır.

Bu günlərdə yeni mövzu ilə gündəmdədir. Türkiyədə heç türklərin belə izləmədiyi bir Yutub kanalında qonaq olarkən aparıcı tərəfindən “Azərbaycanın Tarkanı” kimi təqdim olunması sosial şəbəkələrdə lağ obyektinə çevrilib. Səhifələrdəki Aqşin Fatehin Tarkanla montaj olunmuş posterləri və ironik statuslar Aqşin bəyin qəzəbinə səbəb olub.

Hər zaman olduğu kimi yenə ən yaxşı bildiyi şeydən- təhdid metodundan istifadə edir. Biləcəridən o tərəfə keçməyən “şöhrəti” ilə dünya şöhrətli müğənni Tarkanla müqayisə olunmağı təhqir hesab edən Aqşin Fateh nədənsə “ağır abiliyini” aparıcının təqdimatı zamanı nümayiş etdirməyib. Hətta sözügedən kadrlara baxdım, xeyli məmnun idi bu təqdimatdan. O zaman vətəndəki bu “kabadayı”lığın səbəbi nədir? İçini gəmirən özünə də məlum olmayan qəzəb, kin, aqressiya Aqşin Fatehi hər mənada sinifdə qoyur. Nə meyxanaçı ola bildi, nə müğənni ola bildi, nə rejissor ola bildi, nə aktyor. Ortaya qarışıq bir həyat yaşayır rəsmən. Hərdən onu efirdə görəndə ürəyim sıxılır. Düşündürür məni: Bu qədər narahat adam niyə müğənni olmaq istəyib? Kamera qarşısında narahatdır. Adam “Yarəm yarəm” kimi rimtik, yüngül əhvallı mahnıya sıfır reaksiya ilə giriş edir. Gülmür, hərəkət etmir. Adam var xoşuna gələn geyim əyninə bir ölçü kiçikdir, amma xoşu gəlir deyə israrla geyinir. Bax müğənnilik də Aqşin Fatehin əyninə bir yox, bir neçə ölçü kiçik gəlib. Axı nə məcburdur Aqşin bəy?

Biz Aqşin Fatehi meyxanaçı kimi tanımışıq, mən də zamanında onu sevə-sevə dinləmişəm. . Amma indi Aqşin Fatehdə meyxana adına yalnız bir şey qalıb. O da yersiz ciddiyyəti. Kim nə deyir desin, Aqşin Fateh meyxandan müğənniliyə keçid edən ən uğursuz meyxanaçıdır. Amma bu hələ son deyil. Məşhur türk mahnısında deyildiyi kimi “Yol yakınken dönelim”. Dönəlim Aqşin bəy vallah dönəlim.

news-inner-user
Günel Musa

116 məqalə

Oxşar xəbərlər

Xəbər lenti

BAFTA mükafatının təqdimetmə mərasimi keçirildi
18:54 12 Aprel 2021
Anar: "Çox istərdim ki, yazıçılarımız Şuşanı ziyarət etsin"
18:11 12 Aprel 2021
Səni aldatdım, bağışla! – Yazıçı vəfat etmiş həyat yoldaşına nələr etiraf etdi? – Mətn
17:30 12 Aprel 2021
“Brilliant əl” filminin aktrisası evində ölü tapıldı
16:45 12 Aprel 2021
Məşhur aktyor vəfat etdi
16:11 12 Aprel 2021
Kafkanın “Seçilmiş əsərləri” nəşr olunub
15:30 12 Aprel 2021
Nizami Gəncəvi haqda monoqrafiya nəşr edilib
14:50 12 Aprel 2021
17 yaşında Bakı meri ilə eşq yaşadı, 8 il həbs yatdı, rus qəbiristanlığında basdırıldı – Şalvar geyinən ilk azərbaycanlı qadın
14:22 12 Aprel 2021
Arzuları güllələnən uşaqlar – Yeni şeirlər
13:30 12 Aprel 2021
Azərbaycanlı şairə ağır itki üz verib
12:45 12 Aprel 2021
Kişilərdən çox qadınlara baxan qadın - Güneldən qısa hekayə
12:14 12 Aprel 2021
Niyaməddin Musayev xəstəxanaya yerləşdirildi
11:38 12 Aprel 2021
“Bəşir gəlir” meyxanasına əsəbləşən saxtakarlar
11:30 12 Aprel 2021
Ölüm şeirləri ilə ömür sürən Xalq şairi - Gənc yazar Ramiz Rövşəni sərt tənqid etdi
10:57 12 Aprel 2021
Xalq rəsamımız Türkiyə televiziyasında
10:23 12 Aprel 2021
Entoni Hopkins BAFTA mükafatına layiq görüldü
09:45 12 Aprel 2021
Üçrəngli bayraq niyə ilk dəfə ingilis generalın qarşısında dalğalandı? – Tariximizin “Qara Kitab”ı - Yeni layihə
09:01 12 Aprel 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
10:30 11 Aprel 2021
Rejissorumuzun filmləri beynəlxalq festivalda nümayiş olunacaq
17:01 10 Aprel 2021
Ax tı maşennik - Haqverdiyevin hekayəsi
16:39 10 Aprel 2021