news-inner
clock13:30 calendar-gray 16 Mart 2021 view-gray649 dəfə oxunub
view-gray649 dəfə oxunub

Günaha yoluxmuşam, həkim - Yeni şeirlər

Kulis.az Qalib Şəfahətin yeni şeirlərini təqdim edir.


Boyda

Dərd kimdi ki, boyun əyim,
Köksümdəki bu qəm boyda.
Aç qəlbini süfrə elə
Dizim üstə, sinən boyda.

Yeni nəfəs, ün gələcək,
Nə gəlsə də, tən gələcək.
Gözlə, yeni gün gələcək.
Bu gün boyda, dünən boyda.

Bu ömrün öz mayası var
Çınqılı var, qayası var.
Hər günün öz boyası var.
Ya sən boyda, ya mən boyda.

Gedim

Məni tez çatdırın son nəfəsimə,
Elə son kəlməmi eşidim gedim.
Elə son anda da, son məqamda da
Çəkib öz-özümün keşiyin, gedim.

Qoy özüm eşidim vəsiyyətimi,
Elə özüm çəkim əziyyətimi,
Verib öz-özümə nəsiyyətimi,
Bilib tabutumu beşiyim, gedim.

Məndən nə qalacaq, nəyi aparım?
Üz tutub özümdən halalıq alım.
Ədəblə özümü qoy yola salım,
Deyib, əlvida ev-eşiyim, gedim.

***
Bu kafir dünyada
Adam çıxmır
heç nədən.
Ölçüləri
düz gəlmir. –
Ətəyi
gödək qalır.
Boynu
bədəninə yapışır.
Hamı olub
söyüş yiyəsi.

***
Səssizliyimi
başıma atmışam.
Gözlərim
qapalı qalıb.
Görməmək üçün
heç nəyi.

***
Əvvəl
yastığıma
düşəcək başım.
Sonra,
yatağımdan
düşəcək başım.
Vətən,
başın sağ olsun!

Gələcəm

Gözlə! Gözlə! Yolumu,
Darıxanda gələcəm.
Arzularım hürüküb,
Qorxanda gələcəm.

Darıxmaq öyrətmisən,
Qorxmaq öyrətmisən,
Karıxmaq öyrətmisən,
Karıxanda gələcəm.

Ürəyimə qəm köçüb,
Üstündən üryan keçib.
Güllər ətrini töküb,
Soluxanda gələcəm.

***
Nə o məni yandırmadı,
Nə də mən yandım
onun oduna.
Nə də şam kimi yandırmadım
onu odumda.
Indi mən yoxam,
Heykəl daşam daha.
Onun heykəlimin önünə
Qoyduğu şam
Sozala-sozala
Alışıb yanır oduma.
Yəqin dözməyir,
Yoxluğuma.
Bir də ayrılığıma.

Analiz et

Çox narahatam,
Ömrüm, günüm dolaşıq düşüb,
Ömrüm, günüm qarışıq düşüb,
bəlkə də ömrümə,
yarı qaranlıq,
yarı işıq düşüb?
Ömürsüz, günsüz yaşayanla
Günaha yoluxmuşam
Günah daşıyıcısından.
Həkim!
Çox narahatam.
Analiz götur,
Analiz et ömrümü
Necə?
Nə vaxt?
Kim yoluxdurub məni?
Necə gəlib çıxmışam bu günümə?
Bəs niyə ölməmişəm?


İkimiz qalacağıq

Aramızdan küləklər də əsəcək,
Aramızdan çox zamanlar ötəcək
Çox sular bulanıb durulacaq,
Aramızda ikimiz qalacağıq.
İkimizin arasında
boşluq qalacaq.
O boşluq
dolub boşalacaq.
Yağış da yağacaq,
gündə çıxacaq
Təkcə ikimiz qalacağıq
İkimizin arasında.
Uçurum da olacaq,
fəlakət də qopacaq,
Şəhərlər də salınıb,
insanlarla dolub boşalacaq.
Təkcə ikimiz qalacağıq
o boşluqda,
ikimizin arasında.
Sən ərə də gedəcəksən,
mən də evlənəcəm vaxtım olsa.
uşaqlarımız bizə baxıb qürur duyacaq.
Bəlkə
qızın da oğluma vurulacaq
Çox istəklər bir-birinə qovuşacaq
Təkcə aramızda
ikimiz qalacağıq...

***
Təkliyimi
yastıq edib
başımın altına qoymuşam.
Rahat yatım deyə.
Tənhalığımı
süngü edib
uzaq yola çıxmışam.
Qurd-quşdan
qorunmaq üçün.
Təkliyə
vətən keşiyini çəkən
əsgər kimi baxmışam,
qürurumun yanında dayandığı üçün.
Uduzmamışam...
Uduzmağım,
gözlərimin qaşlarımı oynatmağında...
Bir də
yuxusuz gecələrdə
gözlərimi qırpmağımda
olub.

news-inner-user

19092 məqalə

Oxşar xəbərlər

Xəbər lenti

Bir şairi öldürdülər – Günün Şeiri
11:00 22 İyun 2021
Anarın hekayəsi Monteneqronun populyar saytlarında
10:30 22 İyun 2021
Tanınmış şair vəfat etdi
09:56 22 İyun 2021
Azərbaycanlı yazıçıdan lezbiyan haqda hekayə: Mən səni həmişə sevəcəm
09:01 22 İyun 2021
Jan Pol Sartrın dahiyanə hekayəsi – Mətn
21:00 21 İyun 2021
Nizami Gəncəviyə həsr olunmuş beynəlxalq konqres keçiriləcək
18:56 21 İyun 2021
Mədəniyyə nazirliyi yeni müsabiqə elan etdi
18:22 21 İyun 2021
Məşhur aktyor dünyasını dəyişdi
17:43 21 İyun 2021
Kitab yandıran qonşu qadın – 13 yaşlı Selcanın hekayəsi
17:11 21 İyun 2021
Nizami Gəncəvi yaradıcılığı Ukrayna radiosunda
15:39 21 İyun 2021
Şair, yazıçı, müğənni, bəstəkar…
14:49 21 İyun 2021
Fulya Öztürk: “Film təklifinə çox təəccübləndim” – Video
14:01 21 İyun 2021
Qarbaçovu üzünə söydü, özündən xeyli cavan xanımla evləndi, qızı ona görə intihar etmək istədi – Dövlət katibimizin faciəvi sonu
14:01 21 İyun 2021
“Dünyanın sülh kitabı”nda azərbaycanlı yazıçı da yer aldı
13:35 21 İyun 2021
Dədə Süleyman: "Ayıb olmasın deyə, atam adımı dəyişdi" - Müsahibə
12:52 21 İyun 2021
El Romanın imza günü keçiriləcək
12:49 21 İyun 2021
Fulyadan film çəkən rejissor: “Mənim belə bir öhdəliyim yoxdur” – Müsahibə
12:11 21 İyun 2021
Vahidin bu şeirinin bir misrasını başqa şair yazdı – İlginc fakt
11:30 21 İyun 2021
Aysel Əlizadə yazarlara çağırış etdi: “Bu təklifimə qoşulun”
11:01 21 İyun 2021
Fulya Öztürkdən film çəkilsinmi?
10:22 21 İyun 2021