news-inner
clock12:30 calendar-gray 05 Mart 2021 view-gray1206 dəfə oxunub
view-gray1206 dəfə oxunub

Ona qarşı “vnimatelni” olmadılar - Yaşar Nurinin fəxri ada həsrət qalan atası - Maraqlı faktlar

Bu gün aktyor Məmmədsadıq Nuriyevin doğum günüdür. Kulis.az onun haqqında maraqlı faktları təqdim edir.


Nuriyev Məmmədsadıq Qafar oğlu 5 mart 1919-cu ildə Bakının Sovetski adlanan dağüstü məhəlləsində anadan olub. 1928-ci ildə atası onu Bakıda Bədəl bəy Bədəlbəyovun məktəbində qoyur. Orada o dövr üçün orta sayılan tam təhsil alan Məmmədsadıq Nuriyev 1935-ci ildə Mirzə Fətəli Axundov adına Azərbaycan Dövlət Teatr Məktəbinin aktyorluq fakültəsinə daxil olur. Aktyor sənəti dərsini ona dövrün ən məşhur aktrisalarından biri olan aktrisa Fatma Qədri deyib.

***

Teatr məktəbini 1937-ci ildə bitirib. Xalq Maarif Komissarlığı İncəsənət İşlər İdarəsinin göndərişi ilə Cəfər Cabbarlı adına İrəvan Dövlət Dram Teatrına gedib. Səkkiz ilə orada aktyor kimi fəaliyyət göstərəndən sonra Gəncə Dövlət Dram teatrına gedir. 1956-cı ildən isə Azərbaycan Dövlət Musiqili teatrında işləməyə başlayır.

O, həm teatr, həm də kino səhnəsində dramatik və komik rollar ifa edib. Bu rolları eyni ustalıq və məharətlə ifa etdiyi üçün teatr aləmində onu “vücud” ləqəbi ilə çağırırmışlar.

***

Məmmədsadıq Nuriyev Rəfiqə adlı qadınla ailə həyatı qurub. Deyilənlərə görə ailədə həddindən artıq ciddi və tündməcaz adam olub. Onların dörd övladı doğulub.

***

Məmmədsadıq Nuriyev “Yeddi oğul istərəm”, “Əhməd haradadır?”, “Ulduz”, “Sehrli xalat”, “Uşaqlığın son gecəsi” kimi filmlərdə müxtəlif səpkili, epizodik rollar ifa edib.

Məmmədsadıq Nuriyev Azərbaycan kino tarixində bir sözü ilə yadda qalan yeganə aktyordu. Onun “Uşaqlığın son gecəsi” filmində ifa etdiyi Davud obrazının dilindən dediyi iş sosiska da deyil, adam gərək “vnimatelni” olsun sözlər bu günə qədər də insanlar tərəfindən xatırlanır.

***

Aktyor Xalq artisti Yaşar Nurinin atası olub. Yaşar Nurinin teatr və kino sənətinə gəlişində atasının çox böyük rolu olub. Belə ki, aktyor uşaq yaşından oğlunu özü ilə teatra, çəkiliş meydançasına aparırmış. Həmçinin Yaşar Nuri tamaşalarda uşaq rollarında iştirak edirmiş. Dramaturq Məhərrəm Əlizadənin "Toy kimindir?" musiqili komediya tamaşasında məktəbli ikən Qoşunun oğlu Tapdıq rolunda səhnəyə çıxıb.

Yaşar Nuri müsahibələrinin birində bu haqda deyir: “Atamla keçmiş “26-lar bağı”nda Ordubadi adına yay teatrına getmişdik. Oturub aktyorların məşqinə baxırdım. “Toy kimindir?” operettasında Qoşunun oğlunu oynayan aktyor xəstələnmişdi. Teatrın aktyoru Şünasi atamın razılığını aldıqdan sonra məni səhnəyə çağırdı. Diqqətlə baxdıqdan sonra sevincək dedi: “Vücud, bu, hazır aktyordur, mən ölüm...”. Şünasi masanın arxasına keçib atamın bazarlıq edib yanına qoyduğu kağız torbanın üstünə oynayacağım rolun sözlərini yazdı. Qoşa Qala qapısından evə gələnədək rolumu əzbərlədim. Axşam yenə teatra getdim və deyilənlərə görə, rolu pis oynamadım. Çox keçməmiş, “Hacı Qara”da Hacı Qaranın oğlu Bədəl rolunu mənə verdilər”.

***

Heç bir fəxri ad ala bilməyən aktyor 1975-ci il martın 25-də əlli altı yaşında dünyasını dəyişir.

***

Oğlu Yaşar Nuri 1982-ci ildə əməkdar artist adını alır. Ona çıxış üçün söz verilir. Çıxış edən Yaşar Nuri sonda deyir: “Yazıq atam neçə il səhnədə külüng vurdu, bir quru ada da həsrət qaldı”.

news-inner-user

18423 məqalə

Oxşar xəbərlər

Xəbər lenti

Səni aldatdım, bağışla! – Yazıçı vəfat etmiş həyat yoldaşına nələr etiraf etdi? – Mətn
17:30 12 Aprel 2021
“Brilliant əl” filminin aktrisası evində ölü tapıldı
16:45 12 Aprel 2021
Məşhur aktyor vəfat etdi
16:11 12 Aprel 2021
Kafkanın “Seçilmiş əsərləri” nəşr olunub
15:30 12 Aprel 2021
Nizami Gəncəvi haqda monoqrafiya nəşr edilib
14:50 12 Aprel 2021
17 yaşında Bakı meri ilə eşq yaşadı, 8 il həbs yatdı, rus qəbiristanlığında basdırıldı – Şalvar geyinən ilk azərbaycanlı qadın
14:22 12 Aprel 2021
Arzuları güllələnən uşaqlar – Yeni şeirlər
13:30 12 Aprel 2021
Azərbaycanlı şairə ağır itki üz verib
12:45 12 Aprel 2021
Kişilərdən çox qadınlara baxan qadın - Güneldən qısa hekayə
12:14 12 Aprel 2021
Niyaməddin Musayev xəstəxanaya yerləşdirildi
11:38 12 Aprel 2021
“Bəşir gəlir” meyxanasına əsəbləşən saxtakarlar
11:30 12 Aprel 2021
Ölüm şeirləri ilə ömür sürən Xalq şairi - Gənc yazar Ramiz Rövşəni sərt tənqid etdi
10:57 12 Aprel 2021
Xalq rəsamımız Türkiyə televiziyasında
10:23 12 Aprel 2021
Entoni Hopkins BAFTA mükafatına layiq görüldü
09:45 12 Aprel 2021
Üçrəngli bayraq niyə ilk dəfə ingilis generalın qarşısında dalğalandı? – Tariximizin “Qara Kitab”ı - Yeni layihə
09:01 12 Aprel 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
10:30 11 Aprel 2021
Rejissorumuzun filmləri beynəlxalq festivalda nümayiş olunacaq
17:01 10 Aprel 2021
Ax tı maşennik - Haqverdiyevin hekayəsi
16:39 10 Aprel 2021
Tbilisidə Nəriman Nərimanovun kitabı təqdim olundu - Foto
15:28 10 Aprel 2021
Leyla Əliyevanın kitabı təqdim olundu - Foto
14:19 10 Aprel 2021