news-inner
clock11:01 calendar-gray 05 Mart 2021 view-gray1375 dəfə oxunub
view-gray1375 dəfə oxunub

Lal deyil, amma ömrü boyu danışmır...

Şərif Ağayarın "Ağ göl" romanında heç vaxt danışmayan baş qəhrəman var: Camal ata. Amma o lal deyil, sadəcə özü danışmır. Danışmaqdan imtina edib. Yaddaşımı qurdalayıram, ancaq başqa bu cür obrazı tapıb ortaya çıxara bilmirəm. Lal olmayan baş qəhrəmanın heç vaxt danışmaması halına başqa bir əsərdə rast gəlməmişəm.

Mənim ana babamın da uzun müddət danışmadığını deyirdilər. Səbəbini heç vaxt bilmədim deyə bu xüsusiyyət məndə maraq oyadırdı.

"Leyli və Məcnun" serialında Leylanın ölümündən sonra illərdir danışmayan Məcnunu xatırladınız yəqin. Məcnun uzun müddət danışmayandan sonra sözləri yadırğayır, səs tembri dəyişir və ilk dəfə danışanda səsi əcaib çıxır.

O gün xəbərlərdə oxuduğum fakt isə məni lap heyrətə gətirdi. Başlıq belə idi: "Lal deyil, amma 35 ildir danışmır". Deməli, 42 yaşlı Türkiyə vətəndaşı Suat Tək danışa bildiyi halda, 35 ildir bir kəlmə də kəsmir. 7 yaşınadək yaşıdları kimi olan Suat abi qeyri-müəyyən səbəblərdən susqunluğa gömülüb. O, 1986-cı ildən bəri yalnız iki dəfə danışıb: bir dəfə məktəbdə, bir dəfə də hərbi xidmətdə olduğu dövrdə. Yəqin ki, orda da məcbur olduğu üçün danışıb. Yoxsa niyə danışsın? İstəsə, orda da susardı.

Ən qəribə yeri gəlir xəbərin. Buyurun birlikdə oxuyaq: "İnsanlarla ünsiyyəti telefona yazdığı cümlələrlə quran Suat verilən suallara cavabını telefona yazaraq qarşısındakı şəxsə göstərir. Onun susqunluğunun səbəbi nə həkimlərə, nə də özünə məlumdur:

“Mən də başa düşə bilmirəm. Heç kimdən küsməmişəm, müsbət xarakterli bir insanam ” - bu da Suat abinin qeyri-adi açıqlaması.

Qardaş, küsməmisən, müsbət xarakterli insansan, bəs danışmamaq niyə? Yoxsa həyatında sözlərə ehtiyac duymursan? Yaxud danışmağa ərinirsən? Olur axı bu, bəzən heç danışmaq istəmirsən, günü sözlərsiz, danışıqsız başa vurmaq istəyirsən. Suat abinin durumu həkimlik deyil, o hazır obrazdı, götürüb hekayəyə sal, orda özü üçün yaşasın.

Və nəhayət ən qəribə anı sizə təqdim edirəm: iki dəfə evlənən Suatın hazırkı həyat yoldaşı Naqehan xanım əri ilə yola getdiyini söyləyib:

“Mən artıq öyrəşmişəm, xoşbəxtəm”.

Bir anlıq həyatınızdakı qadınları xatırlayın. Vay-vay... Sən danışmasan, sus-pus otursan, az qala gözünü deşib çıxararlar. Yəqin düşünərlər ki, hardasa istədiyin başqa biri var, ona görə yanındakıyla danışmağa ərinirsən.

Qısacası, danışa bilməmək, susqunluğa gömülmək həyatdakı ən qəribə xüsusiyyətlərdən biridir. Bir sevgilim vardı, eynən Suat abi kimi danışmaqdansa, yanımda ola-ola sözləri telefona yazıb mənə göstərirdi. Biz bu cür anlaşırdıq bir-birimizlə. Sonra anladıq ki, bizimki alınmır. Mən danışqan adam olduğum üçün ona alışa bilmədim.

Danışma məhdudiyyəti olan adamların sözsüz keçinməyi kədərlidir, bəli. Ancaq ən kədərlisi danışa bilib də danışmaqdan imtina etməkdir. Bəlkə də kədərli deyil: sözlər bizə daha çox mane olur. O sözlərin sayəsində dalaşırıq, bir-birimizi incidirik. Ona görə sükut həmişə hüzurla səsləşir.

Bir gün danışmaqdan imtina edib hamımız yazışmaqla dərdimizi bölüşəcəyik yəqin ki. Bu da yeni növ insan tipi olacaq. Danışmayan insanlar tipi. Allah axırımızı xeyir eləsin! Amin deyək və mən yazını bitirim.

news-inner-user
Ayxan Ayvaz

541 məqalə

Oxşar xəbərlər

Xəbər lenti

Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021
Qələbədən yazmaq çox çətindir
11:01 03 Avqust 2021
“Orxan Pamukun evi inanılmaz dərəcədə geniş idi” – Söhbət
10:30 03 Avqust 2021
Deyirsən, anamın yerində ayrı arvadla mazaqlaşsın? – Yeni hekayə
09:01 03 Avqust 2021
Açıq havada Kino Günü keçirildi - Fotolar
08:49 03 Avqust 2021
Azərbaycanlı şair vəfat etdi
08:08 03 Avqust 2021
"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021