“İlin Press Fotosu” müsabiqəsi keçirilir

Media

Ana səhifə
Media

“İlin Press Fotosu” müsabiqəsi keçirilir – Azərbaycanda ilk dəfə

3 mart 2021

11:56

Azərbaycanda ilk dəfə olaraq “İlin Press Fotosu” adlı foto müsabiqə keçirilir

Azərbaycanda ilk dəfə “İlin Press Fotosu” adlı yeni müsabiqəyə start verilib.

Kulis.azın verdiyi xəbərə görə, “Gilavar” Azərbaycan Foto Klubu Layihə çərçivəsində həyata keçirilən layihə hər il keçirilir.

Müxtəlif ölkələr üzrə təşkil olunan müsabiqədə ən yaxşı fotolar qalib gələrək, mükafatlandırılır.

Müsabiqəyə 2020-ci il ərzində çəkilmiş fotolar qəbul olunacaq. Yarışma ilə bağlı bütün təşkilati məsələlər, o cümlədən fotoların qəbulu, münsiflərin seçimi, müsabiqənin şərtlərinə əməl olunmasına nəzarət “Gilavar” Azərbaycan Foto Klubu tərəfindən həyata keçiriləcək.

Foto müsabiqə rəqəmsal kateqoriya üzrə 6 mövzuda nəzərdə tutulur: Xəbər, Gündəlik həyat, Portret, Təbiət, İdman və Mədəniyyət. Xəbər və İdman mövzuları həm tək foto, həm də hekayə fotosu, digər mövzular isə yalnız tək fotodan ibarətdir.

Qaliblər hər mövzu üzrə seçiləcək: birinci yer, ikinci yer, üçüncü yer.

Qalib gələn fotolar arasından “İlin Press Fotosu” seçiləcək.

Müsabiqə haqqında ətraflı məlumatı http://gilavar.net/musabiqe saytında əldə etmək mümkündür.