news-inner
clock10:56 calendar-gray 03 Mart 2021 view-gray1133 dəfə oxunub
view-gray1133 dəfə oxunub

Oğlunu qurban kəsən ata və məni güldürən Anar müəllim

O günləri xəbərlərdə oxudum ki, 2025-ci ildə aşağı Yer orbitində ilk kosmik otelin tikintisinə başlanılacaq. Otel böyük halqa şəklində olacaq və restoranlar, barlar, idman zalları, kinoteatrlarla təchiz ediləcək. Eyni vaxtda 400 nəfərin qala biləcəyi otel 2027-ci ildə istismara verilə bilər.

Xəbəri oxuyanda yadıma düşdü ki, həyatımda bircə dəfə oteldə qalmışam. Tiflisdə, vağzala yaxın yerdə. Ürəyim sıxılmışdı. Otellər məni çəkmir, ümumiyyətlə. Oteldə özümü çox narahat hiss edirəm. Elə bilirəm, nəyisə vurub qıracam, duşu aça bilməyəcəm, qapı kilidli qalacaq, mən də Mister Bin kimi hamam xalatında otelin foyesində özümü gizləməyə yer axtaracam. Yəqin, mənim kimiləri var. Biz ayrı cür adamlarıq. Otel qorxusu olanlar. Bilmirəm bu termin varmı? Otelfobiya. Varsa, yüz faiz bu mənə aiddir. Hələ normal otellərdə özümü narahat hiss edirəmsə, görün, kosmik oteldə nə iztirab yaşayaram. O otel mən bildiyim otellər kimi olmayacaq, yəqin. Daha lüks, daha dəbdəbəli və adamların bir-biriylə kitab dilində danışdığı məkan...

Təxminən Ramiz Rövşənin şeirindəki "Gedək biz olmayan yerə" misrası kosmik otelin ümumi mənzərəsini qismən təsvir etməyə yetər. Ümid edirəm, bizim varlılar o otelin də zayını çıxarmayacaq. Hər halda, oteldə qalmaq da bir mədəniyyətdir. Dediyim kimi, hər adam otelin gur işıqları altında yeriyə bilməz.

Türkiyənin Zonquldak şəhərində ata oğlunu “Allah yolunda qurban kəsib”. Təcili yardım xidmətində işləyən 42 yaşlı tibb işçisi Yusif 16 yaşlı oğlunu meşəyə aparıb və bıçaqla boynunu kəsib. Daha sonra polisə gedərək təslim olan şəxs bu əməlini yuxuda gördüyünü və bir əmr olaraq yerinə yetirdiyini bildirib. Üstəlik, qeyd edib ki, əməlindən peşman deyil. Yeri gəlmişkən, uşaq ağır vəziyyətdə xəstəxanaya çatdırılıb.

Uşağı xilas olacaqmı? Bilmirəm. Bu insanlar hələ də qurbanvermənin nə olduğunu, hansı anlam kəsb etdiyini bilmirlər. İbrahim peyğəmbərin əfsanəsini realda yerinə yetirmək istəyən bu ata əcəba peyğəmbərlik iddiasındadırmı? Dostumuz Mirmehdi Ağaoğlunun da bu mövzuda, Quran motivli "Qurban" adlı hekayəsi var. Oxumağınız məsləhətdir.

Bu arada maraqlı bir xəbər də oxudum. Deyir, Türkiyənin Çorum şəhərində insanların təxminən 100 ildir ziyarət edərək, qurban kəsdikləri "Səfər dədə" türbəsi yol çəkilişi səbəbindən sökülüb. Qazıntılar nəticəsində məzarın boş olduğu üzə çıxıb.

Yadıma bir türk filmi düşdü. Ailəsini atıb gedən ata günün birində ortaya çıxır və son arzusunu yerinə yetirməsi üçün oğlundan ricası olur. Oğlu təbii ki, atasına qəzəblidir, onu atıb gedən, anasının çəkdiyi əzablarda əməlli-başlı payı olan bu insanı bağışlamaq niyyətində deyil. Ata isə öləcəyini bilir və kəndlərində əkdiyi ağacın altında basdırılmasını arzulayır.

Oğulla ata yola çıxırlar, gəlib kəndə çatırlar və görürlər ki, həmin ağacı ziyarətgah eləyiblər. Guya bu ağacı Nuh əkibmiş! Ata inadla o ağacı özünün əkdiyini deyir və ziyarətgahın yiyələri ilə dava başlayır.

Təəssüf ki, texnologiyanın, informasiyanın tüğyan etdiyi, açıq-aşkar həyatımıza daxil olduğu bu günlərdə də pirə, ziyarətgaha, hansısa "dədə"lərə inananlar var. Kapitalist təfəkkürlü ayıq adamlar bu cür saflara tələ qurur, nəticədə yaxşı pul qazanırlar.

Təsəvvür edin, illərdir insanlar heç kimin uyumadığı bir qəbirə ziyarətə gedib niyyət tuturlarmış. Bir tərəfdən onlara acıyır, digər tərəfdən savadsızlığın, təhsilsizliyin necə amansız bəla olduğunu düşünürlər. Təhsil sadəcə məktəbə gedib-gəlmək, oxuyub-yazmaq deyil, insanın cəmiyyətdə öz yerini tapmasıdır. Bəzən, bu cür saf inanclara oxumuş adamlar da mübtəla olur. Təsəlli üçün bütün qapıları döyürlər və cəmiyyətdəki yerlərini təyin edə bilmirlər.

Üçüncü xəbərə isə möhkəmdən güldüm. Səsimə evdəkilər dik atıldı. Deməli, hörmətli yazıçı, AYB-nin daimi sədri Anar Rzayev açıqlama verib ki, bəs pandemiyadan sonra AYB-nin qurultayı keçiriləcək. Səbəb də o imiş ki, bu cür mühüm bir hadisəni üç-beş adamın ixtiyarına vermək olmazmış. Gərək AYB-nin 2000 (iki min) yazıçısı yığışıb qurultayda iştirak etsin. Buna da, təbii, mövcud pandemiya vəziyyətində şərait yoxdur. Bu dəfə də Anar müəllim niyyətinə çatdı. Allah bilir pandemiya nə vaxt qurtarar. Hətta həkimlər də belə deyirlər. İndi pandemiya qurtara, qurultay ola...

Nəsə, yadımdan çıxmamış o “moyka” əvəzinə açılmış bir telekanal var e, siz bilərsiniz, indi adı yadımdan çıxıb, orda orta yaşlı bir qadın hər verilişdə aparıcılıq edir. Yazıqdır, onu çox yormayın.

Diqqətinizə görə təşəkkür edirəm!

news-inner-user
Ayxan Ayvaz

541 məqalə

Oxşar xəbərlər

Xəbər lenti

Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021
Qələbədən yazmaq çox çətindir
11:01 03 Avqust 2021
“Orxan Pamukun evi inanılmaz dərəcədə geniş idi” – Söhbət
10:30 03 Avqust 2021
Deyirsən, anamın yerində ayrı arvadla mazaqlaşsın? – Yeni hekayə
09:01 03 Avqust 2021
Açıq havada Kino Günü keçirildi - Fotolar
08:49 03 Avqust 2021
Azərbaycanlı şair vəfat etdi
08:08 03 Avqust 2021
"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021