news-inner
clock14:12 calendar-gray 03 May 2011 view-gray1532 dəfə oxunub
view-gray1532 dəfə oxunub

Ben Ladenin 54-cü oğula nəsihətləri - MƏTN

54-cü oğula nəsihətlər

Dünyanın bir nömrəli terrorçusu
Hüsamə Bin Ladenin atası Məhəmməd Ben Laden
22 arvadın əri, 54 uşağın atası idi.
Bu şeiri o sonbeşik, yəni 54-cü oğluna oxuyub.

Söz yazmadığım vərəqlərə
ağac şəkli çəkən balam
bax bir vaxt xəndəkdə basdırdığımız
cəsədlər gül açıb
gül açıb yuyub torpağa tapşırdığımız bədənlər
hardan bilsin bu qadın qucağına basdığı güllərin
bir kişi bədəni olduğunu
nə sirdisə balıqlar soxulcana
qadınlar gülə aldanır
bəlkə balıqların əvvəli soxulcan olub
qadınların əvvəli gül. Kim bilir oğul

oğul, bütün ölümlərdə və işgəncələrdə
bizdən də bir az var
hər ölən adamla bir az da biz ölürük
bir vaxtlar yaxşı adamları
öldüyü paltarda dəfn edirdilər
mənim atam qayalar arasında can verərkən
bilirsən mənə nə demişdi?
Demişdi ki, “yataqda ölən kişi murdardı”
Oğul, bu dünyada hər kəsin qisas alacağı bir gün var
Qiymət tanrının qisas alacağı günün adıdır
Əsl kişi öz qisasını qiyamətə saxlamaz

Qoca bir dostum var idi, allahla yola getməzdi
Bir gün allah qəzəbləndi
Onu özünə öldürtdürdü
Əlinə ülgüc verdi özünə doğratdı damarlarını
Getdim ki, yarımçıq qalıb
Dişləyib öz kağızının üstünə qoyduğu konfet...
Qarışqalar daraşmışdı yarımçıq qalan
insan həyatına
Qarışqalar tamamlamaq istəyirdi
onun yarımçıqlığını
Bu tarixdir oğul
Tarix şərin insanla çəkdirdiyi
bir qucaq şəkil yığınıdır
tarixi vərəqlədikcə adam əti yeyən
diktatordan tutmuş
atla cinsi əlaqəyə girən kraliçaya qədər
kimi istəsən şəklini görə bilərsən
tarix zamanın xislətidir!
Zamanın həqiqətlə qoşa şəkli yoxdur oğul
Olubsa da tarix onu yandırıb ya da
Tozlu bir kitabın arasında gizləyib – orda
O qədim kitabxananın insan əli dəyməyən
nəm küncündə.
Tarix – dara düşəndə kəltənkələnin ayaq altda
Qoyub qaçdığı quyruğudur
Tarix – dostumun dişləyib yarımçıq
qoyduğu konfetə
Qarışqaların daraşmasıdır
Tarix – dostumun iylənmiş cəsədidir
Milçəklər qonmuş açıq ağzıdır
Tarix – mənim dostumdan iyrənməyimdir
Əlindən yapışıb qaldırmaq istəyəndə
Barmaqlarının ətinin qopub tökülməsidir
tarix – böyüyən uşaqların
uşaq olaraq da qalan balaca əyri çəkməsidir
tarixə baş qoşma oğul
bu gün tarixin və zamanın acığına
bütün şəkillərimi cırdım
Ən axırda budur tək qalmağın yolu oğul
Mənim indiki halım təklikdir, tənhalıq yox
İnsanın tənhası yoxdur oğul
Ağacın, otun tənhası var
Nə bilim, köhnə daxmada toz basmış
Sahibsiz qoca pencəyin tənhası var
Ancaq insanın tənhası yoxdur
Tənhalıq yer adıdır!
Yer adıdır tənhalıq... əziz oğlum

Kulisdən: Şeir 2003-cü ildə, ABŞ-ın İraqa hərbi müdaxiləsi zamanı yazılıb...

Oxşar xəbərlər

Xəbər lenti

Eldar Quliyev dəfn olunub - Foto
15:43 18 Aprel 2021
Müharibədən əvvəl fotoqraf işləmiş Milli Qəhrəman: Film kimi həyat və filmin özü
10:30 18 Aprel 2021
Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021
Gözləri görməyən laçınlı şairin yurd gəzintisi
11:01 17 Aprel 2021
UNESCO Azərbaycan teatrının layihəsini qəbul etdi
10:29 17 Aprel 2021
Ağadadaşın kişi sözü – Elçindən yeni hekayə
09:00 17 Aprel 2021
“Nadir şah. Avşar dövləti” adlı kitab çap olunub
18:53 16 Aprel 2021
Prezident Eldar Quliyevin vəfatı ilə bağlı nekroloq imzalayıb
18:41 16 Aprel 2021
Qəmbər Hüseynlinin 105 illiyi qeyd olunub - Foto
18:17 16 Aprel 2021
Filmimiz Rotterdam Beynəlxalq Film Festivalında
17:29 16 Aprel 2021
Klinton ilk romanını nəşrə hazırlayır: "Terror dövləti" - Foto
16:37 16 Aprel 2021
Azərbaycanlı qadının fotosu Türkiyədə “İlin media fotosu” seçildi - Video
15:49 16 Aprel 2021
Təzəpirdə sinə vurdu, qızlarına görə Moskvada yaşamaqdan imtina etdi, atası onunla işləmək istəmədi – Tanımadığımız Eldar Quliyev
15:01 16 Aprel 2021
Yazıçıya vəzifə verildi
14:47 16 Aprel 2021
Qarabağda qırılan tut ağaclarına elegiya
14:31 16 Aprel 2021
Əməliyyatdan çıxan Zümrüd: “Xərçəng deyiləm” - Açıqlama
13:49 16 Aprel 2021
Həmid Herisçi Seymur Baycandan danışdı: “Təəssüf ki...”
13:02 16 Aprel 2021