writer1

Ulucay Akif

Məqalə sayı

109
clock13:39 calendar-gray 25 Fevral 2021 view-gray1013 dəfə oxunub
view-gray1013 dəfə oxunub

Sevdiyim qızdan ayrıldığım o qarlı gün...

Həmişə qar yağanda o qızı xatırlayıram.

Üç-dörd il qabaq tələbə vaxtlarımda sevgilimdən ayrılmışdım. Qış ayı idi. Semestr imtahanları başlamışdı. Özü də seçmə fənlər olan semestr...

Adlarına aldanıb “Fəlsəfə”, “Gender bərabərliyi” kimi bizdə yalançılığı ilə tanınan fənlər seçmişdim. Hələ o semestr bütün tələbələrə qan udduran “Məntiq” imtahanı da vardı.

İmtahanlar dönəmində təqaüdlər gec verilir deyə cibimdə düz-əməlli pul da yox idi. Güclü qar yağmışdı. Həm də dünənki qar kimi güclü. Hər tərəf ağappaq idi.

Həyatımda ilk dəfə idi qarın yağmasına sevinə bilmirdim. Hətta əsəbiləşmişdim də!

İmtahana gedirdim.

Universitetlər açıq olanda, xüsusən də imtahanlar zamanı "Elmlər" metrosu tərəfin necə olduğunu yəqin bir çoxunuz bilirsiniz.

Hər yer qaynayır. Metrodan çıxıb universitetə tələsənlər, universitetdən çıxıb metro girişindəki basabasda pinqvin kimi addımlayanlar...

Kserokopiya üçün dəftərxanalara qaçan tələbələr və imtahan məqamından istifadə edib daha aktiv fəaliyyətə keçən dilənçilər.

O vaxt Badamdar yolu sürüşməmişdi, yol açıq idi. "53" nömrəli avtobus da "Elmlər"ə, hətta “20 Yanvar” və Şamaxinkaya kimi işləyirdi.

Metronun qabağında avtobusdan düşdüm. Hər yer qar, sürüşkən, adamın burnunun ucunu göynədən güclü şaxta da bir yandan. İmtahana az qalmışdı. Gecikməmək üçün bacardığım qədər sürətli addımlamağa çalışırdım.

Birdən, metronun çıxışında dayanan dilənçi qəfil qabağıma keçdi:

- Ay oğul, Allahın rızası üçün çörəkpulu ver!

Deyirəm axı, sevgilimdən ayrılmışdım, bir yandan da “Fəlsəfə” imtahanının həyəcanı...

Elə bil, başımın içində manatdan Sumqayıta gedən taksiçilər qışqırırdı.

Dilənçi qabağıma necə qəfil çıxdısa, ürkdüm. Yer də sürüşkən... Özümü saxlaya bilməyib müvazinətimi itirdim və yıxıldım.

25 illik ömrümü bacardığım qədər ələk-vələk edirəm, amma o cür yıxılmağım yadıma düşmür.

Çox pis sürüşdüm, ayaqlarım göyə qalxdı və düz arxam üstə yerə dəydim. Belim və başım da yerə pis dəydi.

Ombamdan beynimə kimi çox kəskin bir sızıltı keçdi.
Soyuq bir yandan, “Fəlsəfə” imtahanı o biri yandan. Hələ üstəlik sevgilimdən də ayrılmışam.

Yıxıldığım vəziyyətdə göyə baxıram; içimdən ağlamaq keçirdi, amma üzüm şaxtadan donmuşdu deyə yanaqlarımı titrədib göz yaşlarıma təkan verə bilmirdim.

Qar da necə yağır. Elə bil, ölmüşəm, üstümə torpaq atırlar. Lopa-lopa ağzımın içinə, gözümə girir, burnuma dolur.
Şaxta və ağrıdan qulaqlarım ultra-səslə cingildəyir. 3-4 saniyə sonra qulağımdakı cingilti keçdi. Səsləri eşitməyə başladım. Dilənçi xalanı gördüm:

- Ay bala, yaxşısan?! Ver əlini, qalx. Can bala, can! Nə pis yıxıldın?!

Elə uzanalı vəziyyətdə əlimi cibimə atıb 50 qəpik çıxartdım. 50 qəpik olduğunu cibimdən çıxartdıqdan sonra gördüm, amma gec idi. Qəpiyi xalaya verib dedim:
- Ala, xala, sən canın, ala bunu, get! Əl çək məndən, qoy uzanmışam!

Dilənçi xala bir az ədayla qəpiyi götürüb getdi.

Birdən yadıma düşdü ki, cibimdəki axırıncı pul elə o 50 qəpik idi. İmtahandan sonra evə qayıtmaq üçün pulum qalmayıb. İstədim başımı qaldırıb xaladan 30 qəpik “zdaç” istəyəm.

Amma gec idi…

Dilənçi xala artıq qaynayan adamların arasında gözdən itmişdi. Qar isə lopa-lopa ağzımın içinə, gözümə, burnuma dolmağa davam edirdi.

Hələ də hər qar yağdığında həmin günü - sevdiyim qızdan ayrıldığımı və yıxıldığımı xatırlayıram.

Amma üzülmürəm, əksinə, üzümdə təbəssüm yaranır.

REKLAM

Yazarın digər yazıları

Xəbər lenti

Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021
Qələbədən yazmaq çox çətindir
11:01 03 Avqust 2021
“Orxan Pamukun evi inanılmaz dərəcədə geniş idi” – Söhbət
10:30 03 Avqust 2021
Deyirsən, anamın yerində ayrı arvadla mazaqlaşsın? – Yeni hekayə
09:01 03 Avqust 2021
Açıq havada Kino Günü keçirildi - Fotolar
08:49 03 Avqust 2021
Azərbaycanlı şair vəfat etdi
08:08 03 Avqust 2021
"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021