Gəncənin ilk müstəqil teatrı yarandı - dAo theatre

Gəncə şəhərinin ilk müstəqil teatrı təsis olunub. Yeni yaranmış dAo teatrı 14 fevral 2021-ci il tarixində elan olunub.

Kulis.az xəbər verir ki, yeni yaranmış "dAo Teatrı" 14 fevral 2021-ci il tarixində elan olunub.

Teatrın media koordinatoru Emina İsayevanın verdiyi məlumata görə, dAo Gəncədə yaranan ilk müstəqil teatr - laboratoriyadır. Teatrın qurucusu aktyor və rejissor Elmin Bədəlovdur:

“Fevralın əvvəli Gəncədə seçim turu olub və seçimə 30 nəfərdən çox insan qatılıb. Onlardan 11 nəfəri teatra seçilib”.

Teatrın qurulması və birinci tamaşanın hazırlığı üçün ölkəmizin ilk müstəqil teatrı olan ADO, Amerikanın Azərbaycandakı Səfirliyi və Gəncənin incəsənət məkanı olan Art Garden Gənjə dəstəkçi olub. Artıq ilk performansın hazırlıqlarına başlanılıb və nümayiş haqqında teatrın rəsmi səhifələrində məlumatlar yayılacaq. Hər həftə Bakıdan gələn incəsənət nümayəndələri teatr heyətinin formalaşması üçün onlara plastika, danışıq, bədən məşqləri, rəqs hazırlıqları keçir.

Logo və vizualların müəllifi teatrın musiqi tərtibatçısı və dizayneri Toğrul Hacıyevdir. Teatrın rəssamı Aliyə Qasımova, səhnə danışığı Elgün Mahmudov, satış meneceri Rövşən Quliyevdir. Teatrın strukturu formalaşmağa davam edir.

• Otuz səkkiz il sonra vətənə qayıdan mühacir - Canlar Lənkəranlının həyat hekayəsi
• İblisi harada axtarmalıyıq? - Mikayıl Ruhand
• İrandan Bakıya uzanan əllər - Yazıçılar Birliyini 21 yaşlı Əli Çağla idarə edir?