Sənət

... olsaydım – Alov İnannadan yeni şeir

... olsaydım – Alov İnannadan yeni şeir
25 fevral 2021
# 10:30

Kulis.az şair-esseist Alov İnannanın yeni şeirini təqdim edir.

... olsaydım

Ağac olsaydım,
köklərimdə
necə dadardı torpaq?

Dəniz olsaydım,
bezərdimmi
ancaq göy üzünə baxmaqdan?

Quş olsaydım,
gülə bilərdimmi
sərhədlərə?

Çiçək olsaydım,
uğunub gedərdimmi
arıların qıdığından?

Böcək olsaydım,
çiçəkcə və küləkcə
bilərdimmi?

Qaya olsaydım,
sərtliyim qalardımı
duman məni qucaqlasa da?

Qar dənəsi olsaydım,
necə vidalaşardım
buludlardan qopanda?

Bulaq olsaydım,
üşənərdimmi isinməyimdən
çaylara qovuşanda?

Balıq olsaydım,
necə səslənərdi qulağımda
ləpələrin səsi?

Cığır olsaydım,
arzulayardımmı
yoğunlayıb yol olmağı?

Səhra olsaydım,
ilğımlarıma
özüm də inanardımmı?

Heç nə olsaydım,
necə olardı
heç nə?

Fevral, 2021

Kulis.az
Kulis.az
# 4643 dəfə oxunub

Oxşar xəbərlər

Təbiətin ramedilməz enerjisinin kətanda təsviri - Moris de Vlamnikin məşhur əsəri

Təbiətin ramedilməz enerjisinin kətanda təsviri - Moris de Vlamnikin məşhur əsəri

13:30 11 oktyabr 2026
"Dünənki adamın yarısı belə deyiləm..." - Məşhur "Yesterday" necə yarandı?

"Dünənki adamın yarısı belə deyiləm..." - Məşhur "Yesterday" necə yarandı?

11:30 11 oktyabr 2026
"Hindli həyatını məhz Qərb formasında nəql etmək..." - "Gecəyarısı uşaqları"nı niyə oxumalıyıq?

"Hindli həyatını məhz Qərb formasında nəql etmək..." - "Gecəyarısı uşaqları"nı niyə oxumalıyıq?

12:00 9 oktyabr 2026
"Bir adətin ənənəviliyi onun yaxşılığına dəlalət etmir..." - Harriet Teylor Mill kim idi?

"Bir adətin ənənəviliyi onun yaxşılığına dəlalət etmir..." - Harriet Teylor Mill kim idi?

16:00 8 oktyabr 2026
İtalyan rəssamın sevgilisindən ilhamlanıb çəkdiyi tablo - "Məryəm iki mələk ilə"

İtalyan rəssamın sevgilisindən ilhamlanıb çəkdiyi tablo - "Məryəm iki mələk ilə"

14:00 8 oktyabr 2026
Səhnədə üsyan, mağazada moda – Qranj necə özünə xəyanət etdi?

Səhnədə üsyan, mağazada moda – Qranj necə özünə xəyanət etdi?

18:40 6 oktyabr 2026
#
#
Ana səhifə Reels Yazarlar Xəbərlər