news-inner
clock10:15 calendar-gray 19 Fevral 2021 view-gray1442 dəfə oxunub
view-gray1442 dəfə oxunub

Pullu kişilərin ayağını yuyan Gövhər Rzayeva

Qarmon ifaçısı Gövhər Rzayevanın verilişlərdən birində söylədiyi “Pul qazanan kişinin xəyanətini bağışlamalısan” ifadəsi saytlarda manşet olub.

Gövhər xanımın çıxışında olduqca zərərli məqamlar var. Sənətçi "Pul qazanan kişi başqadır. Qadın ona daim qulluq etməlidir. Bir qadın bazara getmir, qiymət bilmirsə başqadır. Kişi əlidolu gəlib, qapını təpiklə vurub içəri girirsə, onun başına dolanaram, ayağını da yuyaram” - deyərək pulun şəxsiyyəti formalaşdıran bütün hisslərin, düşüncələrin önünə keçməsini təlqin edir. Ailədə qadın kişi arasındakı münasibətlərin maddiyyatla tənzimlənməsini doğru yol kimi gəncliyin önünə atır.

Kişinin evə çox pul gətirməsi qadın qürurunu alçaltmağa əsas verə bilərmi?

Məsələyə təkcə qadın prizmasından deyil, kişi prizmasından da yanaşaq. Gövhər Rzayeva kişini pul maşını kimi təqdim edir. Çünki, çıxışının əvvəlindən sonuna qədər kişinin maddi gücünü qabardır. Nəticə isə budur ki, bir kişinin ailədə dəyəri onun maddi gücünün hüdudları qədərdir.

Pul varsa, kişi hər səhvi edə, qadın da pulun xətrinə hər səhvə göz yuma bilər. Bir sənət adamının, yaşının müdriklik çağına çatan bir qadının gəncliyə ötürdüyü mesaj budur: sevginin, sayğının o qədər də əhəmiyyəti yoxdur əsas puldur!

Öz ayaqları üzərində durmağı bacaran, düşünə, doğru qərar verə bilən, özünü və uşaqlarını kişinin evə gətirdiyi bir torba bazarlıqdan, ay sonunda masanın üstünə atdığı qəpik-quruşdan asılı hiss etməyən qadınlar xəyanətə Gövhər xanım kimi isti baxmır.

Bir neçə gün bundan əvvəl Aygün Kazımova İnstagramda foto paylaşıb, kitab oxumağı təbliğ edirdi. Camaat ağzına gələni yazırdı ki, lütdür.

“Gənclərimizin əxlaqını pozurlar” - deyən xalalar var idi. İndi oturub məntiqlə düşünsək hansı daha çox pozur gəncliyin tərbiyəsini. Aygünün geyimi, yoxsa Gövhər kimi sənətçilərin sözləri?

Aygün Kazımova kitabı, oxumağı, maarifçiliyi təbliğ edir. Gövhər Rzayeva isə Fatmanisə-Tükəzbanlığı...

Başıqapazlılığı...

Cəhaləti...

“Anam ölənə qədər çörək almağa getməyib. Çörəyin qiymətini ilk dəfə eşidəndə ağlayıb” - deməklə yarım əsr əvvəldə qalan cəhalətə haqq qazandırır.

Xəyanət edən kişini bağışlamağa çağırır qadınları.

Çünki kişinin maddi gücünün kölgəsində sınan qadının onu bağışlamaqdan başqa çarəsi yoxdur.

Çörəyin qiymətini bilməyən qadın öz haqqını, hüququnu necə biləcək?

Qadın kişinin mülkiyyəti deyil axı.

Gövhər xanımın dünyadan xəbəri varmı?

Bilirmi ki, indi qadınlar dünyanı idarə edir. Niyə zamanla irəli getmək əvəzinə yüz il geri gedir? Halbuki yüz il bundan əvvəl Üzeyir bəy Məşədi İbada puluna görə zorla ərə verilən Gülnazın faciəsini yazırdı.

Məşədi İbada ərə gedib yağ-bal içində yaşamaq varkən Gülnaz qadın olaraq özünün, qürurunun, hisslərinin maddiyyatdan üstün olduğunu dərk edib atasına, mövcud ənənəyə etiraz etmişdi.

Üzeyir bəy göstərməyə çalışırdı ki, pullu kişi xoşbəxtlik rəmzi deyil.

Bir çox sənətçilərimiz var ki, sənəti var, amma savad və intellektləri kəmdir. Gövhər xanım da növbəti nümunədir.

Onları efirə çağıranda danışdırıb sənətini də, özünü də gözdən salmaq olmaz.

“Pul gətirən kişinin ayağını yuyaram” ifadəsi isə bütün əxlaq çərçivələrini darmadağın edir.

Qadının konstitusion haqlarını pozan fikirlərin efirdə bu cür səsləndirilməsi, montaj zamanı çıxarılmaması media qaydalarına ziddir.

İnkişaf etmiş ölkələrdə bu cür ifadələrin yer aldığı proqramlar da, kanallar da cəzalandırılır.

Məsələn, Türkiyədə Seda Sayanın verilişində ictimaiyyətin diqqətini çəkən ifadələr işlədildiyi üçün aidiyyatı qurum verilişi bağlayaraq kanala cəza tətbiq etmişdi.

Bizim kanallarda isə kimin ürəyi nə istəyir deyir və edir. Bir neçə gün bundan əvvəl Afət Fərmanqızı efirdə kimisə hədələyirdi. Ondan əvvəl Elnarə Abdullayeva, Manaf Ağayev şiddət ehtiva edən ifadələrlə medianın və sosial şəbəkələrin gündəmi olmuşdu.

Səviyyəsizlik və cəzasızlıq mühitinin bizə verəcəyi budur...

news-inner-user
Günel Musa

112 məqalə

Oxşar xəbərlər

Xəbər lenti

Həkimlərin əməliyyat masasında qoyub qaçdığı Nəzakət Məmmədova: Əri onu hər gün döyürdü
12:37 28 Fevral 2021
Karvan dayandı - Ənvər Məmmədxanlının hekayəsi
16:47 27 Fevral 2021
Azərbaycanlı rəssamın əsəri Türkiyə Prezidentinə hədiyyə edildi - Foto
15:31 27 Fevral 2021
Azərbaycan yazıçıları Sankt-Peterburqun nüfuzlu ədəbiyyat müsabiqəsində - İlk dəfə
14:16 27 Fevral 2021
Məşhur klarnetçiyə ağır itki
13:04 27 Fevral 2021
Özünü efirə satmaq istəyən Xatirə İslam
12:30 27 Fevral 2021
Yazıçımızın Fransada romanı çıxdı
11:29 27 Fevral 2021
"Washington Post" Azərbaycan mətbəxindən yazdı
10:32 27 Fevral 2021
Cəfər Cabbarlı bu filmdə nəyə etiraz edirdi? – “Sevil”in kadrarxası
09:00 27 Fevral 2021
Çağırdım bir qadını qızlıq familyasıyla - Akif Əhmədgildən şeirlər
21:00 26 Fevral 2021
Rübabə Muradovanın qızı vəfat etdi
18:12 26 Fevral 2021
Rəmişdən xəbər var
18:07 26 Fevral 2021
Xocalı soyqırımına həsr olunmuş sərgi keçirildi
17:46 26 Fevral 2021
Bu filmlərə ağlamadan baxmaq olmur - Siyahı
17:01 26 Fevral 2021
58 illik türmə muzeyə çevrildi - Foto
16:21 26 Fevral 2021
Qadın obrazı olmayan əsər
15:40 26 Fevral 2021
Sevgilisi damarlarını doğradı, xanımı ona görə intihar etdi – Azərbaycanlı yazıçının film kimi həyatı
15:00 26 Fevral 2021
Xocalıdan olan yazıçının faciə ilə bağlı hekayəsi - Mətn
14:10 26 Fevral 2021
Okan Bayülgen həbs olunur
13:25 26 Fevral 2021
"Xocalı fəryadı" kompozisiyası təqdim olunacaq
12:37 26 Fevral 2021