news-inner
clock16:54 calendar-gray 16 Fevral 2021 view-gray1303 dəfə oxunub
view-gray1303 dəfə oxunub

Sinəsi balaca qadının dekoltesi – Ulucaydan yeni sevgi şeirləri

Kulis.az gənc şair Ulucay Akifin yeni yazdığı sevgi şeirlərini oxucuların diqqətinə çatdırır.

İki dəniz

səni düşünürəm -
ayağımın altında bir dəniz
başımın üstündə bir dəniz
bir Allah qalıb yer üzündə, bir də biz
heç kim bilmir göy üzündəki dənizi, bircə biz

bircə biz bilirik
Günəşin tək səmada yox
həm də ürəyimizdə olduğunu

bircə biz bilirik
dalğaların bizdə olduğunu
küləyin bizdə olduğunu

səni düşünürəm -
üzümdə böyük bir təbəssüm
açıram otağımın pəncərələrini
qoyuram bir kənara
bütün "səncə"lərini
bütün "məncə"lərimi

və bir uşaq kimi inanıram sənə
aldanıram demədiyin sözlərə də
bir dəniz ayağımız altında
bir dəniz başımız üstündə gözləmədə

Gözəl qadınlar

sevdim qorxmadan
qarşıma çıxan
ən gözəl qadınları

sevdim qorxmadan
əsmərləri, kürənləri
sarışınları

sevdim qorxmadan
itirəcəyim tək şey
təkliyim idi
sevdim

Qeyd

həyat sinəsi balaca olan qadının
dekolte paltar geyinməsi kimi mənasızdır

Yuxu

bizim sevgimiz bir yuxu idi

gözəl tərəfi
bu yuxunu eyni anda gorməyimiz

pis tərəfi
sənin məndən əvvəl oyanmağın oldu.

Saqqız

məsələ unutmaqsa -
elə indi başlayaq.
gəl unudaq birinci
ilk görüşü, vədəni,
sən bir az gecikmişdin,
mən də guya mədəni:

"elə təzə gəlmişəm"
demişdim, yadındadı?

yalan demişdim onda,
təzə gəlməmişdim ki.
sən gələnə kimi düz
beş siqaret çəkmişdim,
beş saqqız çeynəmişdim.

bu zəhrimar telefona
lazım olan məqamda
zəng gəlmir ki, əsəbdən
düz 3 dəfə telefonu
söndürüb, yandırmışdım,
özümü inandırmışdım:

yəqin indi gələcək,
yəqin tıxaca düşüb,
yəqin qatar gözləyir.

sonra bir az qorxuya
düşüb təlaşlanmışdım:
görən niyə gecikir?
görən nəsə olmayıb?

əsəbləşib təzə bir
siqaret yandırmışdım,
altıncı siqaretdi,
saqqızım qurtarmışdı.

sonra səni görəndə
yaman həyəcanlamışdım,
səbr kasam dolmuşdu.

hələ də yadımdadı,
hələ də yadımdadı,
sənə ilk sualım da
"saqqızın var?" olmuşdu,
sən də gülümsəmişdin.

Anna

işğal etdiyim
bütün qadın bədənləri
məğlubiyyəti bir az da yaxınlaşdırdı mənə
hər bədəndə yadlaşdım özümə, əvvəl ruhuma
sonra bədənimə

sonra nələrsə dəyişdi
kimlərsə yox oldu
kimlərsə də
boş ver, Anna
nəysə

nə sən məni tanıyırsan
nə mən səni

bilirsən –
gecələr günəş yoxdur deyə
səhərlərsə günəş var deyə gözəldir
sevgi də belədir, Anna
sünbül sarısı saçların kimi

unutduğum bütün qadınları sevdim
amma sevdiyim heç bir qadını
unuda bilmədim, Anna

indi gecə kimi səssizəm
heç yerə tələsmirəm
çünki
gedəcək bir yerim də qalmayıb

işğal etdiyim
bütün qadın bədənlərini
bir-bir uduzdum həyata
indi bütün bədənlərdə
kirayə qalıram, sadəcə gecələyirəm

gözlərin nə dəniz
nə də səma mavisinə bənzəyir
çünki
dənizlər də, səma da
sadəcə gündüzlər mavidir
sənin gözlərinsə
gecənin tən ortasında da, Anna

nə sən məni tanımaq istəyirsən
nə mən səni

söndür işığı, gözlərini yum
səhər gedəcəm onsuz da

Avqust

avqust, gecəyarı, sükut...
ömrün, günün bu ilində
Ağ dənizin sahilində
uzanıb göyə baxıram,
göz qırpır ulduzlar mənə.

sanki göyün o üzündən,
bir nəfər seyr edir məni,
gülür tüfeyli halıma,
bu sərxoş, meyli halıma.

mən də
bir az başım duman
düşünürəm ki, bax əgər,

olmasaydı dəniz səsi,
yerin cazibə qüvvəsi,
lap bu həzin yaz gecəsi,
uçardım Allaha tərəf.

amma hələ vaxtı deyil...

yan tərəfdə iki rus qız,
biri qəşəng, biri pis qız,
gülür tüfeyli halıma,
bu sərxoş, meyli halıma,

çəkib gözümü göylərdən,
alıb özümü göylərdən,
enirəm yerin üzünə -
göz qırpır o qızlar mənə...

news-inner-user
Ulucay Akif

61 məqalə

Oxşar xəbərlər

Xəbər lenti

Qapılarda nökərçilik etdi, həbsə düşdü, qızına görə Siyavuş Aslanı döymək istədi – Məşhur aktyorun həyatından maraqlı faktlar
17:30 15 May 2021
Sevdiyi qız ona gizlincə tort bişirtmişdi - Gülsatan qız bu gün ad günü olan şəhiddən danışır...
15:49 15 May 2021
“Xarıbülbül” beynəlxalq musiqi festivalı Fransa mətbuatında
14:24 15 May 2021
Havalandı Xanın səsi, Qarabağın şikəstəsi: “Xarıbülbül” festivalından qeydlər – Vüsalə Mahirqızı yazır...
13:15 15 May 2021
"Nizaminin evi" bərpa olunur
12:31 15 May 2021
Biabırçı, rüsvayçı, faciəvi vəziyyət - Seymur Baycan yazır...
11:23 15 May 2021
Gel sevişək, qəşəng qız! - Süleyman Rəhimovun hekayəsi
10:33 15 May 2021
Sağlığında özünə ehsan verən, lənətlənmiş evdə yaşayan Xalq artisti...
16:27 14 May 2021
Həsrət nəğməsi bitdi - "Qarabağ bülbülləri" Şuşada...
14:01 14 May 2021
Ədəbi mühit ölüb - Gənc yazardan sərt tənqid
12:35 14 May 2021
Qusarlı Əzizə xalanın böyük sirri
11:40 14 May 2021
Səid Rüstəmov haqqında videoçarx hazırlanıb
11:09 14 May 2021
Nə murdar adammışlar, yahu?! - Cəbrayıl Dövlətzadə haqqında roman
09:01 14 May 2021
Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021