news-inner
clock14:01 calendar-gray 15 Fevral 2021 view-gray12922 dəfə oxunub
view-gray12922 dəfə oxunub

Pişikdən infeksiyaya yoluxdu, bədənini ləkələr bürüdü, həkimlərin əlində öldü – Əməkdar artistin faciəvi həyatı

Kulis.az Əməkdar artist, aktrisa Kübra Dadaşova haqqında maraqlı faktları təqdim edir.

Kübra Dadaşova 31 avqust 1957-ci ildə İçərişəhərdə aktyor ailəsində doğulub. Özündən böyük üç qardaşı olub. Atası Məmmədağa Dadaşov Gənc Tamaşaçılar Teatrını yaradan iki nəfərdən biri olub. Anası Münəvvər Dadaşova əvvəllər aktrisa olub. Sonra səhhəti ilə əlaqədar olaraq aktrisalıqdan imtina etməyə məcbur olub.

***

Kübra Dadaşovanın uşaqlıq illəri demək olar ki, Gənc Tamaşaçılar Teatrında keçib. Ata və anası aktyor olduğu üçün teatrda böyüyüb. Elə bu səbəbdən Kübra Dadaşovada az yaşlarından etibarən teatra maraq yaranıb.



1985-ci ildə Azərbaycan Dövlət İncəsənət İnstitutunun Mədəni-maarif fakültəsini bitirib. O, yaradıcılıq fəaliyyətinə hələ tələbə ikən – 1982-ci ildə Azərbaycan Dövlət Gənc Tamaşaçılar teatrında başlayıb. Aktrisa dramatik və komik səpkili rolları eyni bacarıqla yaradıb.

***

“Qonşu qonşu olsa, kor qız ərə gedər”, “Ruhlar qapını döyür”, “Pul dəlisi”, “O da mənəm, bu da”, “Mağara”, “Mahmud və Məryəm”, “Buzovna kəndinin əhvalatları” tamaşalarında aparıcı rollar ifa edib. “Piriverdinin xoruzu”, “Cavid ömrü”, “Yuxu”, “Gecə qatarında qətl”, “Nə gözəldir bu dünya” filmlərinə çəkilib.

***

Kübra Dadaşovanın qardaşları da incəsənətə bağlı adamlardır. Bir qardaşı Mədəniyyət və İncəsənət Universitetində fotoqraf ixtisasına yiyələnib, hazırda Moskvada yaşayır. İkinci qardaşı Rauf Dadaşov Əməkdar rəssamdır. O da uzun müddət kinostudiyada işləyib.
Lap kiçik qardaşı Namiq Dadaşov isə Gənc Tamaşaçılar Teatrında aktyor işləyib, elə orada aktrisalardan biri ilə ailə həyatı qurub.

Kübra xanım ata evində qardaşı ilə yaşayıb. Gözəl əl qabiliyyəti olub, evi həmişə qonaq-qaralı olub. Toy-bayramda da yaxşı iştirak edən, məclis adamı olub. Oynamaqla da arası çox yaxşı olduğundan toylarda ortalıqdan çıxmazmış.

***

Sənətini çox sevib, amma maaşının azlığından gileylənib deyərmiş:
“Əlimən başqa iş gəlsə, bu sahədə maaş azdır deyə, işimi buraxaram. Lakin nə edim ki, əlimdən ancaq artistlik gəlir. Ən sevdiyi rolları isə “Mahmud və Məryəm”, “Pirverdinin xoruzu” filmlərindəki obrazları olub.

Kübra Dadaşova 16 may 2006-cı ildə Azərbaycanın Əməkdar artisti fəxri adına layiq görülüb. Aktrisaya Əməkdar artist adı xəstə yatdığı günlərdə verilib. Yaxınlarının dediyinə görə bu xəbər onu sevindirməyib.

***

Deyilənlərə görə Kübra Dadaşova vaxtilə bir nəfəri çox sevib. Sevdiyi şəxs də sənət adamı olub və o, da Kübra xanıma aşiq imiş. Lakin, tale elə gətirir ki, onlar onlar ailə qura bilmir, bir-birlərindən uzaqlaşırlar. Aktrisanın gizli məhəbbətinin adı hamı üçün sirr olaraq qalır.

***

Aktrisanın mənəvi qızı hesab olunan aktrisa Təhminə Məmmədova müsahibələrinin birində deyir:
“Mənfi cəhəti tez özündən çıxmağı idi. Tez əsəbiləşirdi, lakin tez də sakitləşirdi. Ümumiyyətlə, ondan küsmək mümkün deyildi. Jurnalistlər xəstə olandan sonra ondan müsahibə almaq, görüşmək istəyirdilər. Deyirdi, “istəmirəm ki, insanlar bu halımı görsünlər, qoy yaddaşlarda necəyəmsə, əbədi olaraq da elə qalım. İstəmirəm kimsə mənə görə pul yığsın, harasa müalicə üçün göndərsin. Əgər yaradıcılığım haqqında yazmaq istəyirlərsə yazsınlar, ancaq kömək lazım deyil”. Açığı uzun müsahibə verəcək gücdə də deyildi, görüntü də istəmirdi. Sadəcə bəzən qısa açıqlamalar verə bilirdi”.

Rejissor Nicat kazımovun sözlərinə görə Kübra xanım ev heyvanlarını çox sevib. İtlərə, pişiklərə qayğı göstərir, onları yedirdirmiş. Elə pişiklərlə yaxınlığı onda xəstəlik yaradıb. Bir dəfə pişik caynaqları ilə onun ayağını cızır, həmin cırmaq yeri yavaş-yavaş onda problemlər, xəstəlik yaratmağa başlayır. Lakin buna baxmayaraq o, yenə də heyvan sevgisindən imtina etmir.

***

Kübra xanım şəkər xəstəliyinə tutulanda ilk zamanlarda özünün xəbəri olmayıb. Sonralar gəzə bilmir, halı özündə olmur. Özünə, səhhətinə qarşı çox etinasız olduğundan bədənində əmələ gələn ləkələrə baxıb deyirmiş, heç nə olmaz, keçəcək. Ayağının “qanqren” olmaq təhlükəsi ortaya çıxanda onu məcburi olaraq həkimə aparırlar. Xəstəxanaya gedəndə həkimlər deyir ki, “bir az da gec gəlsəydin, “qanren” qanına keçib səni öldürə bilərdi”. Xəstəlik aktrisanın yavaş-yavaş bir barmaqdan digərinə keçir, sonra dizlərinə qədər qaralma başlayır. Bütün bədənində tədricən ləkələr əmələ gəlir. Həkimlər təcili əməliyyat olunmalı, lakin nəticənin yaxşı olması ehtimalının da çox az olacağını bildirirlər. Şans az olsa da, Kübra xanım əməliyyata razı olur. Çünki həkimlər müalicə olunmazsa, öləcəyini deyirlər.

Kübra xanım əməliyyat nə qədər riskli olsa da, ölmək yox, yaşamaq istədiyini deyir. Əməliyyat sonrası gözlərini açır, hər şey qaydasında olur. Lakin bir saatdan sonra aktrisa komaya düşür və beyin ölümü baş verir, bir neçə saatdan sonra onu aparatdan ayırırlar. Aktrisa 12 fevral 2017-ci ildə 59 yaşında dünyadan köçür.

news-inner-user

18027 məqalə

Oxşar xəbərlər

Xəbər lenti

Tanınmış müğənni Qarabağ şəhidlərinə klip həsr etdi - Video
18:50 25 Fevral 2021
Devid Finçerdən yeni film
18:06 25 Fevral 2021
Üç oğlu müharibədən qayıtmayan kişi - Ramiz Rövşənin hekayəsi
17:19 25 Fevral 2021
“Xocalı-Tarixi Ədalət” adlı sərgi açılıb
16:34 25 Fevral 2021
Əməkdar artistdən Xocalı kompozisiyası - Fotolar
15:50 25 Fevral 2021
Yaxşı-yaman İlhamə Quliyeva
15:01 25 Fevral 2021
"Qızıl Qlobus"a korrupsiya ittihamı
14:22 25 Fevral 2021
Sevdiyim qızdan ayrıldığım o qarlı gün...
13:39 25 Fevral 2021
Seymur Baycandan meyxana azarkeşlərinə sərt tənqid: "Bir gün..."
12:33 25 Fevral 2021
Rəsulzadənin doğum tarixini yanlış bilirik: İlginc arxiv materialları - Foto
11:54 25 Fevral 2021
20 yaşlı yazıçı mənzilində ölü tapıldı
11:12 25 Fevral 2021
... olsaydım – Alov İnannadan yeni şeir
10:30 25 Fevral 2021
Azərbaycan kitabları Fransa Milli Kitabxanasında
10:01 25 Fevral 2021
Azad medianın yaratdığı totalitarizm – Aqşin yazır...
09:01 25 Fevral 2021
Varisin romanı Özbəkistanda çap olundu - Foto
08:37 25 Fevral 2021
Musiqili Teatr Xocalı haqqında film çəkdi - Video
18:56 24 Fevral 2021
Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
18:12 24 Fevral 2021
Yeni iddia: Kennedini Xruşşov öldürdüb
17:35 24 Fevral 2021
Qar yağanda ortaya çıxan 10 azərbaycanlı tipi
16:50 24 Fevral 2021
Azərbaycanda yeni teatr yaradıldı
16:02 24 Fevral 2021