Mədəniyyət Nazirliyinin dəstəyi ilə “Azərbaycan kino səlnaməsi” ikicildliyinin birinci cildi nəşr olunub.
Kulis.az xəbər verir ki, Əməkdar incəsənət xadimi, kinoşünas Aydın Kazımzadənin qələmə aldığı kitabın birinci cildi 1898-2018-ci illərdə istehsal olunan tammetrajlı və qısametrajlı bədii və televiziya ekran əsərlərinin filmoqrafiyasını əhatə edir.
Kitabda Azərbaycan kinematoqrafiyasının keçdiyi yola nəzər salınıb, inkişaf mərhələləri araşdırılıb. Ötən əsrin əvvəllərində Azərbaycan kinosunda qadın rollarının digər millətlərdən olan aktrisaların oynadığı vaxtda ilk dəfə azərbaycanlı Mərziyə Davudovanın, Əzizə Məmmədovanın 1928-ci ildə çəkilmiş “Hacı Qara” filmində iştirak etməsi, bir il sonra gənc qız İzzət Orucovanın “Sevil” filmində baş rola çəkilməsi və digər aktrisalarımızın çəkildikləri filmlər haqqında salnamədə ətraflı məlumat verilib.
“Şərq-Qərb” nəşriyyatında yüksək poliqrafik keyfiyyətlə çap edilən kitab kino mütəxəssisləri, mədəniyyət, incəsənət, televiziya, mətbuat işçiləri, kino həvəskarları, eləcə də geniş oxucu kütləsi üçün nəzərdə tutulub.
Xatırladaq ki, Aydın Kazımzadənin müəllifi olduğu “Azərbaycan kinosu” izahlı kataloqunun I və II cildində də 1898-2002-ci illərdə istehsal olunan xronikal-sənədli, elmi-kütləvi, sifariş və tədris filmləri tam əhatə edilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər