news-inner
clock13:17 calendar-gray 21 Yanvar 2021 view-gray1104 dəfə oxunub
view-gray1104 dəfə oxunub

Əsgər payına göz dikənlər

Pandemiya və 44 günlük müharibə dövrü xeyli “yardımsevər” insanlar peyda oldu. Sosial şəbəkələrdə hərə əlinə bir hesab kartı alıb əsgərə, imkansız ailələrə yardım üçün səfərbər oldu.

Həssas, kövrək insanlar isə gözübağlı, sorğu-sualsız bu insanlara etibar edirlər. Əsgər dedikdə onsuz da bütün axan sular durur yurdumun insanları üçün.

Məsəl var, deyirlər, başına gələn başmaqçı olar. Mənim özüm də bir dəfə belə tələyə düşmüşəm. Təxminən 7-8 il bundan qabaq 3 körpə uşaqla maddi sıxıntı içərisində qaldığı deyilən bir ailəyə yardım etmək adı ilə çox yaxından tanıdığım bir şəxs mənə elə bir fırıldaq gəldi ki, yardım kampaniyası ilə bağlı ömürlük travmam yarandı. Uşaqların məktəb ləvazimatlarını qarşılamaq üçün bankdan öz adıma kredit götürüb verdiyim o şəxs pulu alandan sonra qeybə çəkildi. İt də getdi, ip də. Sonra o ailəni tapdım və məlum oldu ki, 3 çanta, hərəsinə 10 dəftər–qələmlə yola verib.

Təbii ki, bu cür fırıldaqçıların tələsinə düşən ilk və son adam deyiləm. Mənim kimi yüzlərlə, hətta minlərlə adam bu cür oyunların qurbanı olur. Nəticədə isə itirən yardım edən tərəflə, yardıma ehtiyacı olan tərəf olur. Vasitəçilər isə hər zaman bu işlərdən vicdansızcasına qazanc əldə edir.

Günlərdir sosial şəbəklərdə bir nəfərin əsgərə yardım adı ilə topladığı yardımları mənimsəyərək özünə bahalı avtomobil aldığı ilə bağlı yazılar diqqətimi çəkdi. Təbii ki, hələ təsdiq olunmadan damğa vurmaq olmaz. Amma istər-istəməz insanların ağlında sual yaradan vəziyyət var ortada. 44 günlük müharibə dövründə əsgərlərə bu cür vasitəçilərin əli ilə göndərilən yardımların heç birinin ünvana çatmadığı ilə bağlı kifayət qədər səhih məlumatlar var.

Türkiyədə yaşayan soydaşlarımızın min əzab-əziyyətlə hazırladığı yardım bağlamlarının içindəki sovqatlar əsgər kazarmalarından yan keçib market və mağazaların piştaxtalarında göründü. Əlbəttə ki, utanmağımız üçün yetərli səbəbdir. İnsanların mənəvi hisslərinə vurulan bu zərbə gələcəkdə cəmiyyətdə empatiya hissinin də məhvinə səbəbiyyət verir.

Aramızda gəzib-dolaşan, səmimiyyətimizi, mərhəmətimizi sümürən bu yalançılara məğlub oluruq.

Bundan irəli dövrlərdə də müharibə zamanı insanlar əsgərin şəraitinin yaxşı olmasını daha üstün tuturdular. Bu incə və həssas xətti sovet dövrü çəkilən müharibə filmlərində, yazılan əsərlərdə görmək mümkündür. Müharibənin özü ilə birlikdə gətirdiyi aclıq, səfalət illərində insanlar ən dəyərli şeylərini, zinət əşyalarını əsgərlərə yardım olsun deyə hökumətə təhvil verirdi. Məsələn “Tütək səsi” filmində bir epizod var. Cəbrayıl camaata deyir, fondun taxılını bu gün göndərməliyik, amma camaata da korluq vermək olmaz. Hamı bir ağızdan deyir, göndərin getsin, dözmüşük, yenə dözərik. Deyirlər, nemesin əsgəri şokolad yeyir. Göndərin getsin.

Dövr dəyişsə də, insanların əsgərə olan münasibəti dəyişməyib. 44 günlük müharibə boyu əllərində sovqatla yol kənarlarında lövbər salıb, hərbi maşınların yolunu gözləyən insanlar buna sübut idi.

Məsələn yekəpər bir dayının əlində alma torbası ilə hərbi maşınların arxasınca qaçıb əsgərlərə alma verdiyi səhnə heç vaxt yadımdan çıxmayacaq. Bu kadr mənə “Bizim Cəbiş müəllim” filmində Cəbiş müəllimin qatar gedə-gedə əsgərlərə sabun paylamasını xatırladırdı.

Pensiyasını əsgərə yardım üçün xərcləyən nənələr, babalar gördük bu 44 gündə.

Xalq əsgərini sevir, dəyər verir. Onun ayağının isti, əyninin qalın, qarnının tox olmasını bütün qəlbi ilə istəyir. Yardım adı altında fırıldaqçılıq edən insanlar bizim inam hissimizi zədələyir. Bir dəfə yardım edən insanlar bu mənzərələri gördükdən sonra, haqlı olaraq, ikinci dəfə yardım etmək istəmir. Sosial şəbəkələrdə ömrümüzdə birinci dəfə gördüyümüz insanların tələsinə düşməmək üçün son dərəcə sayıq olmalıyıq. Yalnız bu yol ilə həm özümüzü, həm də hisslərimizi sığortalaya bilərik.

news-inner-user
Günel Musa

116 məqalə

Oxşar xəbərlər

Xəbər lenti

Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021
Onda mən də doyunca ağlaram - Güneydən hekayə
17:20 04 Avqust 2021
Könül Kərimova gileyləndi: "Nəfəsimiz kəsildi”
16:37 04 Avqust 2021
Varisin romanı Türkiyədə çap olundu
15:55 04 Avqust 2021
Valideynlərindən icazəsiz evləndi, içki ailəsini dağıtdı, intim videosu yayıldı – Anar Nağılbazdan 10 fakt
15:00 04 Avqust 2021
41 yaşını qeyd edən kəlbəcərli şair: “Elə ən çətini də budur” - Müsahibə
14:20 04 Avqust 2021
Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021