news-inner
clock13:50 calendar-gray 18 Yanvar 2021 view-gray1487 dəfə oxunub
view-gray1487 dəfə oxunub

50 yaşı tamam olan yazıçı: “Az qalıram utandığımdan qaçıb gizlənəm” – Müsahibə

Bu gün çağdaş nəsrimizin tanınmış imzalarından olan Pərviz Cəbrayılın doğum günüdür. Onun 50 yaşı tamam olur. Kulis.az bu münasibətlə Pərviz bəylə qısa yubiley söhbətini təqdim edir.

- 50 yaş və Pərviz Cəbrayıl. Adamın inanmağı gəlmir. Özünüz necə düşünürsüz? Tezmi keçir ömür?

- Bir vaxtlar biz uşaq olanda görərdik yazıçı-şairlərimizin 50 illik yubileyləri keçirilir. Belə qəribə həyəcanlanardım. Elə bilirdim, o adamların azı min yaşı var və bu dövlət səviyyəli tədbirlər mütləq keçirilməlidi. “Öləngi”ni atamın 50 yaşına bitirməyə söz vermişdim özümə, doğum günündən iki gün sonra, oğlumun doğum günündə bitirdim. Ancaq heç atama demədim də bu haqda. Ancaq o roman əvvəlindən axırınacan ona yazılmışdı. Hətta, oxuyanda belə demişdi: “Bala, sən elə məndən yazıbsan ki...” Məsələ bu deyil ancaq, mənə atamın o 50 illiyi o qədər uca görünürdü ki! İndi bu yaşımdan üzü o yana baxıram, təəccüblənməyə bilmirəm. 50 yaş nəymiş ki və o yazıçı-şairlərə elə təmtəraqlı yubiley keçiriləndə onlar necə utanmırmış?.. İndi mənə dostlar zəng edir, sosial şəbəkədə təbrik yazırlar, az qalıram utandığımdan qaçıb gizlənəm.

Bizim nəslin ömrü ağlımız kəsəndən xaosda keçdi - ömür gah uçdu, gah yerə mıxlandı, heç baş aça bilmədik. Necə deyərlər, heç bilmədim ömrüm necə gəldi, necə keçdi...

Image may contain: Pərviz  Cəbrayıl

- Ad günlərinə və yubileylərə münasibətiniz necədir? Keçirirsinizmi?

- Səmimi deyirəm, mənimçün doğum günləri ciddi önəm daşımır. Vaqif Səmədoğlu demişkən, ağlamaq istəyənə, yağış bir bəhanədi. Təki “oturmağa” bir bəhanə olsun. Bayramlar da eləcə. 28 Mayı və Novruzu çıxmaq şərtilə. Hamısı bu qədər. Məncə, biz doğum günlərini qeyd etmirik, sadəcə, gələn illərə yaltaqlanırıq – gəlsin və ardınca yenisini gətirsin. Bir növ, Molla Nəsrəddin demişkən, işığa gəlsinlər...

- Nələr edə bildiniz 50-yəcən?...

- Artıq yumora çevrilmiş bir söz var e: “Məni bu yerlərə siz gətirdiniz”. Adam zarafata da olsa, “məni bu yerlərə siz gətirdiniz” kimi bir şey demək istərdi, amma mən heç bir yerə gəlməmişəm, gələ bilməmişəm. Heç nə edə bilməmişəm. Bacardığım təkcə 50 il yaşamaq olub. Elə yerimdə qalmışam, yerimdə qala-qala 50 il keçib. Səmimi dediyimi düşünürəm. Hə, heç nə edə bilməmişəm. Amma yazılan təbrikləri oxuyanda fikirləşirəm ki, heç nə edə bilməmişəm, ancaq qazanmışam. Bu qədər sevgi ilə min il yaşamaq olar, ancaq Nazim Hikmət demişkən, oysa mən bir ağac əkə bilmədim...

- Təzə nə yazırsız?

- Biz yazmırıq, yazmağa çalışırıq. Dişlə-dırnaqla, cırmaqlaya-cırmaqlaya. Ömrümüzdən, doğmalarımızın ömründən oğurlaya-oğurlaya. Yeni bir romanın qeydləri gedir, ancaq bilmirəm, yazmaq qismət olacaq, ya yox...

- Bir daha təbrik edirik sizi. Arzu edirik 100-cən gedəsiz... Həm də yaza-yaza...

- Təbrikə, diqqətə görə çox sağ olun! Mənim həyatımın tək mənası arzunuzun son cümləsidi. Təki sağlıq olsun!

news-inner-user

19973 məqalə

Oxşar xəbərlər

Xəbər lenti

Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyirlər? - Sorğu
14:41 20 Sentyabr 2021
"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021