news-inner
clock12:15 calendar-gray 18 Yanvar 2021 view-gray982 dəfə oxunub
view-gray982 dəfə oxunub

Məni sevgi üstə yaxaladılar – Əlizadə Nuridən yeni şeirlər

Kulis.az tanınmış şair Əlizadə Nurinin yeni şeirlərini təqdim edir.

Kədər

Zaman axıb gedir əllərimin arasından.
Ömür axıb dolur bir qəbir çuxuruna...

Fələyin yelləri bərk əsir yenə,
Tökür ümidimin çiçəklərini...

Bir də bu ayrılıq kəsib yolumu,
Yenə bu kədərin əlində yaxam.
Haçansa gərəyim olacaq deyə,
Yığıram gözümə bu yağışları.

Məni sevgi üstə yaxaladılar...
Günahsız olmağın cəzası ağır.
Düşüb axtardılar, silah yerinə,
Özümü vurduğum ümidlərimi,
Bir də ürəyimdə səni tapdılar,
Sərçə dimdiyində dəni tapdılar...

Həsrət tiyanında yandım, bilmədin,
İndi gəl üstümə, külüm sevinsin.
Əllərin yuxuma sığal çəkmədi,
Hər yan qaranlıqdı, mənə əl eylə.
Uçub göy üzünə gedəsi olsan,
Mənə də xəbər eylə...

Səni aldatmağım gəlir

Bu laylanın dizi üstə,
Baş qoyub yatmağım gəlir.
Torpaqda üzmək öyrənib,
Dənizdə batmağım gəlir...

Bu necə ovçudu axı?-
Tətikdə əsir barmağı?
O quş mənə elə baxır,-
Özümə atmağım gəlir.

SOL tərəfim bir az SAĞal,-
Çəkir məni yol uzağa...
O üşüyən yalquzağa,
Bir ocaq çatmağım gəlir.

Göz yaşların ləldi deyib,
Kədər də gözəldi deyib,
Bu dünya düzəldi deyib,
Səni aldatmağım gəlir...

Ömür - yanmış zəmi kimi

Su çəkən kağız kimiyəm,
Gəzdirirəm can yerinə.
Günəş deyil, bəlkə qandı -
Yığılıbdı dan yerinə?!

Bizi sevgi fəsli çəkir...
Bir ilahi səsmi çəkir?
O kimdi, eşq rəsmi çəkir,
Sinəmin kətan yerinə?!

Axır ki, ötdüm özümü
Aynayla örtdüm üzümü...
Bir daşa sürtdüm üzümü,
Sürtdüm son insan yerinə...

Ömür - yanmış zəmi kimi...
Su basmış zirzəmi kimi.
...O qız batan gəmi,
Dönmədi liman yerinə...

Alın yazısından vurulan

Məni alnımdan yox, alın yazımdan nişan aldılar.
Hələ də alın yazımdan qan damır yerə...

Sən də dünəndə qalmısan,
gələ bilmirəm yanına, -
Bütün yollar xatirələrlə minalanıb...

Mən üfüq xəttini tutub gedirəm,
gecə də qaranlığı töküb çiyninə
çimir ay işığında.

Bilmirəm dünyanın harasındasan,
əllərini qucaqlayacam deyə,
Bu dünyanın ayağına döşənimmi?..

...Mənə nə öyrətdi ki, bu ayrılıqlar:
sən demə,
təkcə bənövşə deyilmiş boynubüküklərin adı.

Üzülmə,
içimdəki vərəm çöplərindən ocaq çatmışam,
Qoymaram adını üşüməyə...

...Məni alın yazımdan vurdular -
dağıldı ətrafa
Alın yazımdakı hərflər.

Darıxmağın rəsmi

Hardasan, şəhla gözlüm,
Sən nə şirin acımsan?
Hələ də bilmirəm ki,
Dərdimsən, əlacımsan?

Yuxuma dağıtmısan,
Saçının yumşağını.
Sən yoxsan, kim böyütsün,
Bu sevda uşağını?

Yol tapıb çıxa bilmir,
Bu tinim, bu dalanım.
Mən sevgi qaçqınıyam,-
Gəl, səndə daldalanım...

Düşmüşəm bu çöllərə,
Düşmüşəm - azmaq üçün.
Ürəyim bir divarmış,
Rəsmini asmaq üçün...

Bir körpə ümidim var,
Ağlayır qundağında.
Arzularım can verir,
Kədərin qucağında...

Hardasan, hardan bilim,
Mən hara üz döndərim?
Darıxmağın rəsmini
Çəkib sənə göndərim...

Özün bir az uzaqsan,
Kölgən keçir yanımdan.
Adını su aparar,
Düşmə dodaqlarımdan.

Düşüncə

Dənizə baxanda düşünürsən ki,
Torpağın üstünə suyu kim sərib?!

Dağların başında düşünürsən ki,
bəlkə çiçəklərin davası düşüb -
Lalələr hamısı qan içindədi?!

Meşəyə girəndə düşünürsən ki,
bəlkə külək
Nəğmə dərsi keçir sırayla düzülən ağaclara?

Göylərə baxanda düşünürsən ki,
bəlkə günəş
Göy üzünə çəkilmiş portağal rəsmidir?!

Gülə baxanda düşünürsən ki,
bəlkə gül də bir gülüşdü -
O qızın dodağından düşüb qalıb?!

Əlizadə Nuri - Şeirlər » Ədəbiyyat.AZ - Ədəbi yazılar, məqalələr, son  xəbərlər, kitablar, poeziya

news-inner-user

19984 məqalə

Oxşar xəbərlər

Xəbər lenti

Rejissor öz ölümündən film çəkdi
15:10 21 Sentyabr 2021
Məktəb oxumayan yazıçı Nobeli necə aldı?
14:12 21 Sentyabr 2021
Fotoqraflar arasında müsabiqə elan olundu
13:02 21 Sentyabr 2021
Qardaşının ölümünü ondan gizlədilər, həkimlər övlad qadağası qoydu, “Ağlama, Zaur” şeirini yazdı - Anar Təhminəni onun həyatından götürmüşdü?
12:10 21 Sentyabr 2021
Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021
Çingiz Abdullayev Vətən müharibəsindən hekayə yazdı – Mətn
10:05 21 Sentyabr 2021
Məşhur müğənni əməliyyat olundu
09:31 21 Sentyabr 2021
Toy gecəsi mahnıya görə döyülən gəlin – Yeni hekayə
09:01 21 Sentyabr 2021
Vyetnam prezidenti ilə dostluq edən, 4 qardaşını vaxtsız itirən, Türkan Şorayı filmə çəkən Xalq artistimiz - Maraqlı faktlar
21:00 20 Sentyabr 2021
Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021
Britaniya filmi beynəlxalq müsabiqədinin qalibi oldu
18:00 20 Sentyabr 2021
Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyir? - Sorğu
14:41 20 Sentyabr 2021