news-inner
clock10:10 calendar-gray 12 Yanvar 2021 view-gray789 dəfə oxunub
view-gray789 dəfə oxunub

Ağzının sözünü bilməyən taksi sürücülərimiz

Ölkələrlə tanışqlıq həm də taksi sürücülərindən başlayır.

Təsadüfi deyil ki, Avroviziya mahnı yarışması keçiriləndə dövlətimiz həm də xüsusi taksilər və sürücülər hazırladı.

Bunun üçün təkcə ingilis dilində ən vacib şeyləri bilmək deyil, həm də davranış mədəniyyətini mənimsəmək lazım idi.

Bizim taksi sürücülərinin əksəriyyəti müştərilərlə nə danışmalı, necə danışmalı olduğunu bilmir.

Oturursan maşına, elə maşın 5-10 metr getməmiş, sükan arxasındakı ortayaşlı dayı sual verir:

- Bajoğlu, haralısan?

Bu sualı eşidəndə, adam istəyir elə yer desin ki, dayının ordan nə yaxşı bir dostu olsun, nə də əsgərliyini orda çəkmiş olsun.

Ya da təxminən 50-100 metr gedəndən sonra sürücü çox dəxlsiz yerdə belə bir cümlə işlədir:

- Bu camaatın da başına oyun açırlar e!

Bunu eşidən kimi, bilirsən ki, dayı bu dəqiqə hansısa qurumu ağ yuyub qara sərəcək.

Bilirsən ki, bu söhbət başlasa, Amerikanın gizli siyasətinə, dərin dövlət sirlərinə kimi gedib çıxacaq.

Sonra hansısa döngədə bu siyasi söhbətləri saxlayıb qəfil belə bir sual verəcək:

- Müsəlmansan da, hə, bajoğlu?

Və beləcə keçid edəcəksiniz din və Allah söhbətlərinə.

Azərbaycan taksi sürücüsünün müsəlman olması və öz ağlınca siyasətdən baş çıxarması iki ən vacib xüsusiyyətdir.

Son illər ucuz taksi şirkətləri fəaliyyətə başlayandan sonra sürücülərin menyusuna daha bir ciddi mövzu da əlavə olunub. Bilmirsən necə olur, bir də görürsən sürücü təxminən belə bir şey deyir:

- Bu taksi şirkətləri çıxandan biz də qəpik-quruşa işləyirik. O gün “Azneft”dən "Nərimanov" metrosuna adam aparmışam, 3 manat 55 qəpiyə. Əvvəl o yolu 10 manatdan aşağı getmirdim.

Ta sən də deyə bilmirsən ki, ay dayı, indi ucuz aparmırsan e, o vaxt çox baha aparırdın, ona görə indi elə bilirsən ki, çox ucuz aparırsan.

Hələ istəyirsən deyəsən ki, ay dayı, o vaxt “Azneft”dən "Nərimanov" metrosuna 10 manata adam aparanda utanmırdın?

İstəyirsən deyəsən ki, yəqin o vaxt müsəlman olmamısan.

Ümumiyyətlə, taksi sürücülərinin taksi şirkətləri ilə bağlı gileylərinə inanmayın. Taksi şirkətləri fəaliyyətə başlayandan sürücülər əvvəlki kimi saatlarla müştərisiz qalmır. Bir müştərini düşürən kimi, digərini götürürlər.

Aşağıdakı hadisə isə heç yadımdan çıxmır: komendant saatı vaxtı evinə tələsən orta yaşlı bir xanıma məhəllədəki “xalis müsəlman” taksi sürücüsü gözümün qabağındaca üç qat qiymət oxudu. Maşının lyukundan isə üçrəngli bayraq ucalmışdı.

Bu dəfə özümü saxlaya bilmədim, dedim, dayı, ya o bayrağı çıxart, ya da müştəriyə adam kimi qiymət de.

news-inner-user
Ulucay Akif

109 məqalə

Oxşar xəbərlər

Xəbər lenti

Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021