news-inner
clock14:15 calendar-gray 28 Dekabr 2020 view-gray1010 dəfə oxunub
view-gray1010 dəfə oxunub

Şou əhlinin Qarabağ səfəri niyə narazılıq yaradır?

Günlərdir insanların sosial şəbəkələrdə müzakirə etdiyi bir mövzu var. 28 il sonra işğaldan azad olunan torpaqlara kimlər getməlidir?

Əslində, haralı olmasından, peşəsindən, ictimai-siyasi mövqeyindən asılı olmayaraq, hər bir azərbaycanlının Qarabağa getmək haqqı var. Mərhələli şəkildə ürəyi istəyən hər kəs o torpaqlara ayaq basmalı, o dağıntıları canlı görməli, 28 illik göz dağımızı ömürlük göz yaddaşına həkk etməlidir. Çünki bu günə qədər başımıza nə gəlibsə, unutqanlıqdan gəlib.

Biz həm də o torpaqları, viran qalan yurd yerlərini incəsənətə köçürməli, ədəbiyyata çevirməliyik. Lakin biz bunun üçün tələsmirik.

Qarabağa yazıçılarımız, rejissorlarımız, peşəkar fotoqraflarımız da getməlidir. Peşəkar reportyorlar, jurnalistlər var ki, əlləri-qolları bağlı oturublar. Amma kimsə Şuşadan asanlıqla reportaj edir İnstagramda.

Getdikləri şəhərlərin işğal tarixini bir vaxtlar soruşanda gözünü döyən müğənnilər bu gün o yerlərdən selfi paylaşır.

Əlbəttə, müğənnilər də getməlidir, konsertlər də təşkil olunmalıdır, festivallar da keçirilməlidir. Ötən həftə Aygün Kazımova, Tüzalə Ağayeva, Zülfiyyə Xanbabayeva və bir çox məşhur müğənnilər dövlət televiziyası ilə birlikdə Şuşaya yola düşdülər. Əsgərlərimizin musiqiyə, əyləncəyə də ehtiyacı var. Amma mənə elə gəlir bu, ən sonuncu mərhələdə görüləcək işdir.

Bu gün Ağdamın dağıntıları peşəkar fotoqrafların kadrları ilə dünyaya yayılmalıdır. Filmlər üçün kadrlar çəkilməli, arxiv materialları toplanmalıdır. Bizim Şuşada konsert verməyə də, Cıdır düzündə yallı getməyə də vaxtımız çox olacaq.

Yadınızdadırsa, ünlü türk yazıçı Əlif Şəfəq Tvitterdə bir erməni sənətçisinin videosunu paylaşmışdı. Müharibənin hələ davam etdiyi günlərdə erməni musiqiçisi Şuşada zərər çəkən kilsənin dağıntıları içində viyolonçel ifa edirdi. Biz erməniləri söyüb, məntiqsiz karikaturalarla “sənət əsəri” yaradana qədər onlar artıq dünyaya incəsənətin əli ilə hay salmağı bacarmışdılar. O qədər effektli olmuşdu ki, hətta türk yazıçı belə ürək yanğısı ilə o videonu paylaşmışdı.

Ağdam Azərbaycanın Drezdenidir. Dünyada yalnız Drezdendən sonra bu miqyasda dağıntıya məruz qalan ikinci mədəniyyət beşiyidir.

Xalq artisti Mənsum İbrahimovla Təyyar Bayramov Ağdam Dövlət Dram Teatrının dağıntılarının önündə “Qarabağ şikəstəsi” oxumuşdu.

Gənc skripka ifaçısı bir xanım Füzulidə dağıntıların qarşısında skripkada “Sarı gəlin”i ifa etmişdi.

Bu, yaradıcılıq idi, dünyaya mesaj idi. Amma nümunələr azdır.

Düşünürəm ki, Qarabağa səfər edən bütün incəsənət adamları o səfərə yaradıcılıq rakursundan yanaşmalıdır. Biz o torpaqları yalnız selfi çəkdirmək, konsert vermək üçün azad etməmişik.

Bu səbəbdən xeyli narazılıq edənlər oldu. Sosial şəbəkələrdə bir xanım var, əyninə hərbi forma geyinib işğaldan azad olunan bütün şəhərlərdə fotolar çəkdirir. Bir dəfə marağıma məğlub olub souşdum ki, ora necə gedib. Dedi, filankəs dostumdur.

Məsuliyyət daşıyan qurumlar bir az diqqətli olmalıdır. Qarabağ haqqında ən sadə məlumatlara ilk dəfə 44 günlük müharibədə yiyələnən İnstagram qəhrəmanlarının keçdiyi postu yazıçılar, peşəkar fotoqraflar keçə bilmir.

Biz şəhidlərimizin qanı bahasına işğaldan azad olunan torpaqlarımızla onun müqəddəsliyinə layiq görüşlər keçirməliyik.

news-inner-user
Günel Musa

116 məqalə

Oxşar xəbərlər

Xəbər lenti

41 yaşını qeyd edən kəlbəcərli şair: “Elə ən çətini də budur” - Müsahibə
14:20 04 Avqust 2021
Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021