news-inner
clock12:38 calendar-gray 24 Dekabr 2020 view-gray1650 dəfə oxunub
view-gray1650 dəfə oxunub

Təhsilimizin bayağı siması: Direktor hansı xəstəliyi yayır?

Bu sosial şəbəkələr elə bir yerdi ki, ən xırda, əhəmiyətsiz məsələ də böyüyüb gündəmə çevrilə bilir. Elə bil, hamı özünü fikir bildirməyə məcbur hiss edir. Əslində, bunun həm yaxşı, həm də pis cəhətləri var.

Yaxşı tərəfi ictimai şüurun formalaşması, ictimai fikrin təzahürüdürsə, pis tərəfi insanların çox lazımsız məsələləri də müzakirə edərək onu gündəmdə saxlamasıdır. Gündəmə çıxan mövzulardan biri də məktəb direktoru ilə bağlı oldu.

Bakı şəhəri 187 saylı orta məktəbin müdirəsinin ad günü şənliyindən videolar yayıldı.

Məktəb direktorunun özünə təntənəli ad günü keçirməsi insanların qınağına səbəb oldu. Bəziləri onu karantin qaydalarını pozduğuna görə qınayıb tənqid elədi, bəziləri isə şəhidlərin ruhuna hörmətsizlik etməkdə günahlandırdı.

Hər iki məsələdə də tənqid və qınaqlar yerində idi, haqsız olduqlarını demək olmaz, amma izlədiyim videolardan sonra məni narahat edən başqa məsələlər oldu.

Ad günü şənliyində çəkilən videolardan sonra məktəb direktorunun digər videoları da yayıldı. Ərdoğana yazdığı şeiri səsləndirməsi, dinlədiyi musiqilər, qoyun ətini doğraması və bunu edərkən saçına iki bayraq sancması...

Dostlardan biri müdirənin saçına o formada bayraq sancması haqqında yaxşı zarafat elədi. Dedi, elə bil baş deyil, Yuxarı Seyidəhmədli kəndidi, işğaldan azad olunub.

Hə... Gəlim şəxsimi narahat edən məsələyə.

Məni narahat edən məsələ izlədiyim videolardakı bayağılıq idi. Videoların hər kadrından, səslənən musiqilərdən, direktorun davranışlarından, danışığından ifrat dərəcədə bayağılıq yağırdı.

Bir məktəb direktorunun bu dərəcədə bayağı olduğunu görəndə, başa düşürsən ki, niyə Üzeyirə qulaq asan şagirdlər çoxdur, niyə elmə zərrə də həvəsi olmayan uşaqlar çoxdur.

Çünki bayağılıq çox dəhşətli bir xəstəlikdir. Bu xəstəlik COVİD-19 virusundan da yoluxucu və təhlükəlidir. Koronavirus bizim ciyərlərimizə ziyan vurursa, bayağılıq birbaşa beynimizi sıradan çıxarır.

Əminəm ki, o direktor indiyə kimi, toplasan, heç 3 bədii kitab oxumayıb, oxuyubsa da, anlamayıb. Bir insanın vətəpərvər olduğunu göstərmək üçün saçına o formada iki bayraq sancması heç normal deyil.

Sən məktəb direktorusan, elm ocağının rəhbəri. Yəni doğrudanmı başına iki bayraq sancanda, düşünmədin ki mən nə edirəm?

Vətənə olan sevgisini bu cür formada nümayiş etdirən adamların hisslərinin səmimiyyətinə heç inanmıram.

Yəqin bütün bunlar bu yazını oxuyanlara da agahdı, amma yenə də istədim ki, mən də fikrimi bildirim.

Çalışın o məktəb direktoru kimi olmayın. Karantin qaydalarını pozub pozmamağınıza özünüz cavadehsiniz, pozsanız, cəzanızı alacaqsınız, amma Vətənə olan sevginizi düz-əməlli göstərin, bu formada yox.

Yox, əgər başqa cür alındıra bilmirsinizsə, çalışın bu Vətəni, ümumiyyətlə, sevməyin.

news-inner-user
Ulucay Akif

49 məqalə

Oxşar xəbərlər

Xəbər lenti

Nə qədər acı olsa da, Seymur haqlıdır – Cavanşir Yusifli yazır...
17:05 14 Aprel 2021
Pamuku təzə romanına görə niyə linç edirlər?
16:20 14 Aprel 2021
Anar qazi-şairlərlə görüşüb
15:40 14 Aprel 2021
Öləcəyini bilə-bilə vertolyota minən Milli qəhrəman - Türkiyə prezidenti ondan nə xahiş etmişdi?
14:55 14 Aprel 2021
Ruhumuzun mistikası - Ibrahim Ibrahimli yazır
14:12 14 Aprel 2021
Ziyalılar Prezident Administrasiyasına müraciət etdi
13:31 14 Aprel 2021
Şah İsmayıl Xətainin kitabı nəşr olundu
12:47 14 Aprel 2021
Azərbaycandan borc istəyən Atatürkün məktubu - Nadir fakt
12:05 14 Aprel 2021
Kanalizasiyada ölən Əhməd məhəlləni necə xilas etdi?
11:25 14 Aprel 2021
“Tik-tok”da videosu çıxdığına görə döyülən qadın
10:44 14 Aprel 2021
Tanınmış rejissor vəfat etdi
10:15 14 Aprel 2021
"Ürəyim istəyən qədər boşboğazlıq etmək istəyirəm" - Seymur Baycanla müsahibə
09:00 14 Aprel 2021
Mərakeşdə Azərbaycanla bağlı kitab nəşr olundu
18:59 13 Aprel 2021
Gənc yazarla görüş keçiriləcək
18:08 13 Aprel 2021
44 günlük müharibəyə həsr edilən şeirlər kitabı çıxdı
17:21 13 Aprel 2021
Bir əliylə köksünü tutmuş... – Orxan Vəlidən seçmə şeirlər
16:45 13 Aprel 2021
Niyə kitab oxumalıyıq?
15:54 13 Aprel 2021
Kamal Abdullanın hekayəsi Gürcüstanda çap olunub
15:01 13 Aprel 2021
Övladı olmadı, Azərbaycanı biryolluq tərk etdi, gözləri tutuldu... – Kinomuzun Humayı hardadır?
14:10 13 Aprel 2021
Atatürkün pencəyi satışa çıxarıldı
13:37 13 Aprel 2021