news-inner
clock12:50 calendar-gray 23 Dekabr 2020 view-gray2560 dəfə oxunub
view-gray2560 dəfə oxunub

"Manıs" təfəkkürlü məktəb direktoru və çökən təhsilimiz

Bir müddət əvvəl sosial şəbəkədə qarşıma bir video çıxdı. Telli Borçalı və Gülbahar Şükürlüyə bənzəyən bir qadın səsinin yanıqlı tonuna salıb şeir deyirdi. Şeir bu misrayla başlayırdı

Qadasın aldığım, ay Ərdoğanım!

Ərdoğana şeir həsr edən xanımın Bakı şəhərində 187 saylı orta məktəbin müdirəsi olduğunu öyrənəndə təhsilimizin və övladlarımızın gələcəyindən dərin narahatlıq hissi keçirdim.

Məsələ müəllimənin şeir yazmasında, yaxud da səsləndirməsində deyil. Avropada müəllimlər var, sinifdə “breek dans” oynayır. Məsələ Azərbaycan müəlliminin obrazının ziyalı trayektoriyasından ildırım sürətilə uzaqlaşıb, eyni sürətlə də "manıs" obrazı ilə bütünləşməsindədir.

Biz bu gün tam olaraq “qız uşağı ya müəllim olar, ya həkim” deyən ataların zibilinə düşmüşük. Ana istəyi, ata arzusu ilə müəllimə olan qadınlar bu gün həyatın başlanğıcı sayılan məkanlarda övladlarımızın həyatını qaraltmaqla məşğuldur.

Bu günlərdə sözü gedən direktorun qət təzə videosu yayılıb.

Karantin qaydalarına məhəl qoymayan şaqraq ruhlu xanım villasında özünə təmtəraqlı ad günü keçirib. Təxminən özü boyda olan bir gül buketnin qarşısında dayanıb, özünə uzun ömür-can sağlığı arzu edən müdirə xanım nitqinə “Ərinizlə deyil, oğlunuzla fəxr edin” kimi unikal bir nəsihət də verib.

Mənim təhsil aldığım məktəbdə bir direktor köməkçisi var idi, həm də Astronomiyadan dərs deyirdi. Deyirdi yaxşı, pullu oğlan tapıb ərə gedin, nəyinizə lazımdır təhsil almaq! Həyatında heç bir intellektual partlayış yaşamayan, tarixin tozlu rəflərində qalmış bilgilərlə müəlliməlik edən, müəllimlər otağında söhbətlərinin mövzusu keks, tort reseptlərindən, türk seriallarının müzakirəsindən o yana keçməyən qadınlara böyük müəllim və şagird kollektivləri həvalə olunur. Nəticər də göz qarşısındadır.

Bir müddət əvvəl bayrağı başına taxıb onlayn dərsdə rəqs edən tələbəni yəqin xatırlayırsınız. Hamımız o gəncin üstünə hücum etdik. Tərbiyəsizdir, cahildir, sayğısızdır dedik. Amma bu tələbəni yetişdirib cəmiyyətə ötürən müəllimləri sorğu-sual etmədik. Biz başına bayraq taxıb rəqs edən 18 yaşlı gənci qınayırıq, amma başına bayraq keçirib ət doğrayan 61 yaşlı müəlliməyə gülürük, məsxərəyə qoyuruq. Əslində faciəmizdir. Karantin qaydalarını pozan müdirə əvvəlcə açıqlama verdi ki, bəs məcilis keçən il olub. Videoda isə Qarabağın işğaldan azad olunduğunu vurğulayır. Yəni utanmasa deyər Qarabağ keçən il azad olunub siz indi duyuq düşmüsünüz. Yeni verdiyi açıqlamada isə deyir, mən ad günü yox Qubadlının işğaldan azad olunmasını qeyd etmişəm. Yəni qadının özünü müdafiə etməyə belə qabiliyyəti yoxdur. Sual verirəm: Xanım bu zehniyyətlə necə yaşamısınız?

Məktəblərdə şagirdlərin 11 il ərzində ən çox eşitdikləri söz "pul" olub. "Süpürgə pulu", "təmir pulu", "bayram pulu", "müəllimlər gününə hədiyyə", "8 Mart pulu" və s. Şagirdin cibinə girən əllərdən biridir həmən müdirə qadın. Azərbaycanın cahil cəmiyyətini formalaşdıran, kitabdan uzaq gənclik yetişdirənlərdən sadəcə biridir.

Xanımın seçdiyi cümlələrdən, israf etdiyi sözlərdən IQ səviyyəsinin nə vəziyyətdə olmasını müəyyənləşdirmək çətin deyil. Təhsil Nazirliyindəki məsul şəxslərin hansı meyarlara görə bu qadına təhsil ocağı həvalə etməsi beyinlərdə xeyli sual yaradır. Yüzlərlə şagirdə, müəllim heyətinə rəhbərlik edən şəxsin ziyalı xarakterindən xeyli uzaq olması heçmi nəzərə çarpmayıb?

Həyatında başqa ölkə, başqa şəhər görməyən coğrafiya müəllimləri, sonuncu dəfə orta məktəbdə roman oxuyan ədəbiyyat müəllimləri, “Good morning, good bye” sözlərindən başqa yeni kəlimə öyrənməyən ingilis dili müəllimləri ilə doludur məktəblərimiz.

Təhsil sistemindəki bu dərin uçurumu qapatmaq üçün isə hələ heç bir əməli tədbir görülmür.

Təhsilimizin namusunu Avropa təhsilli yeni nazirimizin belə xilas etməyə gücü çatmır, deyəsən.

Bu boyda biabırçılığa sadəcə şiddətli töhmət verməklə kifayətlənmək problemin üstünü örtmək idi, kökündən həll etmək deyildi.

news-inner-user
Günel Musa

103 məqalə

Oxşar xəbərlər

Xəbər lenti

"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modalyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021
Ceyms Bond silsiləsindən yeni filmin premyerası yenə təxirə salındı
13:29 22 Yanvar 2021
Azərbaycanda Böyük Britaniya film festivalı başlayır
12:44 22 Yanvar 2021
Tənqidin tənqidi – Ağalar Qutdan yeni esse
12:08 22 Yanvar 2021
Yazıçılar Donald Trampa kitab qadağası qoydular
11:32 22 Yanvar 2021