Sənət

Pəncərə tərində bir şeir yazdım... - Furqanın yeni şeirləri

Pəncərə tərində bir şeir yazdım... - Furqanın yeni şeirləri
19 dekabr 2020
# 15:19

Kulis.az gənc şair Furqanın yeni şeirlərini təqdim edir.

Yoxa çıxmalar

pəncərə tərində bir şeir yazdım
və izlədim qafiyələrin
aşağı sürüşməyini -
yoxa çıxdı şeir!

pəncərə tərində
məktub yazdım dostlarıma
və izlədim sözlərimin
aşağı sürüşməyini -
yoxa çıxdı dostlarım bir-bir!

pəncərə tərində
tərcümeyi-halımı yazdım
və izlədim illərin
aşağı sürüşməyini -
yoxa çıxdı tarix!

indi bir pəncərə qalıb, bir mən -
mən də bir azdan
yoxa çıxacam!


Hüzur

indi əsən küləklərdən daha çox
əsməyən küləklərin
ağacı olmaq istəyirəm -
yarpaqsız,
çiçəksiz,
meyvəsiz...

indi yağan yağışlardan daha çox
yağmayan yağışların
buludu olmaq istəyirəm -
kölgəsiz...

indi çaxan şimşəklərdən daha çox
çaxmayan şimşəklərin
göy üzü olmaq istəyirəm -
tərtəmiz,
heçnəsiz...

Kulis.az
Kulis.az
# 3965 dəfə oxunub

Oxşar xəbərlər

"Həyat bütünlüklə xatirələrdən ibarətdir?" - Tanınmış amerikalı psixiatrdan sitatlar

"Həyat bütünlüklə xatirələrdən ibarətdir?" - Tanınmış amerikalı psixiatrdan sitatlar

11:01 7 noyabr 2026
"O, təkcə metal açarı yox, öz mənəvi açarını da itiribmiş” - Hekayə müzakirəsi

"O, təkcə metal açarı yox, öz mənəvi açarını da itiribmiş” - Hekayə müzakirəsi

12:46 4 noyabr 2026
Onlar çox yaşamadılar, amma ədəbiyyatı dəyişdilər – Gənc yaşda vəfat edən 10 şair

Onlar çox yaşamadılar, amma ədəbiyyatı dəyişdilər – Gənc yaşda vəfat edən 10 şair

15:00 3 noyabr 2026
Fiksiya həyatda qalma forması kimi - Silvia Goteanschi

Fiksiya həyatda qalma forması kimi - Silvia Goteanschi

11:00 3 noyabr 2026
Riyazi mənzərələr - Vüqar Vanın yeni hekayəsi

Riyazi mənzərələr - Vüqar Vanın yeni hekayəsi

10:00 3 noyabr 2026
"Arxada qalan onilliklər artıq sənin deyil..." - Məşhur "Time" necə yarandı?

"Arxada qalan onilliklər artıq sənin deyil..." - Məşhur "Time" necə yarandı?

13:00 1 noyabr 2026
#
#
Ana səhifə Reels Yazarlar Xəbərlər